الدبانة ولا اوبل b؟ ولعنة التجار

[loserdavie]

السلام عليكم
انا ريجاتاوى ووالحمدلله اصلية ومعانا اول يد واظن جه الوقت انى قالها سنة الحياة والدوام لله وحده بعد 23 سنة كفاح المهم انا مبحبش الكورى(انا عايز عربية تستحمل واصيلة زر الريجاتا انا من النوع الى اتجوز العربية بالسنين مبحبش اطنطط) فقلت ياد جرب الالمانى فكرة فى الدبانة لقتها عربية اصلية وميه ميه و نظرا انى ماشى عكس الشعب المصرى الى بيخسف بالعربيات النضيفة الارض وتلاقى الكورى اغلى ممن الالمانى والايطالى والفرنساوى والشعب الى يحب معلش انا اسف فى اللفظ يفسى فى اى حاجة يعنى الناس تقولى لاا انت جننننننت حتجيب بى ام دى حتخليك تشحت جامبها وحتلروح للميكانيكى على طول طب ياخرفان لما البى ام بتروح للميكانيكى على طول الكورى هو الى حمال قاسية رحت سال على قطع غيارها لقيتها حلوة والله قريبة من الكورى ومعمرة والمانى مش تايلدنى ولا كورى المهم وانا بدور على الدبانة على موقع فابريكا فجاة تظهر عربية الا وهى اوبل b وبكام 47000 يانهار ابيض ازاى دى مشيسة لا مش ممكن ده اكيد غلطان فى السعر اذا كانت ِA بتعمل 35-40 رحت داخل على اوبل لقيتها عامله السعر ده بتتراوح من 47- 55 طيب ليه ياجدعان ايه المشكلة اكيد قطع غيارها دبح زى الفوكس رحت جاى على القسم هنا على طول واذا المفاجاة قطع غيارها حلوة و رخيصة جدا قولت لا لما اسال الفسيجية (التجار )ليه؟ قالك لا دى اسوا ما انتجت الاوبل طب ليه ياجدعان ؟ دى بتسخن وبتجيب وش على طول وبعديت التكيف بتاعها وحش وقطع غيارها غالية اول ما قال قطع غيارها غالية عرفت انه عملت سيرش عن العربية وقريت عنها كتير لقيتها الله واكبر مكلبشة فى الارض واحد بيحلفلى انه خد ملف على 140 وكان قارص وهى مكلبشة فى الارض واكتشفت ان العربية مصصمة انها تتحمل درجة الحرارة العالية مفيش مشكلة وصاجها ناشف جدا جدا واكتشفت ان التجار خسفوا بسعر العربية B بذات وعلقولها المشنقة بس الى مش حبه فيها نور التابلوه ضعيف مش زى الدبانة نفس الموديل تحس انك راكب عربية uno فى نور التابلوه فانا دلوقتى بين نارين الدبانة ولا الاوبل؟

[zago]

التمر حنه
:))


شوف ياباشا احنا شوفنا دبانه موديل 92
بعدين اشترينا فكترا a 94
ولو بعناها حنجيب اوبل برضو
ان شاء الله

[loserdavie]

اول صوت لاخ zago بيمسى على الاوبل وبيقول اوبل لنهاية

[loserdavie]

معلش يا زاجو ال بى ام كانت عامله كام فلوس؟

[tananybasha]

بص
سمعت اكتر من كده
و اللى شتم
و اللى هزق
و اللى قاللى حجزنالك فى عنبر الخطرين فى مستشفى المجانين
و كلام من ده
لما ركبت العربية اللى معايا
و نازل من نيسان 2005
و قبلها بى ام 318 اى موديل 2001 زيرو

حلفت انى مركبتشى عربيات
و اى عربية تبوظ
عرفت انها نتيجة اهمال
مش اكتر من كده

[loserdavie]

قبلها بى ام 318 اى موديل 2001 زيرو


عفوا لقد خالفت قوانين العربيات :)) لا يجوز مقارنة الملكة E46 ب vectra B و E36

[zago]

البي ام كانت فول اوبشن اوتوماتيك بفتحه سقف
بحالتها
فبريقه بره وجوه
وبسم الله ماشاء الله كانت نضيفه جدا ولونها كحلي حلو
ب 68 الف
الكلام ده من حوالي 4 سنين

[medo111]

واللهي معاك حق في كلامك كلو ناس غريبه بتروح ورا عربيات اي كلام عربيات بتنزل مفيش امان فيها وانت بتختار عايز ايرباج ولا مش عايز واتنين ولا واحده وغيرو وغيره ويسيبو عربيات بجد تحفه سوق عجيب بس الحق مش عليهم الحق علي الي خلي وضعنا الاقتصادي منيل

[loda80]

