عايز اغير بوجهات العربيه شمعه ولا اتنين ولا تلاته

[mahamedaraby]

عايز اغير بوجهات العربيه ايه رايكم اغيرها شمعه واحده ولا اتنين ولا تلاته ولا اربعه

وايه الافضل وليه

وايه المميزات والعيوب علشان انا سمعت فتواى كتير اوى فى الموضوع ده زى انها بتخلى سحب العربيه احسن وسمعت انها بتسحب بنزين اكتر وسمعت انها بتسلخ البستم مش عارف يعنى ايه الكلمه دى بس سمعتها برضوا وسمعت انها مش حلوه علشان بتكون واخده رطوبه التلاته شمعه وحاجات من دى كتير فكنت عايز اعرف من اهل الخبره ايه افضل حاجه موجوده وليه

[samooh2010]

انا اللى سمعته ان الاثنين شمعه بيخلى سحب العربيه احسن بس بيستهلك بنزين
بس كده هو ده اللى انا اعرفه

[mohamedshahin]

يص يا باشا سيبك من كل الكلام اللي بتسمعة وهات 3 شمعة انا مركب في عربيتي الاوبل كورسا 1200 ال 3 شمعة وزي الفل وكنت مركب قبل كدة شمعة واحدة ومكملتش اكتر من 4 شهور
فتوكل علي الله وهات ال 3 شمعة

[zago]

الفرق بيكون عباره عن العمر الافتراضي للبوجيه
مش اكتر من كده
استهلاك البنزين حيزيد ازاي يعني هو بمزاج البوجيه ؟؟؟؟

[mahamedaraby]

ايه ده يعنى عمر افتراضى وبس انا كنت فاكر بتفرق كمان فى السحب ودوره حرق البنزين بتكون كامله

[wama00]

فيه حد من الاعضاء هنا فى المنتدى بيقول ان افضل بوجية للاوبل هو 2 شمعة, بس برضة نستنى رأى الخبراء

[zago]

ايه ده يعنى عمر افتراضى وبس انا كنت فاكر بتفرق كمان فى السحب ودوره حرق البنزين بتكون كامله

بناءا على اي اساس ؟؟؟

دلوقتي انت عندك حنفيه ميه
ادخت منها 10 وصلات
هل معنى كده انك حتاخد من نفس الحنفيه ميه اكتر ؟؟؟
لا طبعا ماهو المصدر واحد وبنفس طاقته
ومن ناحيه تانيه
لو عندنا لمبه بتشتغل 10 فولت
واديتها كهربا 30 فولت
حتتحرق اللمبه ولا لا ؟

الفكره كلها بتاعه ال 3 شمعه هي ان الطرف اللي بيستقبل الكهربا بيكون هو اقرب طرف للشراره
ولما يتاكل مثلا او يتهبب جامد ويبقى استقباله للشراره ضعيف
تروح الشراره بتتوجه للقطب ( الشمعه ) الانضف والاقرب
وهكذا
فلما تكون شمعه واحده وتتهبب وميكونش فيه شمعه تانيه الشراره تتوجهلها حضرتك بتحس ان البوجيهات عايزه تتغير

[alshura]

بسم الله الرحمن الرحيم
بص يا حبيبى الو حيد اللى حيقدر يفيدك التوكيل كلمه و اساله العربيه دى خارجه من المصنع و فيها بوجيه كام شمعه او ابحث فى جوجل لكن الغالب ان 99% من الالمانى بينزل ب3 شمعه و فيه بو جيهات فى السوق بوش روسى 3 شمه غايه فى الروعه و هيه 3 شمعه باركبهم فى عربيتى و اشيلهم بعد 50 الف كيلو و تمنهم 50 جنيه و لما باشيلهم باشحتهم و اللى بياخدهم بيشغلهم 50 ال كيلو كمان ح تسالنى باعرف ازاى ان البوجيهات عاوزه تتغير اقول لك ساعه ما باحس ان معدل استهلاك البنزين زاد باغيرهم فورا
و بالتوفيق

[tananybasha]

بدون الدخول فى اى محاورات
او محاولة تصينف
الصانع يوصى ب
بوجيهات 2 شمعه الكترونى
انك انت او انا نركب واحد
تركب اربعه
تركب 3 شمعه
ده اجتهاد شخصى
بس الصح و اللى قاله الخواجة ( مش عقدة خواجة ) الصانع ادرى بعربيته
و هو عارف ليه يركب 2 شمعه
مش اكتر او اقل

[wama00]

بدون الدخول فى اى محاورات
او محاولة تصينف
الصانع يوصى ب
بوجيهات 2 شمعه الكترونى
انك انت او انا نركب واحد
تركب اربعه
تركب 3 شمعه
ده اجتهاد شخصى
بس الصح و اللى قاله الخواجة ( مش عقدة خواجة ) الصانع ادرى بعربيته
و هو عارف ليه يركب 2 شمعه
مش اكتر او اقل

الكبير كبير والله يا طنانى

[wama00]

بسم الله الرحمن الرحيم
بص يا حبيبى الو حيد اللى حيقدر يفيدك التوكيل كلمه و اساله العربيه دى خارجه من المصنع و فيها بوجيه كام شمعه او ابحث فى جوجل لكن الغالب ان 99% من الالمانى بينزل ب3 شمعه و فيه بو جيهات فى السوق بوش روسى 3 شمه غايه فى الروعه و هيه 3 شمعه باركبهم فى عربيتى و اشيلهم بعد 50 الف كيلو و تمنهم 50 جنيه و لما باشيلهم باشحتهم و اللى بياخدهم بيشغلهم 50 ال كيلو كمان ح تسالنى باعرف ازاى ان البوجيهات عاوزه تتغير اقول لك ساعه ما باحس ان معدل استهلاك البنزين زاد باغيرهم فورا
و بالتوفيق

طيب معلشى سؤال , هو لو البوجيهات باظت اوعايزة تتغير ده ممكن يكون سبب ان العربية تاكل بنزين بغبى؟

[HASSAN SERRY]

انا عربيتى الأساس بتعها واحد شمعه , فا الأحسن تشوف على النت الأحسن لعربيتك عشان مظنش ان كل عربية زى التانية

[tananybasha]

الفيكترا بيخرج من المصنع 2 شمعه

[wama00]

طيب يا رجالة من علامات تلف البوجيهات انها تاكل بنزين كتيير ولا ايه؟؟ ما حدش رد

[tananybasha]

تاكل بنزين
و تبرجل
و تهبب العربية
و تأخر الدوارة