فيشة رقم الأوكتين

[Shiref_mohamed]

السلام عليكم ورحمة الله وبركاته
انا لسه اول مشاركه ليا في منتدى الأوبل ومعلش عندى سؤال وارجو سعه صدر الأعضاء والأفادة .
انا معايا اخويا اشترى اوبل كورسا موديل 2000 كامله ماعدا الزجاج الكهرباء
المهم انا معايا دايو لانوس 99 وفيها حاجه اسمها فيشة الأوكتين وديه حاجه زى جمبر كده بتبقى موجوده جمب الكمبيوتر وديه من خلالها يتم ظبط السياره على نسبة اوكتين معينة ولما بنشيلها خالص العربية سحبها بيزيد واستهلاك البنزين بيقل جامد

السؤال بقى كنت عاوز اعرف الموضوع ده موجود في الأوبل كورسا ولا لأ ولو موجود مكانه فين بالظبط

واسف على الإطاله وشكراً مقدماً على الردود

[ENG\AHMED]

كتالوج العربية هتلاقى فية مكانة لو وجود
فى الفكترا فى علبة سوداء فوق وحدة ال Abs لو فتحتها هتلاقى سلكة وفى الاخر فيشة مكتوب عليها من ناحية رقم اوكتان ومن الناحية التانية رقم تانى وانت بتظبها على اللى انت عايزة...ممكن تشوف عندك لو فى حاجة شبة كدة
ملحوظة: لازم يبقى التنك خلاص علشان لما تحط الاوكتان التانى ميبرجلش العربية

[M.Mokhtar]

دى معلومه جديده بالنسبة ليا
بس لو شيلنا الفيشه دى خالص ايه الىل هيحصل؟
ودى بتفيد فى ايه يعنى؟ انضغاط الموتور ولا كمية البنزين المسحوبه بالنسبة للهوا ولا ايه؟

[eng_mkhalaf]

أول مرة أعرف أنها ممكن تكون موجودة فى الأوبل - إللى أنا عارفة انها موجودة فى الدايو

[ENG\AHMED]

دى معلومه جديده بالنسبة ليا
بس لو شيلنا الفيشه دى خالص ايه الىل هيحصل؟
ودى بتفيد فى ايه يعنى؟ انضغاط الموتور ولا كمية البنزين المسحوبه بالنسبة للهوا ولا ايه؟

الفيشة دى بيبقى ليها وجهين كل وجة بيبقى مكتوب علية رقم اوكتان معين متقلش عنة وبتختلف على حسب الوجة اللى مركبة..الفيشة اللى نزلة مع العربية مكتوب عليها 87 و 91 يعنى مثلا لو حطيتها على الوجة بتاع 91 يبقى متقلش عن اوكتان 91 ممكن تحط اعلى انما اقل لأ
الفيشة دى موجودة فى الموتور 16lz2 اللى هو ال 1.6 الكامة الواحد (الموتور الاسود) ..زى موتورك القديم يامحمد.. مش متأكد موجودة فى الباقى ولا لأ بس غالبا فى الايكوتك بدلوها بحساس knock sensor وهو بيظبط اوتوماتيك

فكرة الفيشة دى اننها تقريبا مقاومة resistance بتقدم وتأخر توقيت الاشتعال على حسب نوع البنزينن المستخدم لمنع حدوث detonation لأن كل لما الاوكتان بيعلى بتبقى قابلية البنزين للأشتعال الذاتى اقل وزمن الاشتعال اقل وبالتالى بيأخر الشرارة علشان يستفيد من ضغط الخليط جوة ال cylinders

نسبة الانضغاط compression ratio متقدرش تغير فيها الا اذا لعبت فى البساتم او الاسطوانات او وش السلندر يعنى اساس الموتور نفسة غير كدة مفيش تقدر تلعب بيها فى CR

[M.Mokhtar]

معلومه هايلة
ربنا يخليك لينا
والف مبروك بقيت عضو مبتئ بدل عضو خامل(مش عارف خامل دى جايه من الغازات الخامله اللى مش بتتفاعل بسرعه ولا ايه) :)

[ENG\AHMED]

Looooooooooooolll :dd

[Ahmad Allawy]

الكورسا اللي مع اخوك دي.. الهاتش باك مش كده.,.؟؟
لو هي يبقي مش كاملة فقوي يعني.. :) ينقصها مرايات كهربا و فتحة سقف بس..
ولو فيها مرايات كهربا يبقي انت اللي مركبهم.. :)
ما علينا.. الفيشة موجودة طبعا.. وانا شوفتها عندي..و فكرت اني اقلبها لما قلبت شوية 95 بس مقعدتش كتير و رجعتها تاني..

