حد غير كاتينة اوبل كورسا ؟

[farahat]

شباب الاوبل الكرام ..
حد غير كاتينة اوبل كورسا الموتور ال-1000 قبل كدة ؟ و هل بتحتاج حاجة تتغير غير إلكاتينة نفسها يعني تروس و شدادات و بتاع ؟
و تمنها في حدود أد إيه ؟

[Ahmad Allawy]

باشا..
قبل ما ارد عليك.. هاطلب منك طلب بايخ شوية..
ممكن تدخل كده تشرف الموضوع ده و تشاركنا المعلومات..تتعرف علينا و نتعرف عليك..

http://www.nilemotors.net/Nile/showthread.php?t=24697

غير كده بقي يا باشا.. انا عن نفسي كنت هاغيرها لما اخدت العربية بس اجلت الموضوع شوية..
لما سألت المهندس اللي باتعامل معاه قوالي ان تمنها حوالي 350 جنيه..ة بس انا عندي 1200 مش 1000..
اتصلت دلوقتي و سألت و جيبتلك الخبر اليقين..
ال1200 السير كاوتش.. في سير و بلية و شداد و طلمبة المية.
السير 55 و البلية و الشداد 175 و الطلمبة 150 يعني كله 380 جنيه..
ودهخ الصح من جي ام ان اللي يغير يغير الكلام ده كل 40 الي 50الف حسب نوع السير..
حتي لو البلية وا لطلمبة سليمة..

اما بقي بالنسبة للكورسا 1000 ودي الموضوع مختلف..
الكاتينة بتاعتها جنزير حديد..
وده مش بيتغير.. غير لو هتعمل عمرة.. ودي تقريبا الحالة الوحيدة..
والمشكلة انه غالي شويتين..هو بمشتملاته..
يعني الجنزير نفسه تمنه 350 جنيه.. و طلمبة المية في نوعين 250 ةو 350
و شدادين ب 100 جنيه و حاجة اسمها طبة كاتينة مش فاكر قاللي كام.. 120 باين..
المهم كله علي بعضه بيعمل حوالي 850 تقريبا..

اتمني اني اكون افدتك يا باشا.. و تحت امرك..

[farahat]

مشكووور يا باشا ، إنت رجل مية مية بجد
ربنا يكرمك و يجزيك خير إن شاء الله

[Ahmad Allawy]

يا باشا لا شكر علي واجب.. انا تحت امرك..
الموضوع مفيهوش تعب يعني ولا حاجة.. يعني ولا نزلت ولا روحت ولا جيت..
كلها مكالمة تليفون للشركة و شوية رغي مع الراجل السكرة اللي هناك.. مش اكتر..

(ايدك بقي علي 2 جنيه تمن مكامة الموبايل.. )

[farahat]

يا باشا إنت تستاهل أكتر من ٢ جنيه على افادتك دي ،
بس يعني لو بتوع ال-it هيعملوا كدة في بعض هنخلي الناس التانية تشمت فينا :)

[Ahmad Allawy]

يا خبر.. هي فيها شماته كمان..؟؟
لالالالالا
ده انت تأمرني بس انزل التوفيقية و اجيبلك كل حاجة و اوصلهالك لحد البيت و تمنها اعتره وصل كمان يا باشا.
يا خبر.. ده احنا اخوات اوبل و اخوات اي تي.. يعني خلاص.. ناقص نغير الاسم في البطاقة..
:) :) :) :)