اجيب اوبل فيكترا ولا اوكتافيا 2008؟؟؟؟؟؟؟

[rozzario82]

يا جماعه انا بقالى كتير بدور على عربيه فى رينج 100 او 110 الف جنيه وشفت عربيات كتير جيتا واو كتافيا واوبل بس انا عاوز عربيه تكون عائليه شويه علشان كده استبعدت الجيتا ودامى عربيه اوبل فيكترا 2008 ماشيه50 الف كيلو الفئه اللى قبل الهاى لاين فابريكه بره وجوهمطلوب فيها 110 الف جنيه بس انا معرفش ايه اخبار قطع الغيار للاوبل هل هو غالى جدا عن الاوكتافيا ولا فى نفس الرينج ياريت حد عارف العربيه وعنده فكره عنها ينصحنى وهل الاوبل فيه مشاكل ف الصيانه؟ ولا اجيب الاوكتافيا اضمن؟

بالنسبه للفيكترا 2008 انا سوقتها مع البائع بس حسيت بنتشه فى الغيار بين الاول والتانى هل ده معناه ان الفتيس الايزى ترونيك فيه حاجه ولا ايه السبب صاحبها بيقول ان ده عادى بس انا مش مقتنع وقلت اسال الناس الخبيره ف الاوبل فيكترا بس ياريت تردو عليا بسرعه وتفيدونى ولكم كل الشكر

[ahmedmaklad]

يا جماعه انا بقالى كتير بدور على عربيه فى رينج 100 او 110 الف جنيه وشفت عربيات كتير جيتا واو كتافيا واوبل بس انا عاوز عربيه تكون عائليه شويه علشان كده استبعدت الجيتا ودامى عربيه اوبل فيكترا 2008 ماشيه50 الف كيلو الفئه اللى قبل الهاى لاين فابريكه بره وجوهمطلوب فيها 110 الف جنيه بس انا معرفش ايه اخبار قطع الغيار للاوبل هل هو غالى جدا عن الاوكتافيا ولا فى نفس الرينج ياريت حد عارف العربيه وعنده فكره عنها ينصحنى وهل الاوبل فيه مشاكل ف الصيانه؟ ولا اجيب الاوكتافيا اضمن؟

بالنسبه للفيكترا 2008 انا سوقتها مع البائع بس حسيت بنتشه فى الغيار بين الاول والتانى هل ده معناه ان الفتيس الايزى ترونيك فيه حاجه ولا ايه السبب صاحبها بيقول ان ده عادى بس انا مش مقتنع وقلت اسال الناس الخبيره ف الاوبل فيكترا بس ياريت تردو عليا بسرعه وتفيدونى ولكم كل الشكر

بص بنفس السعر ده هتجيب جيتا او اوكتافيا بس ماشية كتير شوية و ممكن تجيب فكترا نضيفة ماشية قليل يبقى انا شايف الفكترا
انا معايا فكترا سي كويسة جدا و فعلا في نتشة و دي موجودة بس انت لازم تتعود عليها و بطريقة سواقتك ممكن تقللها جدا هي عايزة تعود في السواقة شوية بس مش عيب في الفتيس

[tananybasha]

استنى احمد فهمى
و خالد ايمن
دول اللى هيدلوك صح
عشان معاهم نفس العربية

[rozzario82]

بص بنفس السعر ده هتجيب جيتا او اوكتافيا بس ماشية كتير شوية و ممكن تجيب فكترا نضيفة ماشية قليل يبقى انا شايف الفكترا
انا معايا فكترا سي كويسة جدا و فعلا في نتشة و دي موجودة بس انت لازم تتعود عليها و بطريقة سواقتك ممكن تقللها جدا هي عايزة تعود في السواقة شوية بس مش عيب في الفتيس

