استفسار ارجو الافاده منكم ضرورى

[mem]

بسم الله الرحمن الرحيم

بعد التحية

ارجو الاستفسار منكم فى شى محيرنى وضرورى

انا معايا عربية اوبل موديل 94 اتوماتيك
شريها من 7 سنيين تقريبا
ومن ساعة ما اشترتها ما غيرتش زيت الفتيس وكشفت عليه
لقيته زى الميه بضبط ليس به لزوجه
فكنت حابب اغيره فميكانيكى قالى لو غيرته ممكن الفتيس ما يشتغلش تانى
وتضطر تجيب فتيس تانى
فمش عارف الكلام ده صح ولا لا هل عدم تغيير الزيت لفتره كبيره يخلى الفتيس يبوظ
ولا اغيره عادى
ارجو الافاده من حضراتكم
وجزاكم الله خيرا

[Ahmed_lol2007]

أكيد طبعا لازم يتغير
المفروض زيت الفيتيس الاوتوماتيك بيتغير بالكتير بعد 40 الف كيلو

[tananybasha]

مش هتلاقى حد خبرة فى زيت الفتيس زى احمد
بس بالوضع اللى بتتكلم عليه
لازم يتغير

[mem]

اولا اشكركم على اهتمامكم
بس انا خايف اغيره والفتيس مش يشتغل تانى
واضطر اجيب فتيس جديد
فعايز اعرف فعلا الكلام ده صحيح ولا لا لانى بقالى كتيير ما غيرتوش

[mido888]

طيب لو مانيوال لازم زيت الفتيس يتغير ولا لأ
مع العلم ان الفتيس مفيش فيه أى مشكله ماشاء الله زى الفل

[م.أحمد_حماد]

المانيوال كل 60 علشان ما فيش تحميل زي الأتوماتيك بس الأول حضرتك انت ايه اللي بيحصل معاك ؟ سحب ضعيف تدوس بنزين مع Delay في السحب ؟ نصحيه غير زيت الفتيس بزيت نضيف الأول قبل اي شيء علشان تبأه مقتنع بعد كدا ان الفتيس هوا اللي فيه المشكله

[tananybasha]

تمام
و ده اللى بنقوله

[ahmed55244]

بص يامان لو زيت القتيس لونة اسود يبقا شكرا متغيروش ودى من بعد تجربة
اما او لونة احمر غير على طول متخفش لو اسود يبقا الفتيس محروق لو غيرت مش هيشتغل تانى

[wama00]

بص يامان لو زيت القتيس لونة اسود يبقا شكرا متغيروش ودى من بعد تجربة
اما او لونة احمر غير على طول متخفش لو اسود يبقا الفتيس محروق لو غيرت مش هيشتغل تانى

معلومة جديدة,, شكرا يا باشا

[mem]

اولا اشكركم شكرا جزيللا على اهتمامكم ونصائحكم الغالية واللى اكيد استفت منها
وانا فعلا زى ما بتقول يا استاذ احمد انا الزيت عندى اسود خالص وعلشان كده مش عارف اغير ولا لا
شوية يقولولى عادى وشوية يقولولى انت وحظك ممكن وممكن بس انه يشتغل تانى احتمال ضعيف فعلى شان كده متردد
لانى عايز اغيره لانى حاسس ان العربية مش مظبوطة بسببه
وسؤال استاذ احمد يعنى كده لازم اجيب فتيس استيراد ولا فيه حل تانى انت عملته لما صادفتك المشكلة ده

[alnmr79]

بص يا باشا هوا الفتيس الاستيراد موجود بس طبعا تكلفة لو حضرتك حاسس ان الفتيس مش كفاءة وعامل حسابك فى الموضوع دة يبقى غير بزيت نضيف وفلتر اصلى ودة ضرورى وغير عند ميكانيكى بيشتغل فى الاوتماتيك كويس وان شاء الله هيكون تمام التمام

[mido888]

أنا كنت سامع معلومه من الأخ محمد طنانى وقال لو الفتيس مفيش فيه أى مشكله يبقى بلاش نغير زيت الفتيس لأن الزيت الأوريجينال مايتعوضش ده بالنسبه للمانيوال ..مش عارف أغير الزيت ولا لأ ولو هيتغير ايه أحسن نوع وسعره والكميه كام لتر

[ahmed55244]

انا غيرتو الزبت كان لونة اسود وبعد كدة الفتيس فصل بعده بيومين
رحت كشفت علية لقيتو شكرا جبت واحد استيراد من بور سعيد بى 1800 يعنى 2350 بل تركيب وزيت والحمد لله تمام
بس يغيير الزيت لازم علشان عمر الفتيس والعزم هيكون احسن

[tananybasha]

تغيير زيت الفابريكا ليه اسس
انما يتغير بزيت ايه ؟
لازم زيت دكسترون نضيف
زى شل الأسود