سؤال عن نور العداد بتاع

[EL_GAZAR]

عايز اعرف نوع اللمبات بتاعت عداد byd وشكلها وثمنها

[tananybasha]

ليدات
بس معرفشى تمنها
بس الليد بملاليم يعنى

[EL_GAZAR]

شكرا ياطناني باشا
اناكنت عايز اسئلك علي حاجه اذا سمحتلي
انا عندي العربيه في الجزء بتاع حزام الامان اللي جنب فرامل اليد متوصل سلك في الجزئين يعني المفروض ان في لمبه في العداد للحزام بس لما فكيت العداد النهارده لقيت في علامه للحزام ولما فكيت العداد نفسه من جوه لقيت الخانه اللي فيها اللمبه بتاعه الحزام هي المفروض ليدات بس لقيتها فاضيه مافيهاش لمبه وabs ليها لمبه وموجوده في العداد مع العلم انها مابتنورش فليه مش موجود لمبه للحزام واسف علي الاطاله وهل ينفع اركب الليدات اللي حضرتك قولت عليها عني في العداد وهل اقدر اركبها بنفسي ولا لأ وشكرا علي رد حضرتك وانا بكتب الموضوع كنت متأكد ان حضرتك من اول المحترمين اللي هيردوا وفي طلبات كتير عايز رأي حضرتك فيها بس هاجهزهم النهارده واقولهم مره واحده

[zendo]

متابع++++

[phone]

الاوبل مفهوش لمبة للحزام و بالنسبة للمبة abs فشيك علي اللمبة ممكن تكون محروقة و اي لمبة تقدر تركبة بنفسك اللمبة اوسرام بالكعب بتاعها ب10 جنيه

[EL_GAZAR]

انا وضبت لك كل حاجه ياطناني باشا
الحكايه من اولها انا اشتريت العربيه من سنتان وماكشفتش عليها عند اي حد لان ماكانش فيها حاجه غريبه ولا اي ميكانيكي شفها حتي ختها كده بالبركه ومن ساعتها ماعملتش فيها حاجه الا تغير الزيت مرتين لاني مش بستخدمها كتير وبعد سنه لاقيت في تسريب من عند الكرتيره فروحت لميكانيكي قالي ده جوان الكارتيره وايل سيل كوبلن يميين قلي هاتلي الاويل سيل و الجوان هنخلي واحد يعمله ب20 قلت ماشي جبت الاويل سيل وروحتله قعد يفك ساعتين وبعد كده الصدمه لاقيت الجوان حديد وكوتش قالي لازم تجيب جوان وكان ساعتها ايام الثوره وكانت الساعه 4 وكان حظر التجول هايبدأ وقالي ماشي هركب نفس الجوان وهحط سليكون حراري ماشي ياعم المهم بعد شهر لقيته انيل من الاول وشويه جوان غطاء التاكيهات روحت اشتريت الجوانين وركبتهم بايدي الحمد لله وكويسين (لان انا من النوع اللي بيحب يعمل كل حاجه بايده جدا بعد ماشوفت العك بتاع الميكانيكي ) وبعد كده قولت اروح اشوف العفشه قالي هظبط علبه الدريكسيون وهتشتري جلبتين ميزان وجلب مقصات المهم كلفت 900 وبعد كده البطاريه باظت وغيرتها لسه جايب لها طقم بوجيهات بوش بس انا ماغيرتش حاجه تاني خالص ولا حتي فلتر الزيت ولا البنزين ولا الهوا
دلوقتي انا هقول شكويتي
1 قاعده الفتيس اللي قدام بايظه تماما كما لوكانت مش موجوده
2 العربيه بحس ان سحبها تعبان جدا جدا وحتي بعد تغير البوجيهات
3 العربيه وهي شغاله بلاقي الموتور بيترعش جدا وهي متموره وبيتظبط لما ازود بنزين درجه لا تذكر
4 لما بدورها بتدور بسرعه عادي مافيش مشاكل ولن لما اكبس بنزين للاخر تحس انها بتتخنق هي الدوسه بتعلي لكن مش بسرعه مع الكبسه السريعه وطبعا مع الخنقه الموتور يهتز جدا او هنقول بيتحرك
5 هل عدم تغيير الفلاتر يعمل حاجه من الحاجات دي
6 غير الزيت اللي عند الشداد اللي عملت فيه موضوع قبل كده وهل الشداد له علاقه بالحاجات اللي فاتت
المشكله اني بحس ان سحبها ضعيف بمعني اني لما اشتريتها كان في كوبري عندنا لما بطلعه وانا عند سرعه 80 بكون علي الغيار التالت ومبباش حاسس بصوت الموتور لكن دلوقتي ببقي علي الرابع وبرضوا80 وحاسس بصوت الموتور كانت في الاول الغيار بيجيب السرعه اللي انا عايزه او اللي يرضيني وبجيب اللي بعده لكن دلوقتي باقيت ازهق لدرجه اني بحس من صوت الموتور اني بقرص عليه مع العلم اني بمشي علي الاول لحد 20 والتاني لحد 40 والتالت سعات بقرص اوي وبيجيب معايا70 والرابع اخره 95 والخامس انا بجيب لحد130 وممكن ازود بس انا كفايه عليا كده
واسف جدا علي الاطاله ياطناني باشا

