لمبة ال Abs

[hesham2004]

انا جربت النهارده فعلا افتح الكونتاك و انا دايس علي الفرامل و فعلا في طقطقة في الدواسة و انا بفتح الكونتاك هو ال Abs هو اللي بيعمل الطقطقه دي؟
و بعدين انا اول ما ادور الصبح اللمبة بتنور و تتطفي عادي بس شوية كده مش مده معينة او ظروف معينه بتنور لوحدها النهارده فتحت و قفلت الكونتاك كتير و اللمبة بتنر و تتطفي عادي و بعدين شوية و فضلت منورة كل ده و العربية واقفة

كده يبقى فيه مشكلة فى الجهاز ، جرب تغير زيت الفرامل ، و لازم كده كده تنشط ال ABS بكام فرمله جامده على رمله ( افضل من الميه ) لغاية ما تحس ان بدال الفرامل بيكركر تحت رجليك ( طبعا كله ده و لما تكون اللمبة مطفيه ، لأن لو كانت منوره فالجهاز اصلا مش حيشتغل ) عشان الزيت يدخل الجهاز و يحرك البلوف و ينظفها ،
جرب التنشيط و قولى

[iBiZa]

شكرا يا باشا و بعدين انت تنور في اي حتة حتي و لو مش معاك اوبل
انا رحت التوكيل اصلا و قالي ال Abs كله عايز يتغير انا مش مصدق ده بصراحه لان هو بيشتغل و بيفصل

هو مافيش حاجة اسمها الABS كلة عايز يتغير. دة كدة اكيد مش عارف العطل فين و قال يقصر. انا كان عندى مشكلة فى حساس و اتغير عادى و كلة مشى تمام.

بعدين انا بيتهيالي مش عندي سنسور بيتهيالي السنسور ده موجود من اول موديلات 2000

هو ممكن حد يفيدنا فى الموضوع دة بس انا اعتقد انة لازم حساس على كل عجلة علاشان يعرف سرعتهم.

[ahmedmaklad]

هو في سنسور

هو في سنسور في عجل العربية عشان ال Abs انا عربيتي موديل 97 الشكل الجديد
هو في سنسور في العجل؟ و السنسور ده بيتوصل باية؟

[iBiZa]

http://auto.howstuffworks.com/anti-lock-brake1.htm

اقرا دة يا باشا هيساعدك علاشان تفهم الدنيا بالصور.

[iBiZa]

هو في سنسور في عجل العربية عشان ال Abs انا عربيتي موديل 97 الشكل الجديد
هو في سنسور في العجل؟ و السنسور ده بيتوصل باية؟

http://media.gm.com/corpcom/releases/g961115a.htm

و انا بدور لاقيت الArticle و المفروض نزل فى عربيات GM من سنة 1993

[ENG\AHMED]

هو في سنسور في عجل العربية عشان ال Abs انا عربيتي موديل 97 الشكل الجديد
هو في سنسور في العجل؟ و السنسور ده بيتوصل باية؟

لازم طبعا يبقى فى سنسور على كل عجلة اومال هبحس بالسرعة ازاى ودى مالهاش علاقة بالموديل والنوع

[ghost]

على فكره ممكن يكون حساس فى فردة من الفرد وعلى فكره ما تهمل هذا الامر مهم جدا جدا جدا abs