قولولى قبل ما يضحك علياااااااااااااا

[zoka_verna]

ازيكم يا خبراء الاوبل

لو سمحتوا يا جماعة انا عاوز اعرف ضرورى جدا جدا عربية اوبل موديل 2000 ماشية 150000 كيلو 2000 سى سى العربية اتكشف عليها وحالتها حلوة قوى بس رشة برة وفيها مثبت سرعة وسبورت درايف وبها جنوط تعمل كام عشان بجد عاوز اخلص فيها

وياريت اعرف اية عيوب ومزايا العربية دى وموديل 2000 تحديدا

[zoka_verna]

نسيت اقولكوااا انها اوبل فكتـــــــــــــــــــــــــــــــــــــــرا

ونفسى اعرف يعنى اية cdx and gls

وشكرا لكرم اخلاقكم

[Ahmed_lol2007]

ربنا ييسرلك الأمور
GLS دى 1600 سى سى سواء مانيوال أو أوتوماتيك
كمالياتها :
تكييف - باور - 2 زجاج كهربا أمامى بواحدت رفع(فى ال1600 المانيوال لكن الاوتوماتيك مش عارف) مفتاح ريموت - إيموبلايزر - abs - مسندين للراس ف الكنبة الخلفية ومسند يد بردة ف الكنبة الخلفية ........ دة اللى أنا فاكره
CD بتبقى 2000 سى سى أوتوماتيك
بيبتقى زيادة عن ال gls ب 4 زجاج كهربا ب4 وحدات رفع - مسند راس للراكب اللى ف النص ورا - نور إستوب على الزجاج الخلفى - طنابير ورا سكاكين - مرايات كهربا ............. بردة دة اللى فاكرة
CDX دى أعلى فئة ف الأوبل فيكترا وبتزيد كمالياتها عن ال CD
مرايات ضم كهربا - طارة مالتى - Cd Changer -أيرباجز - تراكشن كنترول - وأحيانا فتحة سقف - شاشة أعطال - كمبيوتر رحلات .............. دة اللى أنا فاكره

حالة العربية هيا اللى تحكم على سعرها لو حالتها نضيفة تبقى أغلى شوية وعموما أنا مش هقدر افيدك ف السعر لان الاسعار متفاوتة وكل واحد بيقدر عربيته بوجهة نظره
وإن شاء الله الشباب يفيدوك بموضوع السعر .......................
وربنا ييسرلك الحال مرة تانية

[zoka_verna]

شكرا جدا جدا استاذ احمد لردك وتقديرك بس حضرتك ماقولتليش ايى هيا عيوب ومميزات هذا الموديل وعاوز اعرف ازاى بشغل مثبت السرعة بتاع الاوبل

ويعنى مافهاش حاجة لو قلتلى حتى سعر تقريبى بالنسبة للوصف الى قولتى لحضرتك

ومتشكر ليك يا كبير

[Ahmed_lol2007]

ياباشا تحت أمر حضرتك
بالنسبة لموديل 2000 لحد 2003 بتنزل بموتور 2 كامة 136 حصان الموتور قوته كويسة جدا عيبه كترة الحساسات لكن لو محافظ على العربية مش هتشتكى منها - وكمان التكييف بتاعها مش زى اليابانى هو حلو بس مش ممتاز - العربية لازم تتجاب وتكن حالتها ممتازة لان لو مش أد كدة يبقى هتبيع اللى قدامك واللى وراك عشان تظبطها - قطع الغيار أغلى من الكورى واليابانى اللى ف نفس الفئة السعرية ولكن معمرة أكتر بكتير - العربية عايزة عناية وساعتها هتتبسط منها اوى
بالنسبة بقى للمميزات صاج قوى - فرامل ممتازة و abs ممتاز - طبعا ثبات منتهى الروعة - عربية عمرها ما هتحرجك أبدا لو حبيت تشد مع اى حد - الباور بتاعها كويس جدا على السرعات - قطع غيارها معمرة زى ما قولت لحضرتك
دى الحاجات اللى أنا قادر أجمعها ............................................ معلش عشان بمتحن فخلاص حاسس إن مخى إتلحس
بالنسبة لمثبت السرعة مكنش موجود عندى عشان كدة مش هقدر أفيد حضرتك
أما بقى السعر يتوقف على الحالة العامة للعربية من عفشة لموتور لفيتيس لحالة خارجبة والكماليات شغالة ولالأ وكدة يعنى
السعر من 50 الى 60 حسب الحالة
أنا عربيتى 98 بعتها من فترة ب 53000 أنا كنت طالب 55000 بس كنت مستعجل
بالمناسبة لو العربية التكييف بتاعها بايظ متاخدهاش الا والتكييف متصلح وشغال والراجل يحاسب على تصليحه لإن تصليحه مكلف جدا ولو مش وافق يبقى بلاش منها والفيتيس الأوتوماتيك تتأكد إن النقل بتاعها مظبوط والغيار بيجى من غير رزعة والكيك داون شغال كويس يعنى لما تعمل كيك داون هتلاقى العربية نطت بيك وطارت والنظام الرياضى بردة تتأكد إن الغيارات بتنقل من غير رزعة
ولو محتاج حاجة تحت أمرك

[tananybasha]

طيب سيب لينا كلمتين نقولهم يا عم احمد

[caboo_1]

مشاء الله احمد قام بالواجب

[zoka_verna]

مش هاعرف اقول حاجة الى ربنا يكرمك يا باشا والهى ويوفقق فى امتحناتك بس التكيف فعلا قا لولى انو عاوز يتشحن لان هو شغال بس مش قوى فهل ابوظ البيعة لو كان عاوز يتشحن بس ولا اعمل اية


ونفسى اعرف يا جماعة مثبت السرعة استخدموا ازاى