حساس الشكمان وطرمبة بنزين فيكترا c

[the_bird5]

العربيه فأجئه لقتها بتأخر فى الدواره
كشفت عليها كمبيوتر الميكانيكى قالى ان حساس الشكمان بايظ
وان سبب تأخير الدواره اما تتساب فترة كبيرة يأما البطاريه يا طرمبة البنزين
كنت عايز اعرف افرق ازاى وهل لو طرمبة البنزين تتصلح ولو هتتغير تتجاب جديدة ولا استيراد
وسعر الحساس والطرمبة جداد واستيراد كام
ولو حساس الشكمان بايظ تأثيره ايه على العربية

[haitham2011]

متابع.....

[caboo_1]

اولا هتحس بخنقة جامدة فى العربية لو الطرمبة باظت ومش هيبقى فى سحب خالص من الاخر بطة بلدى
لو الحساس بايظ قلة سحبودخنة سوداء وظهور صوت مخالف لصوت الماتور

[KHALED AYMAN]

ابو جمره الى قالك كده ؟؟
عموما
عندى العربيه كانت بتتاخر فى الدواره
اوقات وهى بارده
اوقات و هى سخنه
واوقات تدور زى الفل
المهم
غيرت حساس الكرنك
بقت تمام
فى التوكيل ب 650 جنيه

[the_bird5]

ايوه ابو جمرة
لاحظت انهارده ان بيبقى فيه دخنه كبيره بيضه اول ما اشغل واطلع بالعربية
العربية الحمد لله مكنش فيها حاجه سبحان الله فأجئه امبارح حصل فيها كدا الحمد لله قدر الله وما شاء فعل

[the_bird5]

الكرنك هوه الشكمان

[KHALED AYMAN]

ايوه ابو جمرة
لاحظت انهارده ان بيبقى فيه دخنه كبيره بيضه اول ما اشغل واطلع بالعربية
العربية الحمد لله مكنش فيها حاجه سبحان الله فأجئه امبارح حصل فيها كدا الحمد لله قدر الله وما شاء فعل

انا مكنش عندى دخنه ...
او بعنى اصح مكنتش ببص بس اعتقد مكنش عندى الدخنه دى ..!!
عاوزين نتقابل يا باشا ولا نبقى فى بلد كلها متر فى متر و منشوفش بعض :)

[tananybasha]

حساس كرنك
مش طرمبة

[the_bird5]

لما العربية بتمشى مفيش مشكلة فى السحب خالص بس بيبقى فيه صوت صرصرة وانا ماشى على الاول
وبيقى فيه ريحة شياط
هوه حساس الكرنك هوه حساس الشكمان ولا حاجه تانية
حضرتك شوف الوقت اللى يناسبك وانا هكون سعيد جدا بقابلة حضرتك
رقم تليفون حضرتك كام وانا هتصل بيك ان شاء الله بكره ولو فاضى نتقابل

[the_bird5]

الظاهر ان العربية زعلت اما عرفت انى ببعها
والله العظيم انا كل عربية اجى ابعها لازم يحصل فيها مشكلة فى الشكمان زي ميكون العربية بتعيط منه
سبحان الله

[KHALED AYMAN]

لالا انت كده دى اعراض تانيه غير الى عندى خالص
انا رقمى 0116033992
كلمنى فى اى وقت يا باشا

[the_bird5]

نا وديت العربية انهارده عند واحد اسمه وائل فى طنطا والحمد لله طلع فاهم وطلع ان ابو جمرة كلامه مش مظبوط خالص اللى طلع مبدئيا ان فيه خرم فى الحته المعدن اللى فى الماتور من ورا( هو قالى اسمها بس انا نسيته ) هوه اول ما سمع العربية قالى ان العربية وخده هوه وقالى انها هتتلحم ان شاء الله وهتبقى كويسة ان شاء الله وهيبص عل شوية حاجات وقالى ان الكومبيوتر بيقرا حساس شكمان علشان ان فيه مشكلة فى الهوا او الاكسجين انما الحساس نفسه سليم وقالى ان مفيش مشكله فى الطرمبه ولا حاجه انا سبتله العربيع انهارده وهعدى عليه بكره المغرب ان شاء الله
هوه قالى انه حراء قوى بس هعملهالك
ادعولى ربنا يسهلها على خير وميحرءش عليا جامد علشان الظروف صعبة اليومين دول الحمد لله

[KHALED AYMAN]

ابو جمره زى ما قلتلك ..بطيخى ..
حافظ مش فاهم