الف شكر يا باشا وبما انك معاك نفس العربيه ياريت تعرفنى شويه حاجات كده

1- التكييف اخباره ايه ف الصيف والحر الشديد بيسد ولا ايه؟

2 قطع الغيار بالنسبه للجيتا والاوكتافيا

3 يعنى مشكله النتشه دى ف كل الايزى ترونيك الاوبل ومش ممكن تتظبط ف التوكيل وبالنسبه للسحب هل فعلا الطلعه الاولانيه بتبقى بطيئه الى حد ما زى مانا حسيت؟؟

4 فرش العربيه قماش لانها الفئه اللى قبل الهاى لاين هل ممكن اعملها فرش جلد ولا لا علشان الايرباج والكلام ده لانى شفت الفرش الجلد الفابريقه وشكله عاجبنى اوى هل ممكن اعمل زيه؟

5 هل العربيه بتاخد بنزين 95 ولا 92 شغال؟

[HASSAN SERRY]

الف شكر يا باشا وبما انك معاك نفس العربيه ياريت تعرفنى شويه حاجات كده

1- التكييف اخباره ايه ف الصيف والحر الشديد بيسد ولا ايه؟

2 قطع الغيار بالنسبه للجيتا والاوكتافيا

3 يعنى مشكله النتشه دى ف كل الايزى ترونيك الاوبل ومش ممكن تتظبط ف التوكيل وبالنسبه للسحب هل فعلا الطلعه الاولانيه بتبقى بطيئه الى حد ما زى مانا حسيت؟؟

4 فرش العربيه قماش لانها الفئه اللى قبل الهاى لاين هل ممكن اعملها فرش جلد ولا لا علشان الايرباج والكلام ده لانى شفت الفرش الجلد الفابريقه وشكله عاجبنى اوى هل ممكن اعمل زيه؟

5 هل العربيه بتاخد بنزين 95 ولا 92 شغال؟

معلش اسمحلى ارد عليك , انا معايا استرا , تقريبا الأسترا H و الفيكترا c نفس قطع الغيار و نفس كل حاجة .
1- تكيف الأوروبى مش قوى زى اليابانى و الكورى يعنى مش تشغلوا تلاقى هوه ساقع مره واحده , لا بياخد وقته بس انا شايف ان تكيف العربية ديه كويس يعنى فى الصيف بالنهار بكون عملوا على 2 لو معايا ناس فى العربية و لو لوحدى بعملوا على واحد بس بكون جايب الريش عليا بس بيكون كويس جدا .

2- قطع غيار الأوبل أرخص الألمانى , هتلاقى حاجات كتير رخيصة و هتلاقى حاجات غالية بس بردوا نرجع و نقول أرخص الألمانى

3- النتشة ديه عشان انت مش متعود على الفتيس مش لكتر و عشان انت مش متعود على أسلوب سواقة الفتيس ده , اصلوا مش زى الأتوماتيك خالص ده فتيس مانيوال , فيه طقم دبرياج و أسطوانة بس كل الفكرة ان الطقم ده بينقل لوحدوا , يعنى لو انت سوقت عربية مانيوال هتلاقى دايما ان اكتر ناقلة بتحسها فى العربية هيا التانى , بس عموما لما تتعود على العربية ديه هتحس ان النتشة ديه ولا حاجة و بعدين الطلعة بطيئة شوية عشان العربية ديه تقيلة على الأرض

4-ايه علاقة الفرش بالايرباج ؟؟؟ و لا أقصدك الأيرباج اللى فى الجناب , انا بصراحة مش فاكر هيا لازقة فى ال كرسى و لافيه مساحة ممكن الفرش يدخل فيه , ممكن لما أنزل ابص على العربية و أقولك بس على ما اظن ممكن لو طلعت لازقة ممكن اللى هيفصلك يراعى حكاية الأيرباج و يبلك مساحة ليها .

5- هوه 95 اكيد أحسن بس 92 طبعا شغال جدا بس اختار بنزينات نضيفة .

