اسوأ ما فى الاوبل فيكترا

[EGMIDO]

اسوأ ما فى الاوبل فيكترا هو دورة التبريد والتكيف لان العربية بتسخن جدا (دى طبيعتها)
وعشان كدة دورة التبريد بتستهلك بسرعة وانا عارف ان الالمان مش اغبية وان هما عاملين حسابهم ان العربية تتحمل الحرارة العالية لكن دة عيب لا يمكن انكارة

[ENG\AHMED]

اسوأ ما فى الاوبل فيكترا هو دورة التبريد والتكيف لان العربية بتسخن جدا (دى طبيعتها)
وعشان كدة دورة التبريد بتستهلك بسرعة وانا عارف ان الالمان مش اغبية وان هما عاملين حسابهم ان العربية تتحمل الحرارة العالية لكن دة عيب لا يمكن انكارة

اهتم بصيانة العربية ومش اى حد يمد ايدة فيها ويفتى وقطع غيار اصلية ومش هتلاقى اى مشاكل
وزى ماقلت الالمان مش اغبية

[M.Mokhtar]

اسوأ ما فى الاوبل فيكترا هو دورة التبريد والتكيف لان العربية بتسخن جدا (دى طبيعتها)
وعشان كدة دورة التبريد بتستهلك بسرعة وانا عارف ان الالمان مش اغبية وان هما عاملين حسابهم ان العربية تتحمل الحرارة العالية لكن دة عيب لا يمكن انكارة

هى مش دى طبيعه الفكترا
بس لو حصل لعب او حاجة باظت فى دوره التبريد او التكييف مش بيرجع زى الاول عشان اغلب اللى بيفتوا ويحاولوا يصلحوا مش فاهمين حاجة
وزى ما نونيم قال لو مواظب على الصيانه وعلى قطع الغيار الاصليه مش هتحس بالمشكله دى خالص
انا عندى تكييف الفابريكه وبشحنه كل فين وفين التكييف عندى تلاجه حتى فى عز الصيف والزحمه ولا العربيه بتسخن ولا حاجة

على فكره اغلب الفكترا اللى بتسخن بيكون فيها مشكله فى دوره التبريد عشان المفروض بتشتغل بضغط الهوا يعنى لو فى اى تسريب للهواء فى دوره التبريد او الدوره نفسها فيها هواء (فتحت مثلا طرمبة المياه والموتور سخن) العربيه هتسخن منك

[danash]

كلام معظم الأعضاء صح بص على المروحة مفروض إنها تشتغل عند درجة حرارة تقريبا 90 درجة أو أعلى المسألة بسيطةممكن الترموستات الخاص بالحرارة عايز يتغير بواحد يشتغل مع درجة حرارة أقل أو عايز يتغير من أصله ومش غالى حتلاقى المشوار كله بخمسين جنية وتحمى الموتور من الحرارة العالية أى واحد كهربائى مش لازم متخصص قوى يخلصلك الموضوع
دنش

[ENG\AHMED]

مشكلة الفكترا ان فى ناس بتستخسر فى قطع الغيار وبتدى العربية لأى ميكانيكى يعك ويدعبس فيها والعربية مش بتاعت الكلام دة
ومااشاء الله المصريين اجدع ناس يعملوا اشاعات ويهموا الناس ولو حبوا عربية يطلعوها السما حتى لو عربية اى كلام ولو غضبوا على عربية يخسفوا بيها الارض :)

انا مش قصدى عليك يا EGMIDO :) بس هو فعلا الكلام دة منتشر اوى وسمعتة كتييير وبالذات من التجار ..بس دور ورا الى عربية فى منها شكاوى كتير هتلاقيها فيها مشكلة و مش متحافظ عليها ومتيهدلة

[Ahmad Allawy]

والله يا جماعه انا معنديش كلام اقوله..
عشان انا مش من ملاك الفيكترا اساسا.. :)
واهم من كده اني مش من ملاك التكييفات لسة وده الاهم.. :) :) :)
لما اركبه بعون الله (دعواتكم كده..) اكيد هاقولكم نتايج التجربة لحظة بلحظة..

