العربيه مش عوزه تدور

[ashrafnoby]

بسم الله الرحمن الرحيم

الموضوع بختصار ان العربيه امبارح مش عوزه تدور عملت الاتى:
-تحس ان العربيه عوزه تدور
-كشفت على طلمبه البنزين الحمد لله شغاله
-غيرت حساس الكرنك وبرده العربيه مشتغلتش
-كشفت على الاسبيراتير لقيت الكابل الخارج من الموبينه مطلع كهرباء
-اتصلت بطنانى قالى شوف الرشاش اخت الرشاش من العربيه ونضفطه وان شاء الله هركبه اخر النهار لما ارجع من الشغل
-انا مش عارف ايه الاى ممكن ميخليش العربيه تدور لو حد عنده فكره ممكن يقولى ويبقى له جزيل الشكر
-للعلم ان الى الان مرحتش لميكانيكى علشان العربيه فى الجراج وقلت لما انا احاول فيها الاول واسال اهل الخبره
- امبارح اتصلت بفادى بس مردش على يمكن يكون خير او مسمعش الرنه
-عم محمد كتر خيره اتصل بى الساعه 2 علشان يطمن على وعلى العربيه وان شاء الله على اخر النهار ربنا يكرمنى والعربيه تشتغل
- للعلم العربيه فيها بنزين انا لسه مفول
- البطاريه برده كويسه انا لسه شحنها

[mifs]

حضرتك جربت تتأكد ان كابل اي واحد من البوجيهات فيه كهرباء
فك اي كابل من اللي داخلين على البوجيهات وط فيه مفك من جوة وخللي حد يدور وقرب المفك من غطا التاكيهات المفروض يطلع شرارة متقطعة مع الدوارة بغض النظر عن ان كابل الموبينة الخارج فيه كهرباء

[tananybasha]

تصدق ممكن قوى يكون الشاكوش او وش اسبراتير

[haitham2011]

ايه الاخبار ؟

[tananybasha]

باتصل بيه مش بيرد

[Amrgamal1]

والله يا طناني باشا انت بررررررررنس
انا بقالي هنا في قسم الاوبل اسبوع واحد بس من ساعه ما اشتريت العربيه وشوفتلك بوستات كتير
لقيتك بتساعد الناس كدا وبشوف ناس كتير بتقول نستني طناني يرد .. اقل حاجه اقولهالك ربنا يباركلك
وياريت تبعتلي رقمك او ايميلك عشان اخوك لسه جديد في الاوبل

[ashrafnoby]

معلش على التاخير انا امبارح شيلت الرشاش زى مطنانى قالى وعملته بالهواء وركبته والعربيه برده مش عاوزه تدور رحت جبت كهربائى للعربيه وهو واقف فك البوجيهات لقاها كلها بنزين رحت فكيت البوجيهات كلها وفيشه الرشاش ودورت العربيه لقيت كميه بنزين بتخرج من البساتم بالهبل رحت جبت البلاور ونفخت فى كل بستم بالهواء لمده 5 دقائق وبرده العربيه مش عايزه تدور والبطاريه نامت راحت جبت بطاريه بتاعه عربيه زميلى والحمد لله العربيه دارت والحمد لله والعربيه طلعت هباب اسود من الشكمان بالهبل والعربيه دارت لمده 10 دقائق وشيلت البطاريه بتاعت العربيه التانيه والعربيه دارت شويه وفصلت والبطاريه برده بتاعت العربيه مش عاوزه تدورها وانا قولت النهارده هشحن البطاريه ويارب يكون العيب منها بس سوؤال هو ممكن البطاريه متخليش العربيه تدور
-اما البوجيهات انافكيت البوجيهات النهارده لقبت البوجيه الاى جنب الاسبيراتير هو الاى فى بنزين اما التلاته التانيين مفيش بنزين عليها وده بعد ماالعربيه دارت
-اما الاسبيراتير انا ان شاء هفكه النهارده وهكشف على الفحمه والنحاس وهصنفره
-ادعولى اعرف ايه السبب
-انا سالت على الرشاش لقيته ب120 بس انا كنت عايز اشتريه احتياطى بس ممكن الرشاش يبوظ واعرف منين انا باظ

[haitham2011]

