المشكله التى عجز الجميع عن حلها

[KHALED AYMAN]

سلام عليكم
طبعا انا مبعملش موضوع الا اذا كان مشكله رخمه و غبيه و دايما ملهاش حل
دلوقتى انا من فتره كبيره كنت بشتكى ان دواسه الفرامل تقيله لما بدوس عليها (بتزق رجلى) و الفرامل ضعيفه ..العربيه بتتحدف كده و انا مفرمل
التوكيل طبعا قالى سوق على مهلك سوق خلى الدنيا تروق
احمد سعيد الى فى مدينه نصر قالى ماستر فرامل عمومى ..بدون دخول فى تفاصيل قله ضمير كتير منه ..
غيرت الماستر ..
جرب يا حاج
هووووووب
العجله الى ورا شمال بتقفش ..تدريجى ..لحد ما تقفش خالص ..شيلنا الماستر الجديد حطينا القديم ..نفس الحوار
بعد ما عمل هو و الى عنده بعض عروض الباليه و فقره الساحر و جابو القرد بتاع شومبونجو ..تم حل المشكله "عن غير قصد منهم" قعدو يلعبو و يفكو و يركبو خلاص مبقتش تقفش
الفرامل قويه جداااااااا
لكككككككككككن و دى المشكله
العربيه و هى واقفه دواسه الفرامل خفيفه جدااااااااااا طيب شيلنا الجديد حطينا القديم برده الدواسه خفييييييييييييييييييفه
تحس ان الدواسه مش متركبه ع الماستر اصلا !!
بصابع رجلى الصغير بجيب الدواسه لاخر نقطه فيها بكل سهوله
من الاخر تحس ان الدواسه فاضيه !
مجرد ما العربيه تبدأ تتحرك
الدواسه بيرجع ليها التقل الطبيعى بتاعها ..زى اى عربيه
قالى اصل الماستر هيطبع و بتاع
فات 15 الف كم و ما زالت المشكله قائمه !
انا مش بشتكى من اى ضعف او تقصير فى اداء الفرامل
لكن و هى واقفه الدواسه خفيييييييييييييييييييييييييييييييييييييييفه بشكل يخض !
التوكيل
تقريبا المهندس كان بيقرا كتاب لسقراط قبلها
قالى ...همممم طالما انت بتقول غيرت ماستر و حصلت المشكله دى ...
يبقى غير الماستر بواحد تانى :)
روحت لميكانيكى فتاى كده هنا ..اسطوره المحله فى الاسكودا و البى ام و المرسيدس (تطلع من عنده على التوكيل على طول ايده فيها البركه)
طبعا معرفش يحدد العيب
سمعنى مقطوعه موسيقيه من الشكر فى الاسكودا و الذم فى الاوبل (طبعا انا مش محتاج لمثل هذه المقطوعات ..انا حافظها)
روحت لواحد قريبى فى طنطا ..اسطووووووووره فى عالم السيارات ..بس عشان تصلح عربيتك عنده يشترط تكون عامله حادثه قبل كده ..كنت زبون عنده بالاوكتافيا بعد الحادثه
المهم ...معرفش المشكله و الموضوع قلب بسندوتشات فول و طعميه ..وواحشنى يا كبير و صباحك فل ..و الحاج عامل ايه ..و مستفدتش منه فى حاجه
طبعا قولت اشغل دماغى ..
فكرت كتييييييير
ولقيت ان الحل
انى اشيل البطاريه
وافك العجل
وارفع العربيه فى الجراج
واجيب لانسر بومه 1600 اوتو ايرباج و ايه بى اس

[tananybasha]

كان عندى نفس العيب والله العظيم
هو هو
و طلع الماستر العمومى
و اللى فى السوق مضروب
و عملتله طقن اصلاح
و بقى على الشعره

[Moe86]

ياااه, فعلا قصة كلها عبر و مواعظ

[KHALED AYMAN]

كان عندى نفس العيب والله العظيم
هو هو
و طلع الماستر العمومى
و اللى فى السوق مضروب
و عملتله طقن اصلاح
و بقى على الشعره

طيب انا جايبه من التوكيل
و ليه عملت نفس المشكله لما ركبت الماستر القديم بتاع بلادها ؟
هو طقم الاصلاح بقى عشان ابقى عامل حسابى :)

ياااه, فعلا قصة كلها عبر و مواعظ

اى خدمه :)

[HASSAN SERRY]

يا خالد ارحمنا من الحوارات الغريبة بتعتك

[KHALED AYMAN]