[ENG\AHMED]

على فكرة الفكترا فيها مروحتين كل مروحة سرعتين فاستحالة تسخن اللا لو العربية فيها حاجة غلط الرادياتير مفهوش مية مثلا
كمان لما بتشغل التكييف المروحتين بيشتغلوا حتى لو باردة يعنى استحالة التكييف هيسخنها بالعكس العربية بتبرد لما بتشغل التكييف

[abdelaziz-waleed]

انا مرة كنت في توكيل مقار وكان في لوحة مكتوب عليها ان في حاجات بتحصل في الاوبل والمفروض اننا ما نقلقشي منها.
من الحاجات ديه ان درجة حرارة الوبل ممكن توصل ل 97 درجة وده طبيعي جدا وبرده صوت الصفير اللي بيخرج من تيل الفرامل.
مع اول زيارة ليا هناك ان شاء الله هانقل كل الحاجات ديه واكتبلهالكم هنا ان شاء الله
انا اول ما اشتريت العربية كانت فعلا درجة الحرارة بتوصل ل 100 كمان فإضطريت اني اغير الترموستات بواحد تاني اقل في درجة التشغيل
القديم كان 100/95 يعني السرعة الاولى على 95 والسرعة التانية الاعلى على 100
الجديد وكان تمنه 90 جنيه من سنة تقريبا درجة تشغيله 90/95

[ENG\AHMED]

هى فعلا الفيكترا لحد 98 دة عادى متعتبرش سخنة بس دة مش الطبيعى بتاعها اقصى حاجة لو الجو مولع ومن غير تكببف 90 او 92 لو المية نقصة وواقف انما التكييف بيبردها زى ماقلب قبل كدة
انما التيل دة اللى مش فاهمة وكل الفيكترا كدة

[M.Mokhtar]

انا اول ما اشتريت العربية كانت فعلا درجة الحرارة بتوصل ل 100 كمان فإضطريت اني اغير الترموستات بواحد تاني اقل في درجة التشغيل
القديم كان 100/95 يعني السرعة الاولى على 95 والسرعة التانية الاعلى على 100
الجديد وكان تمنه 90 جنيه من سنة تقريبا درجة تشغيله 90/95

انا اللى عندى شغال 90/95 واعتقد ده احسن كتيير عشان بيلحق الموتور قبل ما يسخن اوى

[ابوشريف]

انا اعرف ان عيب السخونه ده فى الاسترا مش فى الفيكترا

وده لسبب ان الاسترا المانى ومصممه للأجواء الاوربيه

انما الفيكترا التجميع المصرى مسمعتش عن حد اشتكى من السخونه فيها

[EGMIDO]

هى فعلا العربية بتوصل عند 95 لكن سحبها بيقل حاجة بسيطة مش اى حد يحس بيها الا اذاكان متعود عليها

[mohamed ibiza]

سمعت عن الموضوع ده في الفيكترا كتير بس الالمان برضه اكيد عاملين حسابهم في تحمل الحوار ده

[hesham2004]

على فكرة الفكترا فيها مروحتين كل مروحة سرعتين فاستحالة تسخن اللا لو العربية فيها حاجة غلط الرادياتير مفهوش مية مثلا
كمان لما بتشغل التكييف المروحتين بيشتغلوا حتى لو باردة يعنى استحالة التكييف هيسخنها بالعكس العربية بتبرد لما بتشغل التكييف

الكلام ده صح ، و بالأضافة ان مروحة الريدياتير ( الداخلية ) بتشتغل مع التكييف هيه كمان بسرعتين ، يعنى تبريد غير عادى .
ممكن تكون مشكلة السخونيه من انسداد ريش السربنتينة او الردياتير من التراب ، او ممكن يكون فى هواء فى دورة التبريد ده بيخلى العربية تسخن جدا .
لو كل حاجة طبيعية ، الفكترا عربية اكثر من ممتازة ومش ممكن تسخن ابدا فى الظروف العادية .

[AHMED900]

الكلام ده منطبق على الموديل الحالي برضه؟