عاجل

[Amr_650]

رجالة انا عملت حادثة الصبح

انا عايز اعرف لو حد دفع مصنعية للاوبل ,, شيل ماتور و فتيس ,, و تركيبهم تانى بيتكلف كام ؟؟

و لو حد عارف اسعار ارخص للحاجات ى يقولى

1- قنطرة 98 : احسن سعر 400
2- دورة تبريد كاملة : احسن سعر 1500
3-جنط اصلى : احسن سعر 100
4-شاسية اكصدام : احسن سعر 75
5-رفرف : احسن سعر 150
فتيس اف 18 من غير البلية : احسن سعر 700 ( خايف منو ) - العادى 1000 ,, بالبلية 1500

- الفتيس عندى الفارغ بتاعو اتكسر ,, الراجل بيقولى بدل متجيبو لوحدو غير الفتيس كلو احسن

اية رئيكو

ربنا عالم بحالى دلوقتى ,,انا لسة دافع عليها 11 الف و لسة مبردوش و ادينى داخل على 10 زيهم

بقول الحمد لله دلوقتى ,, الصبح كنت بدعى ربنا يخدنى و انا فى وسط الشارع

[Amr_650]

لا الله الا الله

[alnmr79]

الف الف حمدلله على السلامة وقدر الله وما شاء فعل انا فى الاسكندرية لو حضرتك محتاج حاجة اما تحت امرك فى الصنايعية وقطع الغيار المستعمل

[zizo50001]

حمدلله على السلامة اهم حاجة انك بخير و ان شاء الله العربية هترجع احسن من الاول بص خد نمرة اسلام دة فى الحرافين وكلمة شوف هيقولك اية 0103016660 وربنا يسهل و ان شاء الله هترجع احسن من الاول

[medomoon35]

اهم حاجه سلامتك وان انت بخير

[haitham2011]

قدر الله و ما شاء فعل
المهم ان انت بخير

[tananybasha]

قدر الله و ما شاء فعل
1. مصنعية فتيس و موتور لا تتعدى 250 جنيه
2. الأسعار كويسه على حد علمى
بس استنى مجدى الشيخ و فادى
و ممكن تتصل باسلام عبد الشافى
3. اكيد تغيير الفتيس احسن من تغيير الفارغه او لحامها

بس معلشى
انا اسف
انت دخلت فى عربية نقل و لا ايه
عضم الأوبل ناشف
و انت بتتكلم على دورة تبريد
مقصود بيها
سربنتينه تكييف
و مروحتها
و ريادتير
و مروحته
و خراطيم

و ايه اللى وصل الحوار لغاية الفتيس
دى برضوا غريبه
و الحمد لله انك طلعت بالسلامه من الاضرار دى كلها

[engtmk]

ربنا عالم بحالى دلوقتى ,,انا لسة دافع عليها 11 الف و لسة مبردوش و ادينى داخل على 10 زيهم

بقول الحمد لله دلوقتى ,, الصبح كنت بدعى ربنا يخدنى و انا فى وسط الشارع

عن أم سلمة رضي الله عنها قالت : سمعت رسول الله صلى الله عليه وسلم يقول : » ما من عبد تصيبه مصيبة فيقول : إنا لله وإنا إليه راجعون : اللهم أجرني في مصيبتي ، واخلف لي خيرا منها، إلا أجره الله تعالى في مصيبته وأخلف له خيرا منها

حمد لله علي سلامتك وايا كان الفلوس والحديد يتعوضوا

[wael_elbarkoky]

قدر الله و ما شاء فعل
الحمد لله ان حضرتك بخير

[kar!m]

قدر الله و ما شاء فعل .. والله ده كله أهون من ان صباعك يتكسر.

الحمد لله.

اللهم أجرك فى مصيبتك و أخلفك خيرا منها.