يا رب تكون حاجه بسيطه ان شاء الله
لو بيرش رزاز يبقي تمام
لو بيسيل نقط يبقي عليه العوض

[meika]

متابع

[tananybasha]

التسييل ده بيقول ان الرشاش ده بايظ
و للعلم محاولات الدوارة
مع عدم الحرق
يخللى كمية بنزين رهيبة على البساتم

[ashrafnoby]

الحمد لله على كل حاجه انا امبارح اخت العربيه لورشه واحد بتاع اوبل فقط وعمل الاتى :
-غير الرشاش برده العربيه مش عايزه تشتغل
-كشف على الاسبيراتير سليم
-غير الموبينه والمشط والعربيه برده مش عايزه تشتغل
-غير طلمبه البنزين برده العربيه مش عايزه تشتغل
-فك الراداخ الاى فى الكربيراتير وطلع سليم
-فك الشكمان علشان هو قال ممكن علبه البيئه مسدوده تعمل كده وبرده العربيه مش عايزته تنطق
-فى الاخر قال ممكن عمود الكامه يكون مكسور انا فكيت الوش وكشف عليه والحمد لله طلع سليم
-قال اخر حاجه ممكن يكون فى صباب فى العربيه لا ن العربيه لما بدور تحس انها عاكسه تقسيمه ونسيت اقول هو كشف على تقسيمه العربيه والحمد لله طلعت سليمه
-فى اخر حاجه قال ممكن نجرب حساس كرنك من عنده فى الورشه حطه فى العربيه والحمد لله العربيه دارت وصوت الخنقه اختفى بس لمبه التشك كانت منوره قال ده عادى علشان العربيه مرفوعه
-انا ليه ملحوظه انا كنت اشتريت حساس كرنك مستعمل من فتره وركبته فى العربيه وخلعت الاى كان شغال من العربيه قولت اجربه وطلع الحمد لله سليم وعينت الاى كان فى العربيه ولما العربيه وقفت انا شيلت القديم وركبت الاى كان فى العربيه وبرده سبحان الله مشتغلش انا ليه سوال ايه الاى ممكن يبوظ حساسين كرنك مره واحد كده من غير اسباب مع العلم انا اشتريت امبارح بطاريه جديده ا
-انا امبارح كنت هتجنن من الحساسين يبوظه مره واحده كده وسالت على الحساس ملقيتش واحد سليم وكله الفيشه مكسوره وبكام ب200 جنيه قولت هسال فى التوكيل واريح دماغى واتصلت بواحد فى التوكيل الصبح قالى الساعه 11 الصبح هيقولى الاسعار بتاعه الحساس وربنا يسهل ويكون فى الحنين

[haitham2011]

الحمد لله انك وصلت للسبب

[ashrafnoby]

انا النهارده اتصلت بسرور قالى ب325 جنيه وفى عواد قالى ب280 انجليزى انا عيزكو تتخيلوا ان حساس الكرنك ده بيتباع فى انجلتر ب 18 استرلينى اى بما يعادل 150 جنيه وللعلم الحاجه هناك اكيد اصلى مش صينى مضروب

[tananybasha]

طيب قررت ايه

[ashrafnoby]

عم محمد انا قررت انزل مصر وفعلا انا ركبت الساعه 5 مساء وحتى انا اتصلت بيك بس التليفون كان مغلق وكنت نازل عند عواد وهو قالى ممكن اجيبوهولك بس انت لما تجيى مصر وسبحان الله انا وفى العربيه مع واحد زميلى وسمعنى وانا بتكلم فى التليفون ان حساس الكرنك بايظ راح مدينى عنوان واحد بتاع اوبل فى جسر السويس اسمه عادل وكمان ادانى رقم التليفون وبدلا من انزل وسط البلد نزلت فى جسر السويس عند عمارات الشرطه على الطريق والمحل اسمه عادل جبت الحساس من عنده على توصيه ب230 جنيه وهو برازيلى وماركه محترمه اسمها سيمسنس وهو قالى انا ببيعه ب280 جنيه وان شاء الله هركبه النهارده وابقى ابلغكم الاخبار
- بس انا لى ملحوظه ايه ممكن يخلى الحساس ده يبوظ هل لو الكهرباء فيها مشكله ممكن تبوظه ولا ده عمر افتراضى