ازيك يا أحمد(loserdaive) والله واحشنى أنا اتصلت بيك كتير اوى امبارح علشان ققولك ان في دبانة على كونتاكت ب 66 الف موديل 98 اخر الشكل بس انا معرفش عنها حاجة انا الحمد لله بقيت اوبلاوى جبت فكترا 95 والحمد لله مريحانى انت عارف يا ابوحميد اني كنت بدور علي دبانة و (قالولى) قبل ما ابيع البى ام ان اخرها 60 الف ولما بعت (بخساره طبعا ولله الحمد من قبل و من بعد) كانت الفاجعه اقل شئ حوالى 60 الف قلت فى عقل بالي هتجيب و تصرف و تبيع بخسارة لكن لما جبت الفكترا والله ولا دبانة ولا حتى ناموسه(عن تجربه)اهم حاجة هات عربيه نظيفة صاحبها محافظ عليها وشوف الاداء والركوبه وادعيلى

[haitham2011]

سواء اوبل او bmw لو مش عالشعره هتكره نفسك

[ashouhdy]

سواء اوبل او bmw لو مش عالشعره هتكره نفسك

+1

[mido888]

الأتنين زى الفل
الأفضل دور على حالة العربيه
ونصيحه لوجه الله اشترى حاله شاذه حتى لو أغلى هتستريح بعد كده

[rompo10]

بص ياباشا انا كنت راكب اوبل 98 قبل البي ام وفضلت معايا 3 سنين اولا طول فتره 3 سنوات ماصرفتش جنيه علي العفشه وكانت سليمه جدا ولا خبط ولا غيره قطع غيارها كلااااااااام فاضي ماعدا حساسات الماتور غاليه شويه يعني اغلي حاجه 400 او 450 مثلا ودا ما حصلش معايا خالص الا في حساس واحد بس طول 3 سنين عربيه تقيله جدا جدا جدا بس لو هاتركب هات 2000 سي سي وكمان حاجه 3 سنين معايا بنزين 80 ولا الهواء وزي الفل وماغيرتش فلتر بنزين حتي من ناحيه السخونه هي العربيه كده والبي ام والمرسيدس اي عربيه الماني درجه الحراره بتاعتها عاليه بس المهم تهتم بدوره التبريد اخر حاجه اللي طلع عيني بجد التكيف وربنا معاك

[loserdavie]

بص ياباشا انا كنت راكب اوبل 98 قبل البي ام وفضلت معايا 3 سنين اولا طول فتره 3 سنوات ماصرفتش جنيه علي العفشه وكانت سليمه جدا ولا خبط ولا غيره قطع غيارها كلااااااااام فاضي ماعدا حساسات الماتور غاليه شويه يعني اغلي حاجه 400 او 450 مثلا ودا ما حصلش معايا خالص الا في حساس واحد بس طول 3 سنين عربيه تقيله جدا جدا جدا بس لو هاتركب هات 2000 سي سي وكمان حاجه 3 سنين معايا بنزين 80 ولا الهواء وزي الفل وماغيرتش فلتر بنزين حتي من اسعار ناحيه السخونه هي العربيه كده والبي ام والمرسيدس اي عربيه الماني درجه الحراره بتاعتها عاليه بس المهم تهتم بدوره التبريد اخر حاجه اللي طلع عيني بجد التكيف وربنا معاك

متشكر ليك اوى على ردك ياباشا بس سوال صريح بما انك ركبت العربيتين عايز تقولى بصراحة انه احسن بخلاف سعر قطع الغيار للعربيتين وانه فيهم احسن فى الركوبة وقاعدة العربية؟

[loserdavie]

ازيك يا أحمد(loserdaive) والله واحشنى أنا اتصلت بيك كتير اوى امبارح علشان ققولك ان في دبانة على كونتاكت ب 66 الف موديل 98 اخر الشكل بس انا معرفش عنها حاجة انا الحمد لله بقيت اوبلاوى جبت فكترا 95 والحمد لله مريحانى انت عارف يا ابوحميد اني كنت بدور علي دبانة و (قالولى) قبل ما ابيع البى ام ان اخرها 60 الف ولما بعت (بخساره طبعا ولله الحمد من قبل و من بعد) كانت الفاجعه اقل شئ حوالى 60 الف قلت فى عقل بالي هتجيب و تصرف و تبيع بخسارة لكن لما جبت الفكترا والله ولا دبانة ولا حتى ناموسه(عن تجربه)اهم حاجة هات عربيه نظيفة صاحبها محافظ عليها وشوف الاداء والركوبه وادعيلى

انا اتصلت بيك يا خلودة على اخر رقم اتصلت بيه منه علشان اقولك متشتريش الجولف انا واحد صاحبى جايبها بره وجوه ب44000 وفيها تكييف وباور والف مبروك ياحبيبى على الاوبل A بس حيخلنى اصرف نظر عن البى ام لانهم بيبالغوا فى الاسعار وانا مش طالب غير عربية مانيوال والمكنة البيضاء m43 ميفرقش معايا لا اير باج ولا غيره