غيرت الماسورة الفبر بتاعة الميه

[kar!m]

من كام يوم و انا راجع بالعربية و فى ميدان التحرير و انا طالع كوبرى اكتوبر .. لقيت التكييف ضعف كده .. ببص على الحرارة لقيتها عاليه جدا و بتقرب من الأحمر.

وقفت فوق الكوبرى و طلعت من العربية و مكانش معايا ميه .. فوقفت و معايا ازازه فاضيه .. لقيت كذا سواق تاكسى وقف و ادونى مياه و الحمد لله بردت .. بس وصلت صلاح سالم لقيتها سخنت تانى .. وقفت برضه و جه عسكرى قال لى ممنوع الركن هنا .. قلت له العربية سخنة .. قال لى طيب هات ازازه وأنا هملاها لك.

المهم رحت مصر الجديدة و كلمت واحد صاحبى وصف لى الميكانيكى بتاعه .. و الله كنت على ناصية الشارع (فى منشية البكرى) و من كتر الزحمة معرفتش أدخل الشارع و لقيت العربية بدأت تسخن تانى فركنت و جيت أدور لقيت البطارية نامت من كتر ما المراوح شغالة و العربية واقفه .. فاسبت العربية و مشيت كل ما الاقى حد راكب أوبل اسأله على ميكانيكى لحد ما وصلت شارع دمشق لقيت شاب راكب كورسا زى بتاعتى راكن قدام النجار بتاع قطع الغيار و بيغير طلمبة بنزين .. قعدت أتكلم مع الولد شويه عن العربية و كده .. و سألته على ميكانيكى فشاور لى على الولد اللى بيغير طلمبة البنزين و قال لى ده شاطر و شغال فى التوكيل اسمه أحمد اتو .. اتكلمت معاه و قلت له أنا عربيتى سخنت و كده .. قال لى طيب نخلص و نروح نشوفها.

المهم رحنا بعربية الولد فتح الكبود و حط ايده قال لى دى الماسورة الفبر مشروخة .. قلت له طيب ينفع أمشى بيها .. قال لى لأ .. أو خد معاك ميه و زود فى الطريق .. و زق لى العربية و قال لى أنا بخلص شغل فى التوكيل الساعة 5 .. كلمنى بعدها و أنا هجيلك أعملهالك (معندوش ورشه) و زق لى العربيه و دورتها و مشيت.

المهم أنا رحت على الشيخ زايد ووقفت على المحور برضه بالليل الساعه 11 .. ولقيت 2 سواقين ميكروباص وقفوا لى و ادونى ميه.

تانى يوم طلعت من الشغل على شامبليون أنا وواحد زميلى .. و طبعا زودت مره كذا مره فى الطريق .. الماسورة التركى ب 125 و الأصلى (واحده بس عند سرور) ب 200 جنية بعد الفصال .. اشتريت الأصلى و أدور على حد يركبها هناك .. اشتغلونى أحلى اشتغالات .. وواحد يقول لى استنانى و بعدين ييجى الصبى بتاعه يقول لى ده الاسطى راح الوايلى و مش راجع .. و أكلم أحمد اتو يقول لى أنا مبخرجش بره مدينة نصر و مصر الجديدة (وأنا اللى كنت بفكر أقول له ييجى لى القرية الذكية ) ..بعد أكتر من ساعتين قاعدين و المحلات بدأت تقفل .. قلت لصاحبى يلا نمشى .. مشينا قدام شوية لقيت ورشة كبيرة بتاعة واحد اسمه الحاج على .. شغال فى الفيات .. صاحبى نزل يسأل واحد شغال جوه قال له احنا بنقفل .. وانا قاعد فى العربية لقيت صاحب الورشة جاى عليه (تقريبا عشان راكن قدام ورشته) نزلت من العربية و سلمت عليه و قلت له عندى كذا كذا .. بعد تردد كده قال لى طيب دخلها جوه .. و اشتغل فيها على طول الحمد لله .. بس الصنايعى اتعذب بصراحه عشان الماسورة مزنوقه و العربية سخنة.

دى صورة الماسورة اللى جبتها



و غيرها من غير ما يفك المانفولد .. بس محطوطة فى حتة مزنوقه جدا .. و خد 50 جنية مصنعية فى التركيب .. و الحمد لله.