و طبعا ممكن تستنى ردود بقية الزملاه عشان ممكن حد يبقى ليه رد تانى

حسن سرى

[rozzario82]

معلش اسمحلى ارد عليك , انا معايا استرا , تقريبا الأسترا h و الفيكترا c نفس قطع الغيار و نفس كل حاجة .
1- تكيف الأوروبى مش قوى زى اليابانى و الكورى يعنى مش تشغلوا تلاقى هوه ساقع مره واحده , لا بياخد وقته بس انا شايف ان تكيف العربية ديه كويس يعنى فى الصيف بالنهار بكون عملوا على 2 لو معايا ناس فى العربية و لو لوحدى بعملوا على واحد بس بكون جايب الريش عليا بس بيكون كويس جدا .

2- قطع غيار الأوبل أرخص الألمانى , هتلاقى حاجات كتير رخيصة و هتلاقى حاجات غالية بس بردوا نرجع و نقول أرخص الألمانى

3- النتشة ديه عشان انت مش متعود على الفتيس مش لكتر و عشان انت مش متعود على أسلوب سواقة الفتيس ده , اصلوا مش زى الأتوماتيك خالص ده فتيس مانيوال , فيه طقم دبرياج و أسطوانة بس كل الفكرة ان الطقم ده بينقل لوحدوا , يعنى لو انت سوقت عربية مانيوال هتلاقى دايما ان اكتر ناقلة بتحسها فى العربية هيا التانى , بس عموما لما تتعود على العربية ديه هتحس ان النتشة ديه ولا حاجة و بعدين الطلعة بطيئة شوية عشان العربية ديه تقيلة على الأرض

4-ايه علاقة الفرش بالايرباج ؟؟؟ و لا أقصدك الأيرباج اللى فى الجناب , انا بصراحة مش فاكر هيا لازقة فى ال كرسى و لافيه مساحة ممكن الفرش يدخل فيه , ممكن لما أنزل ابص على العربية و أقولك بس على ما اظن ممكن لو طلعت لازقة ممكن اللى هيفصلك يراعى حكاية الأيرباج و يبلك مساحة ليها .

5- هوه 95 اكيد أحسن بس 92 طبعا شغال جدا بس اختار بنزينات نضيفة .

و طبعا ممكن تستنى ردود بقية الزملاه عشان ممكن حد يبقى ليه رد تانى

حسن سرى

متشكر جدا يا حسن باشا على اهتمامك انا محتاج اراء الناس اللى معاها الاوبل زى حضرتك لانى خايف اندم على الاختيار بعد كده انت اكيد عارف الواحد لما بيبقى مقدم على عمليه الشراء بيبقى قلقان جدااا من اى تفصيله صغيره
بس انت رايك انى لوجبت الاوبل فيكترا هتبقى اختيار صحيح؟

[SYD]

الفتيس الأيزي ترونيك اثبت انه فعلا فتيس فاشل ودة تقريبا في كل الأوبل

بالنسبة للطلعة هي فعلا ضعيفة جدا وممكن تريح منك علي الكوبري لو وقفت علي مطلع الكوبري

بالنسبة للسعر غالي حبتين وممكن تجيبها هاي لاين وبأقل من كدة او تزود شوية وتجيبها هاي لاين موديل السنة

بالنسبة للثبات اعتقد متقارب لأن الأوكتافيا قتالة قتلي

بالنسبة للبنزين ال92 هيمشيك بس بال95 توفير غير طبيعي وعزم اقوي للعربية

ربنا ييسر لك الأمور
وتقبل مروري

والله المستعان
،
،

[SYD]

متشكر جدا يا حسن باشا على اهتمامك انا محتاج اراء الناس اللى معاها الاوبل زى حضرتك لانى خايف اندم على الاختيار بعد كده انت اكيد عارف الواحد لما بيبقى مقدم على عمليه الشراء بيبقى قلقان جدااا من اى تفصيله صغيره
بس انت رايك انى لوجبت الاوبل فيكترا هتبقى اختيار صحيح؟

هي كركوبة لو هتركب جميلة جدا وثبات غير عادي وسرعات
لكن كأعادة بيع بصراحة في صالح الأوكتافيا