امال اقرفكو ازاى يا عم ؟؟
ده انا مش بتكلم عن صوت كده سامعه من الموتور
و حركه كده فى العفشه
وحوار كده فى الباور
و حركه كده فى المرايات
و موضوع كده فى الرفرفين الى ورا
انا الى مخلينى متمسك بالعربيه و عندى اصرار انى اصلح كل ما يمكن اصلاحه حاجه واحده طنانى عارفها ..وكتير عارفينها
لولا كده وراس جدى كان زمانها متباعه من زمان

[tananybasha]

من غير ما تحلف براس جدك
انا عارف و معظم القدام عارفين انت متمسك بيها ليه
طقم الأصلاح ده عباره عن كام كاوتشة بس بفلوس
جلد عامل زى جلد الأنابيب

[KHALED AYMAN]

من غير ما تحلف براس جدك
انا عارف و معظم القدام عارفين انت متمسك بيها ليه
طقم الأصلاح ده عباره عن كام كاوتشة بس بفلوس
جلد عامل زى جلد الأنابيب

طيب لا مؤاخذه يا كبير ..
ممكن شرح مبسط (مناسب لمستوى عقلى) عن اسباب المشكله
و هل لازم اعملها ؟
انا الموضوع مش مزعلنى اوى يعنى
لان بفرمل من ال 200 و العربيه بتقف زى لعبه نيد فور سبيد بالظبط :)

[tareksakr]

العيب في الخرطوم اللي بين السيرفو والموتور بيبقي فيه بلف بيمنع رجوع الهوا من السيرفو تاني لو البلف ده باظ بيخلي الدواسه فاضية عشان ما فيش ظغط هوا وبرضه شيك علي السيرفو

[ahmed_mido1889]

معلش اعذرني اذا كنت انا غبي

بتبقي الفرامل خفيفه وهي واقفه شغاله والا مبطله
معلش وضح

علشان في فرق

وبالنسبه لطقم الاصلاح ده بيبقي عباره عن كاوتش جلد وبستم وسوسته وتيله

ده الي شوفته في طقم اصلاح اللانوس

[KHALED AYMAN]

العيب في الخرطوم اللي بين السيرفو والموتور بيبقي فيه بلف بيمنع رجوع الهوا من السيرفو تاني لو البلف ده باظ بيخلي الدواسه فاضية عشان ما فيش ظغط هوا وبرضه شيك علي السيرفو

طيب مش مفروض كده المشكله تبقى حتى وانا ماشى ؟؟
و ازاى اشيك على السيرفو ؟
عند الى غيرلى الماستر كان فى بلف بين الماستر و السيرفو
وكانو محتارين فى طريقه تركيبه
وقعدو يجربو
يركبو فيه ييجى ساعه و نص
ده الى قصدك عليه ؟

[KHALED AYMAN]

معلش اعذرني اذا كنت انا غبي

بتبقي الفرامل خفيفه وهي واقفه شغاله والا مبطله
معلش وضح

علشان في فرق

وبالنسبه لطقم الاصلاح ده بيبقي عباره عن كاوتش جلد وبستم وسوسته وتيله

ده الي شوفته في طقم اصلاح اللانوس

لا و هى شغاله يا باشا
مفيش ادنى مقاومه من الدواسه ..دى اخف من دواسه البنزين !

[ahmed_mido1889]

يبقي كده العيب في السيرفو او المنافولد لو السيرفو بياخد منه

[zizo50001]

ازيك يا خالد عامل اية
الله يكون فى عونك يا عم انت مش بتكتب موضوع غير عن المشاكل اللى عندك
اه صحيح العربية عملة كام كيلو

[Ahmed_lol2007]

بص يا خالد شوف وإتاكد من ان الحاجات دى سليمة
السيرفو وطاقية السيرفو ولو فى خرطوم بيجيب هوا المانيفولد للسيرفو زى الفيكترا b بص عليه وعلى البلف اللى فيه
لو الفرامل ضعيفة معاك (أقصد مش زى الأول) يبقى لازم تتأكد إن الدورة مفيهاش هوا خالص
وجرب ف مرة وإنت بتجرى بس مش أوى يعنى 120 ويكون الطريق فاضى إمسك فرامل مرة واحدة بس من غير ما الabs يشتغل
ومتمكس الطارة جامد يعنى شوفها عايزة تلف ف ناحية معينة (عشان لو فى ماستر فرعى ضعيف) من اللى ورا
وربنا معاك يا عمنا
وبقولك إيه إنت مش عندك إمتحانات ولا إيه وعامل إيه ف المذاكرة