[N.a.j.d]

الحمدلله ع السلامه ياباشا حصل خير ان شاء الله
بس سوال هنا يا كريم بي الماسوره اللى كانت راكبه عليها نوعها ايه هل هي جي ام زي اللى جبتها ولا نوع تاني ؟؟وازاي حصل معاك كدا اللى عمل فيها كدا مره وحده
انا والله بستغرب اوي من الحكايه دي تحصل ف عربيات الاوبل بجد حرام والله ؟!!!!

[kar!m]

الحمدلله ع السلامه ياباشا حصل خير ان شاء الله
بس سوال هنا يا كريم بي الماسوره اللى كانت راكبه عليها نوعها ايه هل هي جي ام زي اللى جبتها ولا نوع تاني ؟؟وازاي حصل معاك كدا اللى عمل فيها كدا مره وحده
انا والله بستغرب اوي من الحكايه دي تحصل ف عربيات الاوبل بجد حرام والله ؟!!!!

كانت جى ام برضه يا نجد .. زى اللى أنا ركبتها بالضبط .. الحمد لله أنا لما اشتريت العربية تقريبا مكنش فيها حاجة متغيرة .. و أنا كل ما بغير حاجة بجيب الأصلية و أحط القديمة فى علبة الجديدة و أخليها عندى.


مش عارف بصراحه ايه اللى ممكن يشرخ الماسورة دى .. حاجة غريبة فعلا.

[ashrafnoby]

اهم حاجه الحمد لله على السلامه بص اهم حاجه طالما انت بتغير كل حاجه بالاصلى العربيه ان شاء الله متعملش معاك اى حركه بس حاول تبص على شجره الميه لو احتمال تكون فى حاجه على وشك انها تتلف وده امان ليك

[kar!m]

اهم حاجه الحمد لله على السلامه بص اهم حاجه طالما انت بتغير كل حاجه بالاصلى العربيه ان شاء الله متعملش معاك اى حركه بس حاول تبص على شجره الميه لو احتمال تكون فى حاجه على وشك انها تتلف وده امان ليك

و الله يا أشرف الحمد لله مبستخسرش فيها حاجه .. صون عربيتك تصونك.

[N.a.j.d]

حاجه غريبه فعلا حد يقولنا السبب يا جماعه

[mohammed_memo]

انا بردو اتشرخت عندى مس عارف ازاى وغيرتها بس انا جبتها استيراد ب 130 بالعافيه

[zizo50001]

طب اخبار الحرارة اية

[kar!m]

طب اخبار الحرارة اية

الحرارة اتضبطت بعد الموضوع ده .. هل ممكن يكون الماسورة اتشرخت بسبب هوا زيادة فى دورة المياه؟

[tananybasha]

زيادة ضغط او عمر افتراضى
المهم
الحمد لله انها جت على قد كده
و الف مبروك

[Amr_650]

حصلت عندى و دوختى و جبت الاصلى ,

انا عايز اقولك حاجة مهمة عشان شكل اللى معاك زى اللى عندى بالظيط و دى للاسف هى اللى جابتلى جوان وش السلندر ,,

بص يا ريس ,,الماسورة اللى معالك دى فيها اكتر من فتحة ,,قبل متركبها او لو ركبتها ,,يا ريت تشوف هل كل الفتحات دى ليها خراطيم راكبة فيها ,, و لا هيظطر يعملك طبة مية عشان يفقلك فتحة منهم ,,بحيث انها ملهاش لازمة ,,

لية ,,انا عندى جبت زى الماسورة ددى بس اكبر شوية ,,كان فيها 3 فتحات ,,الاصلى بتاعة العربية فتحتين بس ,,ال3 فتحات دى بتاعة الا2000 سى سى ,,عشان هى بتحتاج تبريد اكتر ,,فعملين فتحة زيادة فى الوش زى اللى عندك بلظبط ,,تقريبا بتاخد من الرادياتير ,,

المهم الميكانيى عندى لما شاف كدة ,,قلك بدل ميرجعنى اجيب بتاعة ال 1600 اللى هى بفتحتين ,,جاب طبة و قفلها ب كولية نحاس ,,بسسسس و شكرااا

طبعا مع حرارة المواتير بتاعة الفكترا ,,الطبة دى مستحملتش خالصص ,,افاجأ ان المية بتنقص كل شوية و مفيش اى حاجة باينة ,,لان الطبة مش بتكون باينة اوى

لحد مالطبة اتفتحت من تحت و انا طبعا مش شايف خالص ,,و سربت كل المية ,,بلمس الطبة لقيتها ملزوقة تقريبا ,,كدة العربية خدت هوا كمان ,,عملتها تانى بطبة ,, اشترين 2 احتياطى ,,مشوار واحد تانى و نفس الكلام حصل ,,