انا كلامي دة عن تجربة لواحد عميل عندي معاه هاي لاين 2008 بيشد في شعره
بيقولي انه اشتراها ب145 الف جنيه والنهاردة مش بتجيب 85
اول لما جابها كان بيروح التوكيل بيدفع 300 و 350 جنيه فرح اوي ان التوكيل حنين واسعاره جميلة
بيقولي عند صيانة ال10,000 اتلسع في 30,000 جنيه منهم كاتينة بس وبلية شداد وطنبورة ب7000 جنيه

والأسعار دي اعتقد مش هتسمعها برة التوكيل
وقطع غيارها الأستيراد مالية الدنيا

ربنا يوفقك

والله المستعان
،
،

[rozzario82]

يعنى انت رايك اصرف نظر عن الفيكترا

يعنى اخلينى فى الجيتا او الاوكتافيا اضمن؟؟؟
فيه جيتا هاى لاين معروضه عليا 2007 وماشيه 87 الف كيلو ومطلوب 115 الف؟

[tananybasha]

لو مش فارق معاك اتوماتيك
هات الجيتا
عربية حلوة

[ahmedmaklad]

الف شكر يا باشا وبما انك معاك نفس العربيه ياريت تعرفنى شويه حاجات كده

1- التكييف اخباره ايه ف الصيف والحر الشديد بيسد ولا ايه؟
التكييف هايل انا كان معايا مازدا 3 قبلها و كان معايا فكترا 2003 فعارف الفرق كويس بين الفكترا القديمة و الجديدة و الياباني
انا فوجئت بصراحة من تكييف الفكترا الجديدة انا برده بعمله على اوتوماتيك و درجة الحرارة 22 في الصيف و بيبقى هايل
2 قطع الغيار بالنسبه للجيتا والاوكتافيا
بيتهيالي الاوكتافيا ارخص و الجيتا اغلى انا مش فاكر تغيير السيور كان بكام بس انا فاكر انه حاجة عادية يعني فلتر الزيت من التوكيل بـ 30 جنيه الفانوس الخلفى السموكنج بتاع الهايلاين انا جبته depo تايواني بـ 165 جنيه مثبت السرعة استيراد بـ 300 جنيه
2 جلبة مقص كبيرة الماني بس مش فاكر النوع كان بـ 650 جنيه
3 يعنى مشكله النتشه دى ف كل الايزى ترونيك الاوبل ومش ممكن تتظبط ف التوكيل وبالنسبه للسحب هل فعلا الطلعه الاولانيه بتبقى بطيئه الى حد ما زى مانا حسيت؟؟
الطلعة بطيئة فعلا و النتشة دي موجودة لحد ما تاخد عليها و تعرف هي بتنقل امتى
بس هي ممكن بتحتاج تعمل تعديل في وقت النقل عن طريق tech 2 عند اي حد عشان الاسطوانة و الديسك بيتاكلوا مع الوقت فبالتالي بتحتاج تعديل وقت النقل و دي حاجة هبلة و بتتعمل في التوكيل 150 جنيه
4 فرش العربيه قماش لانها الفئه اللى قبل الهاى لاين هل ممكن اعملها فرش جلد ولا لا علشان الايرباج والكلام ده لانى شفت الفرش الجلد الفابريقه وشكله عاجبنى اوى هل ممكن اعمل زيه؟
ممكن بس عند حد فاهم دول يدوب 2 ايرباج امال الميجان بقى يعملوا ايه
5 هل العربيه بتاخد بنزين 95 ولا 92 شغال؟
92 بس يعني كل كام تفويلة كده ممكن يعني تفويلة 95 مع منظف