[loda80]

قدر الله وما شاء فعل الحمد لله انك بخير ومتزعلش وربنا يجيزيك خيرا ان شاء الله
ان لله وان اليه راجعون

[zalantaheee]

عمرو كلمني و اللي هاقدر اخدمك فيه مش هاتأخر عشان في حاجات كتيرة عديت عليها من دي
0111.9.6666.52
الفتيس دا ع التجربة و بالضمان اقل حاجة 3 شهور و لازم تشوف احسن عرض قدامك

[Amr_650]

الف شكر يا رجالة على دعواتكو ,,انا الحمد لله احسن كتيير من امبارح ,,انا كنت امبارح مش عارف اتحرك من السرير من كتر الحزن عليها ,,بس الحمد لله ,, اهو صاج و هيرجع تانى ,,

انا اول معملت الحادثة ابويا جالى و جبنا عربية نقل ,, شالتها ,, لحسن الحظ السمكرى بتاعى بدا شغل على الساعة 9 ,, على طول العربية ودتهالو و فك على طول ,,

هى هتحتاج حاجات كتير ,,و الخبطة قوية للاسف ,, بس السمكرى هيرجع كل حاجة على البارد و مفيش اى حاجة هتتسخن خالص عشان ميضعفش الصاج ,,

سبحان الله اصلا ,, اول مشاف العربية قالى بص ,,, قام فاتح الورشة بتاعتو لقيت سيراتو 2012 و هوندا 2009 ,, فيهم نفس الخبطة !!!!!!!!!!!!!! ,, بالظبطططططططططط ,, مع فرق شاسع فى الاستحمال عرفت انى بجد راكب حجرة ,,

السيراتو الساشية بتاعها اتقطع ,,تخيلو !!!! مع انها دخلت فى رصيف

الهوندا خربت جدااااااااا ,,

الله يكون فى عونهم ,,


نيجى للخبطة بتاعتى ,,

رايح الشغل زى كل يوم ,,انا ساكن فى العبور ,,طريق مصر الاسماعلية اللى بيطلعك على النزهة الجديدة ,,

المهم وانا ماشى فى الطريق ,, لقيت عربية قديمة جاية من اقصى الشمال و عايز يدخل يمين خالص ,,عشان عايز يخش فى فتحة كدة من الصحرا ,,
المهم انا كنت مالشى 100 او 120 مش فاكر جيت اعدية ,, كمل يمين ,, قام خابطنى من الشمال ,,

انا طبعا دوست فرامل على الاخر ,, و لو اول مرة كنت اتمنى ان ميبقالش فى abs لانى بلا وعى حدفت يمين ,و العربية قامت داخلىة يمين ,,لاقيت نفسى بتنطط فى الكسر و الجبال اللى على اليمين و العربية مش عايزة تقف ,,

لحد مقمت لابس فى خرسانة عمود ( عامود نور كبير ,,يطهر كانت لابسة فية عربية قبلى ,, فكان واقع ...فى اخرة عشان يثبتوة ,, بيصبو خرسانة ,, بتاع بلوكة كبيرة اوى خرسانة عشان تثبت فى مكانو )

لبست فى البلوكة دى ,,, و قمت ناقلو حارة من قوة الخبطة ,,

بس نزلت مش مصدق نفسى ,, لقيت العربية غارزة فى وسط الصحرة ,,الجنط اليمين خلفى و امامى بالكوتش اتنو و باظو ,,

الخبطة كلها جت فى شاسية الاكصدام و الفنطرة ,,لدرجة ان المصفحة طارت من قوة الخبطة ,,

طبعا غير الاكصدام و الفانوس و الشعار ,,

الحمد لله على كل شىء ,,ربنا يرزقنى و اقدر ارجعها زى الاول و احسن ..

[فادى محمد]

الحمد لله علي سلامتك يا عمرو..فداك اي حاجه وان شاء الله الامور ترجع زي الاول واحسن ..اللهم اخلفك في مصيبتك وارزقك من حيث لا تحتسب..

[phone]

قدر الله و ماشاء فعل و المعوض موجود ان شاء الرحمن