قطع غيار اوبل مستعملة

[M.Mokhtar]

مانا بفكة عادى بس مش عايز وجع دماغ , الواحد بيرجع من الشغل مفهوش دماغ للحوارات اللى تغيظ دى
انت عارف لو محشور جوة والصوت عدل ولا كنت هفكر فية انما دة مشغل سماعات ناحية واحد بس وفى صوت وش عالى :(

الحاجات دى بالعقل يا احمد باشا :)
سايسه كده لغايه ما يطلع
هو عندك الكاست نوعه ايه؟ بيطلع الشريط اوتوماتك (موتور) ولا بالضغط عادى؟

وانا بحضرلك مفاجأة حلوه جهاز كده هيخلينا نستغنى عن الاختراعات دى كلها
بس ادعيلى اخلصه قريب عشان هيعمل انقلاب فى عالم صوتيات العربيات

[Ahmad Allawy]

ماشي يا حماده..
في انتظار المفاجأة..
و ف الحالة دي هنبقي احنا اكيد اول المشجعين..
و العربيات الاوبل هكون اول حقول الاختبار..

[ENG\AHMED]

الحاجات دى بالعقل يا احمد باشا :)
سايسه كده لغايه ما يطلع
هو عندك الكاست نوعه ايه؟ بيطلع الشريط اوتوماتك (موتور) ولا بالضغط عادى؟

وانا بحضرلك مفاجأة حلوه جهاز كده هيخلينا نستغنى عن الاختراعات دى كلها
بس ادعيلى اخلصه قريب عشان هيعمل انقلاب فى عالم صوتيات العربيات

حاولت مفيش لا بسياسة ولا غيرة الشريط مش عايز ينحرك من مكانة والصوت بقى زى الزفت
الكاسيت الاصلى بتاع العربية (جروندج)

يا اختراعاتك ;) ورينا جهاز اية دة لما نشوف , بس بسرعة علشان الشريط دة هولع فية :(

[ibraheba2000]

الى المهندس احمد انا امبارح غيرت حساس الايدل من عند هانى اوبل الموجود فى فيصل وهو مستعمل وقالى دا ب 150 بس انا عاطيطة 100 فقط ... وركبتة عندة بردة ... وهو ظبط العربية ... بس موضوع التبطيل اتكرر بس مش كتير ... ولمبة ال شيك لسة منورة ... بس على العموم انا هاعمل سكانر عند العويضة الموجوديين على الاوتوستيراد الاول .. لان شكل الحساس كويس وبعدين انا حاسس بية فى مشى العربية .

[Ahmad Allawy]

خير يا باشا..
طمنا بقي عملت ايه.. و ربنا يكرم ان شاء الله..

[M.Mokhtar]

طيب بالمره حد يعرف حساس الهوا بتاع الفكترا بكام؟
فى واحد صحبى قاللى أسأله عليه

[ahmedmaklad]

بالنسبة لموضوع الحساس ده

موضوع الحساس ده لسه حاصل معايا من كام يوم انا غسلت العربية الصبح و كنت على الدائري المغرب ده فجاة لقيت ال Rpm علي 3 لوحدة و العربية ممورة و واقفة بطلتها و دورتها تاني برده نفس الحكاية و بتقل و تزيد لوحدها زي ما يكون حد بيدوس بنزين رحت للكهربائي قالي الراجل غسل العربية بمية و السنسورات عايزين يتنضفوا قعد ينضف فيهم و بعدين قالي في سنسور عايز يتغير حتة بلاستيك صغيرة و غيرها و العربية اتظبطت بس برده الوسوسة بتاعتي حاسس ان في حاجة غلط احتمال اروح التوكيل اشوف كده عشان اطمن

[M.Mokhtar]

موضوع الحساس ده لسه حاصل معايا من كام يوم انا غسلت العربية الصبح و كنت على الدائري المغرب ده فجاة لقيت ال Rpm علي 3 لوحدة و العربية ممورة و واقفة بطلتها و دورتها تاني برده نفس الحكاية و بتقل و تزيد لوحدها زي ما يكون حد بيدوس بنزين رحت للكهربائي قالي الراجل غسل العربية بمية و السنسورات عايزين يتنضفوا قعد ينضف فيهم و بعدين قالي في سنسور عايز يتغير حتة بلاستيك صغيرة و غيرها و العربية اتظبطت بس برده الوسوسة بتاعتي حاسس ان في حاجة غلط احتمال اروح التوكيل اشوف كده عشان اطمن

وابقى طمنا معاك :)

[Ahmad Allawy]

يا تري ده بقي كان ايه..؟؟
Tps??
لأنه بيخرف عندي و عايز يتغير..