[EL_GAZAR]

الف شكر يارجال الاوبل المحترميين
بس يا استاذ phone انا عربيتي استرا 2000 والمفروض ان مافيهاش abs بس هي علي كلام اخ فاضل هنا هي مواصفات اوروبي فممكن يكون فيها لمبه للحزام والا ماكنوش عملو الرسمه بتاعته في العداد وماكنوش عملو عندي انا السلك اللي في قفل الحزام وواضح قوي انه سلك للحزام
وياريت ياجماعه حد يفهمني الحاجات اللي عندي ده ايه ويحاول يحلها بارك الله لكل من لا يبخل علي اخيه بمعلومه وخصوصا الاستاذ طناني باشا وانا مستني رايه ضروري لاني بثق فيه جدا لانه الحاجه اللي عارفها مابيبخلش بيها علي حد واللي مش عارفها بيقول ماعرفش وده (ما اكثرها طبعا) لا طبعا ده راجل والله كله زوق وادب والله يجزيه خير في الدنيا والاخره ان شاء الله
وانا اسف مره تانيه علي الاطاله

[caboo_1]

هلا يا ريس بيك معانا ..فكرتنى لما جبت العربية سألأت نفس الاسئلة والرد هو
1- بالنسبة للمبة الحزام اللى فى العداد....... فعلا الاسترا جى اللى هى ( الالمانى-البرازيلى) مفهاش فعلا ليد للمبة وسيبين مكانها فاضى
2- بالنسبة للسلك اللى داخل الى الحزام ده لوك كهربى بيشتغل مع الاير باج لاقدر الله لو فى حادثة بيقفل عشان الحزام ميفلتش من مكانه يعنى بيثت الحزام فى اللوك
3- بالنسبة للمبة ال abs ..... العدادات عموما بتبقى استاندر فى العربيات فلو عندك abs كانت هتنور زى عندى مثلا بدليل هتلاقى بعض اللمض مش بتنور وده ترجع لان بيبقى اوبشن مش موجود فى العربية
4- بالنسة للمض العدادات.... اجبلك من الاخر عشان متحترش انا دورت زيك كدة بالظبط على ليد ابيض وكانت النتيجة ان الليدات بتاعتنا ليها كعب مش موجود عند اغلب بتوع الاكسسوار ولو لقيتة بيبوظ بسرعة جدا لان التيار اللى داخل الى الليد ده بيبقى عالى جداا ...والحل تركيب ورق عداد اسبور بس ده عامل 220 جند اه هو غالى بس شكله تحفة

هلا بيك معانا فى العصابة

[phone]

بالنسبة لموضوع الحزام فمعايا فيكترا و فيها نفس الفكرة للحزام بس هي مش بتنزل لا بلمبة للحزام لا بلمبة للابواب
اخوك د/محمد

[EL_GAZAR]

