تفويل التنك فكترا بى

[magdyelshikh]

الموضوع قارفنى قوى من سنه ونصف كل ما افول التنك آخر 8 أو 9 لتر استحالة يتم وصولهم الى التنك الا عن طريق جركن وواحده واحده بتجرى ليه والكلام اللى يشل ده لغاية ما الحمد لله توصلنا انا والعبقرى ابو الحمد كبير الابلوية بمنطقة المطار بالاسكندرية الى السبب ....





انظر كويس للزور به علبة مربعه وخارج منها عدد 2 بزبوز فيهم خرطومين للهوا الفايز اللى بيخرج من التنك عن طريقهم المشكلة تكمن فى العلبة دى ولا يمكن الغائها لسبب تأمنى فى تصميم الزور عند وجود حادث لقدر الله والعربية انقلبت بيتم اغلاق الخرطومين من داخل العلبة دى فيؤدى لمنع خروج البنزين والعربية تولع فضرورى زور تانى استيراد وده اللى حصل والحمد لله كله بقى تمام وديه اول تجربة له وجارى عده اختبارات للتأكد من ادائة بكفاءه ..

[فادى محمد]

ع البركه يا استاذنا ..مكانه فين الزور ده ناحيه فتحه التفويل ولا ناحيه التانك نفسه؟

[sniperwolf]

طيب ياباشا الاسترا اية موقفها من الخراطيم دى فيها نفس الموضوع دة علشان البنزين ميخرجش من التانك فى حالة الحوادث ؟

[mera11]

مبروك يا مجدى ومعلومة جيدة وميزة من مميزات الأوبل

[tananybasha]

شكراً يا باشا على المعلومه

[tananybasha]

هى كل الأوبل فيها العلبة دى
و لا البى بس

[magdyelshikh]

ع البركه يا استاذنا ..مكانه فين الزور ده ناحيه فتحه التفويل ولا ناحيه التانك نفسه؟

الله يبارك فيك يا فادى باشا ..
الزور ده بدايته من باب التنك اللى بيتربط فيه الغطا بتاع التنك وواخد شكل حرف ال اوله فى الغطا ونهايته راكب فيه اربع خراطيم داخلين كلهم على التنك منهم الاتنثين بتوع الفايز للهوا ..

[magdyelshikh]

طيب ياباشا الاسترا اية موقفها من الخراطيم دى فيها نفس الموضوع دة علشان البنزين ميخرجش من التانك فى حالة الحوادث ؟

ايوا الاسترا فيها نفس النظام وكمان الكورسا الحديثة اللى ماتورها 1600 سى سى

هى كل الأوبل فيها العلبة دى
و لا البى بس

الفتكترا ايه والبى والاسترا 1200سى سى والاسترا الحديث 1600 سى سى وكمان الكورسا الحديثة اللى موتورها 1600 سى سى اما الكورسا 1000 ، 1200 سى سى فيها نفس طريقة الزور بس بدون علبة التحكم فى خروج البنزين عند الحوادث ..

[magdyelshikh]

وكمان ده شكل الزور كله على بعضه يا فادى زى ما قلت لحضرتك بدايته من الغطا ونهيته بيتربط فى اطرافه خرطومين واحد كبير والتانى متوسط دخول البنزين للتنك وخرطومين رفيعين طربوطين فى العلبه الثابته على اول الزور وواصالين بداخل التنك ايضا ...

[tananybasha]

شكرا و ربنا يزيدك

[SYD]

الأوبل فيه تانك احتياطي ؟؟؟؟؟؟

ولو في ، ازاي اعبيه ؟؟

والله المستعان
،
،

[magdyelshikh]

الأوبل فيه تانك احتياطي ؟؟؟؟؟؟

ولو في ، ازاي اعبيه ؟؟

والله المستعان
،
،

هو بيتعبه اتوماتك يا بشمهندس محمد مع تفويل التنك هو التنك عبارة عن صندوق حديدى من داخله حاجز فيه فتحه مستديرة وبتبقى مختلفه المكان من موديل لاخر مثلآ فكترا بى فى نصف الحاجز الفتحة فى الفكترا ايه الفتحه كبيرة بعرض الحاجز كله والفكرة من وجود الحاجز ده انه بيقسم التنك لجزئين وفى نفس الوقت بيمتص ارتدام البنزين فى جوانب التنك لمنع الصوت وكمان بيخف الاصتدام بالطرمبة من البزنين مع الحركة فى المشى يعنى الالمانى دماغ كبيرة وكل حاجة لازم ليها فايده من وضعها او تصميمها ..

[zalantaheee]

(( فضرورى زور تانى استيراد وده اللى حصل والحمد لله كله بقى تمام وديه اول تجربة له وجارى عده اختبارات للتأكد من ادائة بكفاءه ..)))
هو حضرتك تقصد ان الوضع الصحيح ان يفضل في بنزين في التانك و ان دي مش مشكلة ؟؟
ولا ان نغير عشان المشكلة تتلغي
ارجو التوضيح عشان اتلخبط ههههههههههههه

[magdyelshikh]

ارجو التوضيح عشان اتلخبط ههههههههههههه

هى المشكلة ان الزور بايظ وبالتالى بيأثر فى ملو التنك الى آخره بالبنزين ولكن ممكن ياخد لغاية ثلاثة ارباعه بسهوله وبقيت التنك فى مشكلة علشان يتم ملاءه وبالتالى لو مشوار كبير ومفيش محطات كتيرة على الطريق اللى انا مسافر فيه مشكلة وبالذات فى الايام غير المؤمونه دى ممكن اتعطل وادور على محطة بنزين ومشاكل بقى طب منحل المشكل قبل ما يحصل ونبقى فى الامان ده رأى اللى بفكر دايمآ بالطريقه دى ...اتمنى تكون الصورة وضحت..

[zalantaheee]

تمام جدا الله ينور عليك بجد
بس اصل انا عندي لو العربية فصلت بنزين خالص
اروح افولها
تاخد 50 لتر و انت عارف ان التانك 60
يعني بيبقي فيها و مع ذلك مش بتدور ليه ؟؟
هل دا من نفس المشكلة ؟؟