لحد مضربت منى خاللص ,,المهم فى الاخر لقيتلها حل الحمد لله بس بعد مدفعت 500 جنية جوا وش ,,

لذلك لزم التنبية و اسف على الاطالة ,,

[kar!m]

حصلت عندى و دوختى و جبت الاصلى ,

انا عايز اقولك حاجة مهمة عشان شكل اللى معاك زى اللى عندى بالظيط و دى للاسف هى اللى جابتلى جوان وش السلندر ,,

بص يا ريس ,,الماسورة اللى معالك دى فيها اكتر من فتحة ,,قبل متركبها او لو ركبتها ,,يا ريت تشوف هل كل الفتحات دى ليها خراطيم راكبة فيها ,, و لا هيظطر يعملك طبة مية عشان يفقلك فتحة منهم ,,بحيث انها ملهاش لازمة ,,

لية ,,انا عندى جبت زى الماسورة ددى بس اكبر شوية ,,كان فيها 3 فتحات ,,الاصلى بتاعة العربية فتحتين بس ,,ال3 فتحات دى بتاعة الا2000 سى سى ,,عشان هى بتحتاج تبريد اكتر ,,فعملين فتحة زيادة فى الوش زى اللى عندك بلظبط ,,تقريبا بتاخد من الرادياتير ,,

المهم الميكانيى عندى لما شاف كدة ,,قلك بدل ميرجعنى اجيب بتاعة ال 1600 اللى هى بفتحتين ,,جاب طبة و قفلها ب كولية نحاس ,,بسسسس و شكرااا

طبعا مع حرارة المواتير بتاعة الفكترا ,,الطبة دى مستحملتش خالصص ,,افاجأ ان المية بتنقص كل شوية و مفيش اى حاجة باينة ,,لان الطبة مش بتكون باينة اوى

لحد مالطبة اتفتحت من تحت و انا طبعا مش شايف خالص ,,و سربت كل المية ,,بلمس الطبة لقيتها ملزوقة تقريبا ,,كدة العربية خدت هوا كمان ,,عملتها تانى بطبة ,, اشترين 2 احتياطى ,,مشوار واحد تانى و نفس الكلام حصل ,,

لحد مضربت منى خاللص ,,المهم فى الاخر لقيتلها حل الحمد لله بس بعد مدفعت 500 جنية جوا وش ,,

لذلك لزم التنبية و اسف على الاطالة ,,

عمرو باشا .. متشكر جدا على نصيحتك .. بس الحمد لله هى دى زى اللى كانت راكبه عندى بالضبط .. انت عارف الكورسا السيدان كلها موتور واحد .. غير الفكترا.

[tananybasha]

اهم حاجة
بعد التجربة اليومين دول
ايه الأخبار

[abousaef1996]

اولا حمدالله على سلامتك ، والحمد لله ان ربنا وقفلك ولاد الحلال زي الولد بتاع التوكيل وقدر يشخص العيب بسرعة لان انت عارف معظم الصنياعية كوفتجية كان ممكن حد يقلك طلمبة مياه وال يفتى فىحاجة تانية وهلم جره ما احنا استوينا منهم.
عامة الموضوع ده حصل معاياه وان بغير اولسيه كرنك خلفي والاساتذة بيطلعوا المكنة شرخوا الفبرة وانا لما عرفت قلت خدت الشر وراحت بس ما اضحكش عليك انا شكيت انها كانت هتعملها لوحدها بس هى اسباب وال عرفني كده ويمكن يكون ده من اسباب شرخها اني لقيت جواها زي ميكون فى صدى من المياه مع اني باستعمل مياه خضره بس قد يكون ال قبلي كان بيديها اى مياه.
المهم سالت عن سعرها لقيت اسباني بالعافية ب140 جنيه
وكنت رايح اشتريها لقيت الراجل قفل فرجعت الورشة لقيتهم بيقولولي طيب احنا ممكن نعدل وعندنا واحدة بتاعت دايو ونركبها وعلى فكرة بتاعن الدايو حديد اوانتمونيا حاجة زى كده اعتقد انها تستحمل اكثر قولتوله ركب ياعم الحاج وهة شغالة معاياه بقالها فترة وزى الفل.

[tananybasha]

بستاعت الدايو تركب
بس هتعدل اماكن الخراطيم