[ibraheba2000]

بقالى يومين مغير حساس ال ايدل بس انا حاسس انى صوت العربية عالى .... هل اروح اغيرة من عند هانى اوبل والا دة مجرد احساس

[ENG\AHMED]

حد يعرف الكاسيت الاستيراد بتاع الفكترا B بكام ؟؟؟ الجروندج او الفيليبس
اصلى سمعت كلام احمد علاوى ووديت الكاسيت لتوكيل بلاوبنكت , الراجل بيقولى لو هيتكلف اقل من 250 هيصلحوا اتوماتيك لو اكتر هيتصلوا الاول , فا مش مرتاح كاسيت اية اللى هصلحة ب 250 !!!

[M.Mokhtar]

حد يعرف الكاسيت الاستيراد بتاع الفكترا B بكام ؟؟؟ الجروندج او الفيليبس
اصلى سمعت كلام احمد علاوى ووديت الكاسيت لتوكيل بلاوبنكت , الراجل بيقولى لو هيتكلف اقل من 250 هيصلحوا اتوماتيك لو اكتر هيتصلوا الاول , فا مش مرتاح كاسيت اية اللى هصلحة ب 250 !!!

فعلا تصليح الحاجات دى بقى مبالغ فيه جدا
انا صلحت قبل كده كاست ب 100 جنيه كل ده عشان الموتور بتاعه كان ضعيف وبيموع فى الشرايط القديمه
موتور ايه اللى ب 100 جنيه مش عارف

على فكره انا عندى الكاست الجروندج بتاع الفكترا الاصلى بتاعها لسه محتفظ بيه بعد ما غيرت وجبت الباناسونك
انا كنت عارضه على 250
لو محتاجه ومن غير فلوس خالص ما يغلاش عليك

[ENG\AHMED]

يمكن سقطلة مكنة اكبر ولا حاجة :):):)


ياباشا الله يخليك كلك زوق , لما اشوف دة بس هيرسى على اية .. هو المفروض هستلموا بكرة فاهكلمهم قبل ماروح علشان مروحش ويطلع لسة وبالمرة اعرف هيتكلف كام علشان اعرف هسيبهلهم ولا لأ :):)


هم لسة لحد دلوقتى متكلموش فا مش عارف هيخلصوة على 245 ولا اية :):)

[Ahmad Allawy]

الباناسونيك اللي مختار جايبه ده انا سألت عليه ف الحرفيين من فترة.. و الراجل قاللي 400 باين.. بس ده من غير فصال خالص..
يعني لو قتلت الراجل.. ممكن يقف عليك ب 300

[ENG\AHMED]

خلاص الكاسيت اتصلح واستلمتة
غيروا السويتشات بتاعت ميكانيزم الهيد وبكر السحب والسيور , الصوت فرق كتير عن الاول ... ومعاة ضمان شهر
ظهرت مشكلة ان لما بشغل ال Cps الكاسيت مش بيفصل ويفضل يتكتك بعد كل اغنية قلت للراجل علية وقعد يجربة وقالى ارجعلة تانى يوم السبت علشان فى مهندس من المصنع بيبقى موجود لأنة كان اجازة امبارح
اتكلف 190 جنية :(
انا عارف انة غالى بس بصراحة الواحد مطمن ان مفيش حاجة هتتقلب من جوة او قطع الغيار تبقى اى كلام والشغل عك (كان ليا تجربة مع كاسيتين كلاريون واحد بتاع عربية مازدا والتانى دايو والاتنين الحمد للة اتدمروا , كاسيت اللانوس بجانب انة اتدمر دمر 3 سماعات معاة والرابعة لسة بتشاور عقلها بس فى الطريق)
اظرف حاجة انك متعرفش السعر غير بعد ماتجرب , قبل ماروح استلمة كلمتهم علشان اعرف خلص ولا لسة فا بسأل الراجل اتكلف كام بيقولى لما حضرتك تشرفنا هنا .. انا عايز اعرف رقم مش اكتر علشان ابقى عامل حسابى .. لأ مينفعش لما حضرتك تشرفنا
كانوا عاملينها مفاجأة , بيحبوا المفاجات الناس دول :)