الفتيس الأيزي ترونيك اثبت انه فعلا فتيس فاشل ودة تقريبا في كل الأوبل
ازاي اثبت انه فاشل يا ريت تقولنا على تجربتك لان انا و 4 اصحابي و في واحد عامل فوق الـ 100 الف و ما اشتكاش من الفتيس
ان كانت توجد مشاكل فدي في بعض و ليس كل الاسترا h لكن مشفتش حد بيشتكي من فتيس الفكترا و لا حتى الاسترا انا المشكلتين اللي شفتهم في الاسترا كانوا هنا في المنتدى فقط و اتحلوا لكن كلمة فاشل دي كبيرة امال الـ dsg بتاع الفولكس يبقى ايه و الـ mmt بتاع التويوتا
بالنسبة للسعر غالي حبتين وممكن تجيبها هاي لاين وبأقل من كدة او تزود شوية وتجيبها هاي لاين موديل السنة
مفيش موديل السنة واضح ان حضرتك بتتكلم على عربية تانية الفكترا اخرها 2008 و حتى اللي ترخيصها 2009 دي برده انتاج 2008 و السعر انا شايفة كويس انا عربيتي اول فئة ايزيترونيك اليجانس و لما فكرت ابيع من كام شهر كانت جايبة 105 السعر انا مش شايفه غالي تماما
بالنسبة للثبات اعتقد متقارب لأن الأوكتافيا
ممكن تسال خالد ايمن هو كان معاه اوكتافيا و فكترا فيقدر يقولك بالظبط بس انا سوقت دي و دي و شايف الفكترا هايلة

انا كلامي دة عن تجربة لواحد عميل عندي معاه هاي لاين 2008 بيشد في شعره
بيقولي انه اشتراها ب145 الف جنيه والنهاردة مش بتجيب 85
يقولي عند صيانة ال10,000 اتلسع في 30,000 جنيه منهم كاتينة بس وبلية شداد وطنبورة ب7000 جنيه

85 طب اوكي لو حالتها حلوة جدا و عايز يبيع انا ممكن اخدها و بجد انا مش بهظر بس تكون حالتها حلوة لان انا اول مره اسمع السعر ده في عربية نضيفة
30000 صيانة ليه انت الارقام دي متاكد منها لاني بتعامل مع التوكيل و لسه سامع الرقم دي في عربية عملت حادثة و غيرت حاجات كتير و جنط في التوكيل
بعدين ازاي غير كاتينة و بلية و طنبورة عند الـ 10000 كيلو و عموما كان خالد بعتلي اسعار شوية حاجات في التوكيل و منها السيور
1-بكره شداد سير كاتيه 268
2-جوان غطاء فتيس سفلى (قالو لما نفك الطبه بتاع الفتيس لازم نغير الجوان) المهم يعنى تمنه 27 جنيه
3-سير كاتينه334
4-بوجيهات 178
5-فلتر بنزين 97
6-فلتر هواء 120
7- فلتر زيت 323
8-تيل فرامل خلفى 368
9-قربه مياه رداتير (باظت عند ناس كتير ) 195
10-غطاء قربه مياه رداتير 94
11-مياه تبريد برتقالى 63
12-سير دينامو 175
فين بقى طقم الكاتية اللي بـ 7000 جنيه

[tananybasha]

سعر مبالغ فيه
انا قريته 3000 جنيه
مش 30000
ليه اديلوه عربية هدية

[medomorgan]

ده شكلوالسائق بتاعو نصب علية

[KHALED AYMAN]

اى حاجه المهم متجيبش فيكترا
الفتيس زى ما شوفت كده
شغال بدماغه
و قطع الغيار ضعف قطع غيار الاوكتافيا
متفتحوش الواحد والنبى لحسن انا هفرقع

[medo111]

اى حاجه المهم متجيبش فيكترا
الفتيس زى ما شوفت كده
شغال بدماغه
و قطع الغيار ضعف قطع غيار الاوكتافيا
متفتحوش الواحد والنبى لحسن انا هفرقع

هو فعلا الفتيس فاشل لانو منزلش في الاسترا الجديده وبعدين حوار تغير الدسك والاسطوانه دا حوار رخم دا الواحد ما بيصدق يخلص من مشاكل المانيوال وقرفو