عيد ميلاد العربية يتاعتى الثالث

[tananybasha]

زى النهارده 2/11
من 3 سنين بالظبط
الساعه 10.30
استلمت العربية من الدكتور
كانت عامله 180000
النهارده كملت 245800
و الحمد لله
وربنا يهديها علينا

[tananybasha]

ياه
الايام بتعدى بسرعه قوى

[فادى محمد]

انا 3 سنين ونصف شفتها في فاترينه المعرض لقيتها بتبصلي وحسيت انها بتندهلي كمان تاني يوم خلصت فيها والحمد لله استلمتها عامله 140000 كم النهارده عامله 265000كم وربنا يبارك .

[tananybasha]

ما شاء الله
ربنا يباركلك فيها
ما شاء الله
انت عامل قدى مرتين و انا باقول على نفسى مفترى
و عامل اللى ما يعمل فى العربية
طلعت انت بالصلاة على النبى
مظبطها

[ashrafnoby]

ياه الايام بتعدى بسرعه برده من 1-5-2009 اشتريت العربيه وكانت عامله 265000 والنهارده عامله 320000 وسبحان الله انا شوفت العربيه فى السوق وشوفتها من بعيد ودخلت قلبى على طول واخت الرقم وفضلت فى زهنى واشترتها بعدها من اسبوعين من الزقازيق

[ashrafnoby]

انا ملاحظ انى انا وطنانى وفادى العربيات جيبنها فى سنه واحده تقريبا

[SYD]

كل سنة وانتم طيبين

وربنا يباركلكم في عربياتكم

والله المستعان
،
،

[Tiar]

كل عام وجميع الاوبلية بخير

يمكن السنة الي جاي وكام يوم زيادة اقول زي النهاردة اشتريت عربيتي الفكترا


طيار

[phone]

ربنا يجعلهلكم خير و يكفيكم شر عربيتكم ان شاء الرحمن

[friendship7897]

انا 3 سنين ونصف شفتها في فاترينه المعرض لقيتها بتبصلي وحسيت انها بتندهلي كمان تاني يوم خلصت فيها والحمد لله استلمتها عامله 140000 كم النهارده عامله 265000كم وربنا يبارك .

( وأنا كمان أول ما شوفته كان بيبصلي وحسيت أنه بيندهلي وأتجوزنا على طول ) - أنتوا حسستوني أنكم بتتكلموا عن قصة حب عاطفية رومانسية ونهايتها سعيدة زي الأفلام العربية - الله على الواحد لما يحب حاجة بجد بيكون فيه شعور جميل وأحساسه مرهف - ربنا يبارك لكوا ويبارك لنا فيها يكفيكوا ويكفينا شرها .
بس ممكن توصفوها أكثر يعني :
أنا عربيتي شيفورليه لانوس 2010 لونها فضي - حبيتها جداً أول ما شفتها لكن ظلمتها لأني ما كنتش لسه حاسه بيها وبمقاستها فخبطها في الفانوس اللي ورا - وكنت مضايقة أوي وحسيت أنها زعلت مني لكن حاولت أعوضها ( صحيح لسه ما غيرت وش الفانوس ) لكن دلعتها بشوية إكسسوارات ، وجبت لها سبحة كريستال زرقة وشوية سيديهات قرآن وشوية أغاني ، وربنا يخليلها لي هي عاملة 40000ك .
بالمناسبة - ناس كتير نصحتني أول ما أشترتها أني أدبح لها حاجة بأربع أرجل ووزع على الفقراء وأغسل العجل بدم الدبيحه - هل الكلام دا فيه حاجة صح ، ولا دي عادات ملهاش أساس في الدين من الصحة ؟

[zago]

هاتلها تورته وطقم بوجيهات
ربنا يباركلك فيها
:)

[sniperwolf]

هازى بازى زي تويو ..عقبال ال 100 سنة ياطنانى باشا و ربنا يباركلك فيها يارب ان شاء الله .....انا بردة اشتريت الاسترا فى 2009 كانت عاملة 115 الف كيلو كانت فابريكا وبنت ناس دلوقتى بقا مابقتش بنت ناس خالص

[sniperwolf]

( وأنا كمان أول ما شوفته كان بيبصلي وحسيت أنه بيندهلي وأتجوزنا على طول ) - أنتوا حسستوني أنكم بتتكلموا عن قصة حب عاطفية رومانسية ونهايتها سعيدة زي الأفلام العربية - الله على الواحد لما يحب حاجة بجد بيكون فيه شعور جميل وأحساسه مرهف - ربنا يبارك لكوا ويبارك لنا فيها يكفيكوا ويكفينا شرها .
بس ممكن توصفوها أكثر يعني :
أنا عربيتي شيفورليه لانوس 2010 لونها فضي - حبيتها جداً أول ما شفتها لكن ظلمتها لأني ما كنتش لسه حاسه بيها وبمقاستها فخبطها في الفانوس اللي ورا - وكنت مضايقة أوي وحسيت أنها زعلت مني لكن حاولت أعوضها ( صحيح لسه ما غيرت وش الفانوس ) لكن دلعتها بشوية إكسسوارات ، وجبت لها سبحة كريستال زرقة وشوية سيديهات قرآن وشوية أغاني ، وربنا يخليلها لي هي عاملة 40000ك .
بالمناسبة - ناس كتير نصحتني أول ما أشترتها أني أدبح لها حاجة بأربع أرجل ووزع على الفقراء وأغسل العجل بدم الدبيحه - هل الكلام دا فيه حاجة صح ، ولا دي عادات ملهاش أساس في الدين من الصحة ؟

لا عادى الانوس من غير اى حاجة هاتلاقيها مضايقة من نفسها

[friendship7897]

لا عادى الانوس من غير اى حاجة هاتلاقيها مضايقة من نفسها

ليه تقول عليها كده - هي اللانوس زعلتك في حاجة قبل كدة - أملصلك ودنها ( أقصد رفارفها )

[sniperwolf]

ليه تقول عليها كده - هي اللانوس زعلتك في حاجة قبل كدة - أملصلك ودنها ( أقصد رفارفها )

هههههههههههههه اة احسن هية معا واحد صاحبى و دايما قرفنا فى عيشتنا