أفضل انواع مياه لراتياتير الاوبل

[cayman69300]

و فى الاخر
اجيب 3 او 4 علب هيبو
و بعدين اروح للميكانيكى و ييجى يغير ترموستات الكوعة و العربية تنزف مية هيبو على الارض
دة الواحد ممكن يجيلة جلطة
هى ااخرها
كانز ابرو على مية من الحنفية و هتمشى زى الجن

[magdyelshikh]

و فى الاخر
اجيب 3 او 4 علب هيبو
و بعدين اروح للميكانيكى و ييجى يغير ترموستات الكوعة و العربية تنزف مية هيبو على الارض
دة الواحد ممكن يجيلة جلطة
هى ااخرها
كانز ابرو على مية من الحنفية و هتمشى زى الجن

لا يا دكتور كده حسابات خاطئة اللى انت بتجيبو ثلاث علب هيبو ب 135 جنيه والباقى ثلاث عبوات مياه مقطره الواحده ب جنيه يبقى الليليه كلها حوالى 140 جنيه لما معاليك بتجى تغير المياه بداية لازم دوره المياه بتكون ميه ميه مفيش فيها تسريب ولا مجدره ولا مسوسه ولا كل الكلام التعبان ده وعلى ذلك المياه هتعيش معاك خمس سنين مش محتاج اكتر من تزويده كل شهر .... وفرضآ زى ما حضرتك بتقول انك غيرت ترمستات الكوعه اللى حينزل من المياه اللى موجود فوق فى وش السلندر والخراطيم وباقى المياه تحت فى البلوك والردياتير مش محتاج الا عبوه واحد بس تعوض اللى تنزف منك ولا جلطة ولا شلل رباعى ...
كل ده ارحم من تغير خراطيم الدورة والله العظيم حصل قدامى الميكانيكى قعد يخلع كل الخراطيم كلها شايطه زى السجاده لما يجلها العته اللى بيقول عليها دوسه على الخرطوم بالسلامه الراجل راح جاب الطقم مشكل تركى على ايطالى على المانى والله 1000 جنيه حته واحده غير مصنعيه الميكانيكى والعطله انا بقى اللى كان حيجيلى القلب مش صاحب العربية ..

[cayman69300]

و الله فكرة يا عم مجدى بك

[tananybasha]

طيب و انت هتلاقى دورة كده يا مجدى الا لو كانت جديده

[magdyelshikh]

طيب و انت هتلاقى دورة كده يا مجدى الا لو كانت جديده

يعنى يا محمد لما تكون خراطيم الدورة فيها واحد ولا اتنين تعبانين واتغيروا والباقى حالته 60 او 70 % يبقى كويس والمياه حتحافظ على الباقى من الخراطيم كده ارحم والحمد لله والله اكبر وكمان مره الله واكبر انا غيرت من مياه الحنفيه للهيبو ومغير ثلاث خراطيم ولحقت الباقى بقالى على كده سنتين والحمد لله وربنا يبعد عنا مشاكل دورة المياه ...
لعلمك الخاص او العام زى ما تحب اللى انا لاحظته مشاكل العربيات الاوبل كلها فى حاجة واحده مكرره بين كل العربيات دورة المياه والسخونية ووش السلندر كل يوم وانا قاعد مع الميكانيكى لانه زى ما قلتلك من سباق هو صديق لى على الاقل كل يوم عربية فيها وش سلندر بسبب دورة المياه والسخونيه .. ده اللى شوفته عملى امامى من مشاكل الاوبل ..

[tananybasha]

انا معاك
و مقتنع بكلامك