هلا يا ريس بيك معانا ..فكرتنى لما جبت العربية سألأت نفس الاسئلة والرد هو
1- بالنسبة للمبة الحزام اللى فى العداد....... فعلا الاسترا جى اللى هى ( الالمانى-البرازيلى) مفهاش فعلا ليد للمبة وسيبين مكانها فاضى
2- بالنسبة للسلك اللى داخل الى الحزام ده لوك كهربى بيشتغل مع الاير باج لاقدر الله لو فى حادثة بيقفل عشان الحزام ميفلتش من مكانه يعنى بيثت الحزام فى اللوك
3- بالنسبة للمبة ال abs ..... العدادات عموما بتبقى استاندر فى العربيات فلو عندك abs كانت هتنور زى عندى مثلا بدليل هتلاقى بعض اللمض مش بتنور وده ترجع لان بيبقى اوبشن مش موجود فى العربية
4- بالنسة للمض العدادات.... اجبلك من الاخر عشان متحترش انا دورت زيك كدة بالظبط على ليد ابيض وكانت النتيجة ان الليدات بتاعتنا ليها كعب مش موجود عند اغلب بتوع الاكسسوار ولو لقيتة بيبوظ بسرعة جدا لان التيار اللى داخل الى الليد ده بيبقى عالى جداا ...والحل تركيب ورق عداد اسبور بس ده عامل 220 جند اه هو غالى بس شكله تحفة

هلا بيك معانا فى العصابة

بالنسبة لموضوع الحزام فمعايا فيكترا و فيها نفس الفكرة للحزام بس هي مش بتنزل لا بلمبة للحزام لا بلمبة للابواب
اخوك د/محمد

الف شكر ليك يا د/ محمد علي رد حضرتك وتفصيل الاستاذ كابو للامور
وياريت لوحد يقدر يفيدني في الرغي الكتيير اوي (وانا اسف علي الاطاله لاني عارف اني رخمت اوي)اللي فات وبردوا مستني العبقري طناني باشا

[tananybasha]

يا باشا لا عبقرى و لا حاجة
انت بتتكلم فى عيب حاجة من تلاته و بيعمل 3 عيوب انت ذكرتهم ( خنقه - رجرجه - سحب )
1. ماف العربية
2. حساس شكمان
3. علبه بيئة مسدوده
ده بالنسبة للسحب
-- العربية مفيهاش ايه بى اس و لا لمبة حزام و لا ابواب
-- العداد بينزل فيه كل حاجة تتخيلها فى الدنيا
-- معروف ان الأوبل مينفعشى يتعغملها جوان كرتيره عشان حديد و عليه صبة كاوتش
--- قاعدة الفتيس بايظة تعتقد هيبقى ليها حل غير التغيير و متجبيهاش جديده هاتها استيراد او اصلى من التوكيل و ما تتخضش من سعرها هناك
--- الفلاتر خاصة الهوا و البنزين فى جو مصر و حالة البنزين اللى عندنا لازم يتنضف فلتر الهوا باستمرا و تغير الأتنين بعد 10000 كم حفاظاً على الموتور

- المهم السؤال اللى جاى
---- عندك اى رجه فى الطلعه
لأن احد اسباب ضعف السحب المعروفه بس تكون مقترنه برجة فى الطلعه بتاعت العربية بعيداً عن ما تم ذكرة بعالية
يكون اسطوانة الدبرياج تعبت

[EL_GAZAR]

مش بقول لحضرتك عبقري
هو فيه رجه في الطلعه بس لو زودت بنزين سنه خفيفه مابتظهرش بس انا لو وديتها لاي ميكانيكي يقدر يعرف ان الدسك والاسطوانه فيها حاجه ولا لأ وهل الديسك والاسطوانه ينفع يتصلحوا لاني خايف اوي يكون منهم
وياريت تقلي اقدر اعرف الحاجات اللي حضرتك قلت عليها ده بايظه ازاي وشكرا علي اجوبه حضرتك

[EL_GAZAR]

وياريت ياباشا تقلي فين اماكن الحاجات دي وازاي اختبرهم
وجزاكم الله خيرا

[sniperwolf]

منصور ماشاء الله بالانا بالموتور ال 1200 دة

[caboo_1]

لو عايز استراد
يبقى فى الحرفيين .... هانى العايدى والمتحدة
لو فى فيصل يبقى احمد اوبل وهانى اوبل وايهاب
لو فى الوكالة يبقى محمد سوسو

الجديد
الحرفيين... الوطنية
صقر قريش... محمد ربيع