بالنسبة للمعلومة.. هل انت متأكد من حكاية انها بتزود السحب دي و بتقلل الاستهلاك..؟؟
عموما مكانها فين هاقولك.. انا عندي عارف البطارية فين..؟؟
قدام الحاجز اللي بين البطارية و الموتور.. هتلاقي خرطوم بلاستيك اسود طالع من الحاجز ده.. و هي راكبة فيه ..و مكتوب عليها م فوق 91..

عموما انا هاحاول اصورهالك و هاجرب الموضوع ده و هاقولكم النتيجة..
بس يا خوفي احسن لمبة الانجين تشيك تنور و تعمل قلق.. عموما هنشوف..

[ENG\AHMED]

..

بالنسبة للمعلومة.. هل انت متأكد من حكاية انها بتزود السحب دي و بتقلل الاستهلاك..؟؟
بس يا خوفي احسن لمبة الانجين تشيك تنور و تعمل قلق.. عموما هنشوف..

كل عربية ليها ظبتها اللانوس نظامها نختلف وهو هنا بينكلم على اللى شافة فى اللانوس فى الكورسا ماتشلهاش طبعا اظبطها بس على الاوكتان اللى هتستعملة
اكيد هيفرق فى السحب لأنوا هيدى الشرارة فى توقيتها مظبوط تبعا لنوع الاوكتان

[Ahmad Allawy]

عموما.. هي مظبوطة لسة علي 91.. و انت فاهم طبعا ال92 اللي عندنا اقل من 91 اصلا.. يعني هاسيبه علي حاله..
بس ده لا يمنع اني ممكن اتجنن و اجرب اشيلها خالص و اشوف لمبة التحذير هتور ولا لأ..

[farahat]

عموما.. هي مظبوطة لسة علي 91.. و انت فاهم طبعا ال92 اللي عندنا اقل من 91 اصلا.. يعني هاسيبه علي حاله..
بس ده لا يمنع اني ممكن اتجنن و اجرب اشيلها خالص و اشوف لمبة التحذير هتور ولا لأ..

مش مفروض إنه ينور ، كل الحكاية إن الموتور أو بمعنى أصح وحدة الكونترول ECU بتغير الجدول بتاعة توقيت الشرارة على الوقت الجديد إلي مناسب للبنزين إلي إنت بتقولها انك حطه .
و ده مافيهوش مشكلة خالص مع الموتور إن شاء الله

[Ahmad Allawy]

الف شكر يا باشا..
شوف كده الموضوع ده و قولي..

http://www.nilemotors.net/Nile/showthread.php?t=24697

[Shiref_mohamed]

يا جماعة عندنا في الدايو الفيشة ديه عامله زي الجمبر بتاع الهارد ديسك كده يعني هيا ليها 3 اطراف خارجين منها وهى بتبقى نازله هنا في مصر الطرفين 1،2 مقفولين ببعض وديه ظبطة الـ87 ولما تقفل الطرف التاني والتالت يبقى احنا كده ظبطناها على 95 ولما تقفل الثلاثة اطراف ببعض كده تتظبط على 83 ولما الثلاثه اطراف كلهم يتفصلو عن بعض او تشيل الفيشة خالص كده العربية بتبقى مظبوطة على 91 وانا عندى في الدايو بحط بنزين 92 على طول والفيشة عندى كانت مظبوطه على 87 عشان الواحد يقدر يحط 90 بس لما شيلتها خالص طبعا بقت مظبوطة على 91 وانا بحط 92 فكده بقت العربية بتستفاد من نسبة الأوكتين الى بحطها عشان كده السحب اتحسن وكمان استهلاك البنزين قل شويه

[Ahmad Allawy]

ايوة كده تمام..
لما اسأل بقي او ادور و هاقولكم في الاوبل ايه النظام..
بس اللي انا متأكد منه اني لما احط الفيشة بعدلة معينة. بيبقي 91
ولو قلبتها هتبقي 95.. و ده مكتوب علي الفيشة دي من فوق او من تحت..
بس من غيرها خالص دي مش متأكد منها..

[sniperfox]

انا معايه اوبل فكترا موديل 95 والفيشه دى فيها جمب كبل الكمبيوتر او ورا اربت الميه بتاعت المسحات