الطريق الصحراوى بين مصر اسيوط ــــ السوهاجى

[gmgamil]

اخيرا عملتها و سافرت بالعربية الاوبل على الطريق الصحراوى من سوهاج الى القاهرة و كانت ملاحظاتى كالاتى :


اولا : الطريق من سوهاج الى اسيوط

1=الطريق الطالع من سوهاج الى اسيوط مكتمل
الطريق النازل ( يعنى الاتجاه التانى ) لم يكتمل و لكن تقريبا حوالى 70 %
بداية من اسيوط الى سوهاج

2=الطريق به شوية منحنيات صعبة جدا و خصوصا فى الربع الاول من ناحية سوهاج

3=الناس ما زالت بتستخدم الطريق الطالع رايح جاى مع ان الطريق الاتجاه النازل 3\4 شغال

لذلك احذر هتلاقى ناس ماشية فى الاتجاه النازل و ناس ماشية على الطريق مزدوج


4=اياك (اى احذر بشدة ) هتلاقى الطريق به ارتفاع و انخفاض بس الصعوبة انك ممكن تلاقى منحنى بعد مرتفع و العكس و ده خطر عاوز تركيز و انت ماشى و خصوصا الطريق مغرى للسرعة

5= بصراحة الطريق مغرى للسرعة و خصوصا انه اتجاهين بس انا مش عارف ازاى اقصى سرعة تبقى 90 كم \ س للملاكى على الطريق ده


بص انا خدت مخالفة سرعة 150 جنيه فورى عدا و نقدا و كاشا و سلفا من واحد كنت عامل معاه واجب و راكب معاى


الغريبة انى لم اجد اى مرور على الطريق الا حكاية 150 جنيه دى
اهى ارزاق بقا

و بعدين تيجى سيرة 150 جنيه و مش بعرف اكمل ( السلف تلف و الرد خسارة)

150 150 150 اهى علقت و قفلت يا عم مبسوط كده (صعيدى بقه )

و على رأي ( الست دى امى )

ننهى الحكاية انهارده علشان الاخ محمد الطنانى ما يزعلش

و بلاش حد يا جماعة يشترى حاجة من عند المتخصص للاوبل بسوهاج

علشان ميقولش انت مركز

لا عنوان ولا تليفون ولا خط كبير نعجب ولا اضرب راسى فى الحيط

ها ها ها ـ ـ ـ ـ هع هع (صعيدى بقه )

[tananybasha]

و طلع منين الردارد ده
و مكملشى الناحية التانية ليه
لازم كل حاجة يفضل فيها ديل

[gmgamil]

والله ان جيت للحق انا مش عارف من هول الصدمه دا 150 يا بوى
انا اتاخدت على غفله

و بعدين على ما اظن انهم شغالين فى الناحية التانيهلاستكمالها

بس ان جيت للحق طريق يخوف بين الجبال و خصوصا فترة الظهر

معلهش اخوك نجمه خفيف

صعيدى تايوان بقى

و فين الصعايدة بتوع زمان
رجالة بشنبات بحق و حقيق


و بعدين بيقولك فى المثل

( استرجل و اركب اوبل )


لا مؤاخذة نسيت اوعى اشترى من المتخصص للاوبل بسوهاج

علشان الاخ طنانى ما يزعلش


سلام يا صاحبى و هى دنيا و اعمار بتنقضى

"" و يبقى الحب ""

[د.محمود صلاح]

ههه معلش سبقتك من زمان واتلدعت رادار

[tananybasha]

يا عم انت محسسنى انى زعلان ليه
انا سألتك سؤال معين
ميزعلشى

[gmgamil]

يا عم ما تاخدوش فى بالك

لازمة نقفل بيها الموضوع و نوع من التودد ( اى الدعابة و الحب )
يا للهول هل هذا ما قلته لتوى
التودد و الحب

ويحك يا صعيدى




و بعدين انا احب الكتابة الساخرة الضاحك

فمتركزش فى الكلام بمعناه الحقيقى

[tananybasha]

عليك اللحمه

[MaZaGAngeE]

ده الطريق الغربي و لا الشرقي ؟

[nice_bird]

+1111111 ربنا يبارك فيك فيك يا باشا عالموضوع لكن المخالفة دي اخدتها فين بالظبط
----------------<سوهاجي وافتخر>---------------

[nice_bird]

ده الطريق الغربي و لا الشرقي ؟

من وصف الطريق دا الطريق الغربي

[gmgamil]

عند كارتة اسيوط يا اخواننا و اخواتنا الاعزاء


و بعدين يا اخ طنانى لحمة ايه يعنى بلدى ولا متلج ولا صومالى ولا سودانى ولا اثيوبى

ولا لحمة و خلاص عند الجزار يعنى


ولا اقولك فى الاحلام

[gmgamil]

الطريق الغربى لا مؤاخذة

لا مؤاخذة على ايه مش مهم اهى لازمة و السلام

[nice_bird]

عند كارتة اسيوط يا اخواننا و اخواتنا الاعزاء


و بعدين يا اخ طنانى لحمة ايه يعنى بلدى ولا متلج ولا صومالى ولا سودانى ولا اثيوبى

ولا لحمة و خلاص عند الجزار يعنى


ولا اقولك فى الاحلام

انا رجعت من الطريق دا امبارح بالانسر بس المره دي جربت الفردة الجديدة هيا انضف بكتير من الحالية بس عيبها انها مش كاملة و كنت ماشي 170 قولت بلا رادار بلاهم لان الوقت كان داخل ع المغرب وجيت عند اخر الطريق المرصوف وملقيتش يو تيرن بس لمحت ان في يوتيرن قدام شوية مش مرصوفة بصيت عالطريق لقيتيو يتمشي علية نزلت عالرمل وعديت اليوتير بدل ما ارجع تاني والحمد لله وصلت الملفات الرخمة قبل الضلمة وكنت بشد مع اوبترا بس علي مين مكلش معايا عيش

[gmgamil]

انا معاك ان المشى على الطرق الصحراوى باو اتجاهين بسرعة 90 ده غباء من المرور

بس بصراحة اكتر من 120 تهور و خطورة شديدة

انا معاك انا مشيت لغاية 180 بس انا كنت غلطان و مش هكرر السرعة دى تانى

لان الفرق مش كبير فى الوقت بس فرق الخطورة فى الامان كبيرة جدا جدا

و بعدين الطريق بين المرتفعات يعنى لو قدر الله اى ظروف انسى

ساعتها مش هتحس بفرق الوقت خالص

و ربنا يستر علينا و على الجميع

يا ستار استرـ ـ ـ يا رب

[islambana]

اللي أحسن من الطريق ده طريق الجيش الجديد اللي من أسيوط الي القاهره ودلوقتي شغالين فيه من سوهاج
ده بقي طريق حر 3 حارات رايح وتلاته جاي وسرعته 120 وماعليهوش ردارات ولا أي حاجه عيبه الوحيد بس انه معليهوش أي خدمات حتي شبكه الموبايل