تيل الفرامل الأوبل فيكترا b

[felash]

[overline]انا كنت بسمع الفرامل لما ادوس عليها تصفر فروحت غيرت التيل وجبت نوعية مكتوب عليها (توكيل جنرال موتورز وصنع في مصر ) وركبه راح الصوت فترة ورجع تاني راح بابا جاب نوعية الراجل قله انها اسباني بس كان فيها حاجة غريبة انطول التيل قصير فروحت ركبته
ولقيت الصوت زاد بطريقة غريبة وتحس كأن التيل بياكل في الطنبورة وروحت للراجل تاني راح جاب بودرة بيضاء ورشها على التيل وما زال الصوت وانا بفكر اركب التيل اللي قبل ده

فكنت بسال كده عيب تيل ولا طنابير ولا ايه وازاي اعرف التيل القويس من الوحش
يا ريت الناس ترد
[/overline]

[jemy_tnt]

لو عرفت ربنا يكرمك قلى معاك عشان عندى نفس المشكله و التيل اسبانى بردو و صوته زفت و زى ميكون حديد بيحفر فى بعضه و كرهنى فى العربيه كلها

[tananybasha]

عيب طنابير
مش تيل
لأن الأسبانى يمنع الصوت خالص

[alnmr79]

اصبر على التيل شوية لحد ما يطبع مع الطنابير لان واضح ان الطنابير متاكلة شوية ولما تغير التيل شوف الطنابير عايزة تتغير والا عايزة مسحة على المخرطة

[felash]

طيب اعرف الطنابير متآكلة ازاي
والميكانيكي قلي الطنابير عندي قويسة خالص
وانا شوفتها تقريبا مفيهاش حاجة
وهو التيل بياخد فترة كام علشان يطبع مع الطنبورة
ولو حد يقدر يرفغلي صورة التيل الأسباني أو العلبة بتاعته

[felash]

وهل ممكن الصوت يكون من العجل الخلفي ولا لا ؟

[tananybasha]

من الخلفى لأ

[wama00]

زى ما قال طنانى عيب طنابير علشان التيل الاسبانى اللى انت مركبة على ما اعتقد انه ريمسا والريمسا ده ممتاز

[felash]

لا مش ريمسا والعلبة بتاعته مش مكتوب عليها اي حاجة هي لونها اصفر

[م.أحمد_حماد]

دا التيل و الأسباني دايما بيعمل كدا لأنه ببساطه أسباني على الاستيكر بس صيني باه تيواني الريمسا في الطنابير حلوا لكن في التيل وحشا جدا حتى على المستوى الشخصي كل ما اركبه يصفر بشكل قوي جدا صحيح نسب التآكل ضعيفه و هو دا سبب التصفير المفروض التيل يبأه من الخامات سهلة التآكل بالمقارنه طبعا بنسب تآكل الطنابير.... جرب أمان Safety دا نوع محترم مصري آه .. سريع التآكل .. نوعا ما بس من ساعة ما بيركب لحد ما بيتحل للتغيير ما تسمعلوش اي حاجه و على ضمانتي انا بركب لزبايني و محدش اشتكى منه تماما

[tananybasha]

انا باركب الريمسا
بس اللى كان بيجيبوه ليا زميل معانا من توكيلهم
و الخمد لله عمرى ما سمعت منه صوت

[wama00]

دا التيل و الأسباني دايما بيعمل كدا لأنه ببساطه أسباني على الاستيكر بس صيني باه تيواني الريمسا في الطنابير حلوا لكن في التيل وحشا جدا حتى على المستوى الشخصي كل ما اركبه يصفر بشكل قوي جدا صحيح نسب التآكل ضعيفه و هو دا سبب التصفير المفروض التيل يبأه من الخامات سهلة التآكل بالمقارنه طبعا بنسب تآكل الطنابير.... جرب أمان safety دا نوع محترم مصري آه .. سريع التآكل .. نوعا ما بس من ساعة ما بيركب لحد ما بيتحل للتغيير ما تسمعلوش اي حاجه و على ضمانتي انا بركب لزبايني و محدش اشتكى منه تماما

شكرا على المعلومة يا باشا

[forget]

وهل ممكن الصوت يكون من العجل الخلفي ولا لا ؟

فعلا أنا كان عندى نفس المشكلة وطلع الصوت من الطنابير الخلفية انما التيل الخلفى زى الفل، شوف الخلفى.....

وعلى فكرة انا مغير التيل الامامى بنوع اسمه جولد كورى كويس جدا بعد التجربة..والطنابي الامامية برده فيبى الألمانى الأصلى لان معظم اللى فى السوق مضروبة

[mora_93]

اين أجد محل يبيع الريمسا