إعـــــــلان

Collapse

.

,
See more
See less

تجديد الرخصه

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    تجديد الرخصه

    مساء الجمال عليكم جميعا
    انا عملت بحث في المنتدي علي تجديد الرخصه بس مفهمتش حاجه بصراحه فكنت عايز اعرف كل حاجه عن الموضوع ده
    اولا الرخصه مش بآسمي باسم البايع وانا ماشي بالتوكيل . هي في مرور مدينه نصر وانا مرور فيصل . الترخيص شهر اتنين الي جاي والفحص في ٢٠١٤ ...... ها اعمل اه بقي ؟؟؟؟
    لكل من يرد جزيل الشكر
    الكلمات الدلالية (Tags): الرخصه, تجديد
  • #2
    تانى
    انا للمرة الرابعه و عشان خاطرك هاحكى القصه من الأول
    ======== ملاحظة هامه :
    فى كل المراحل التالية خللى معاك
    ---- صور بطاقتك
    --- صور للرخصه
    --- صور لأى ورق معاك تجيبه
    --- صورة التوكيل
    --- اى ورق تعمله صوره كذا صوره
    --- فلوس فكه خمسات و عشرات و شوية جنيهات لزوم شرا اى اوراق

    1. هتروح الأول المرور اللى فيه العربية تجيب شهادة بيانات للشهر العقارى لو العربية فيكترا عشان بتتكتب تجميع محلى و ده بيوفر عليك نص رسوم الشهر العقارى
    2. و انت فى المرور الأصلى عشان يبقى ضربه واحده تجيب شهادة بيانات لمرور فيصل احتياطى للراذله بتاعت اسوء مرور عاملته فى حياتى لدرجة انه خلانى مغيرشى عنوانى و تجيب شهادة المخالفات ( مدتها 15 يوم )
    3. تطلع على اى شهر عقارى فيه تسجيل عقود عربيات و لو انت تبع فيصل لو عارف بتاع الشرطه العسكرية اللى على ناصية ومبى لو دخت و لقيته رايق يبقى خلصت و الحمد لله مكنشى يبقى عندك شهر عقارى الجيزة او الأهرام اللى فى الدقى
    4. تعمل عقد مسجل باسمك و تمضى مشترى ( كده ليك شهر تنقل الملكية فى المرور )
    5. تروح على مرور فيصل و انت داخل تجيب معاك دوسيه فاضى ورق بس
    6. تخش على شباك الخزنه و تشترى ورق تجديد و فحص و نقل ملكيه و متملش حاجة فيه خالص و شوف هتجدد كام سنه
    7. تطلع و معاك صور لكل الورق و تعمل التأمين الأجبارى الأول و تخليه معاك
    8. المأساه الفحص الفنى --- قبل ما تخش خد تأشيرة رئيس الوحده على الورق او الظابط اللى قاعد ---- هتخش هيطلعلك القطط الفطسانه و ده عادى المهندس تروح مطلع اللى انت شايفه حسب الموقف و تظبط اللى هياخد بصمة الشاسيه و الموتور بشلن عشان ياخدها بذمه
    9. بتاع الطفاية هيطلعهالك شرك و هيقولك طفاية جديده عايز تشترى براحتك مش عايز يبقى فيها من بريزة ل 15 ل 20 جنيه
    10. تفك النمر و تركن العربية ورا المرور او فى حته حلوه على ترعه الزمر و ارجع للمرور ماشى
    10 . ربنا كرمك و قول يارب يبقى هتخش على الشبابيك و تدى ورقك للموظف هتلاقى شباك مكتوب عليه نقل ملكية و تجديد متخشش غير عليه و تدى الورق للموظف و انت و نظرتك غتت هتبقى ريال شكله جدع يبقى بريزه
    11 . تسلم الورق هيديك ورقه مطبوعه مكتوب فيها الرسوم و الدمغات و تأمين اللوحات و رفاهية و راديو و غسيل عربية و ارحمنا بقى و تروح تدفع فى الخزنه اللى جبت منها الورق
    12. ترجع للشباك هياخد الوصل و يديك ورقه بتاعت تسليم اللوحات و متقولشى مدينهانش فى الأول ليه عشان متتعبشى نفسك و تروح على الشباك تسلم القديمه و هيديك ورقه عشان بتاع اللوحات يطلع الجديده
    13. تاخد رخصتك و لوحاتك و مساميرك لو محدشى طلع معاك يركب و لو طلع حد يبقى فيها شلن تانى يا باشا
    14. تروح تستحمى و تنام يومين بعد الهده دى
    15. تيجى تعمل تقرير مفصل و تقول ايه اللى وقع منى
    [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
    [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
    [CENTER][SIZE=3][COLOR=black]محمد الطنانى[/COLOR][/SIZE][/CENTER]

    Comment

    • #3
      هههههههههههههههههههههههههههههههه
      هههههههههههههههههههههههههههههههه
      تصدق ان انتا هونت عليا خضت الكلام الكتييييييييييير الي هعملو عشان العربيه ... بالطريقه الجميله ده ربنا يكرم يا باشا
      ويخليك لينا يا طناني بيه
      مشكووووووووووووووووووووووووور ....لما هخلص اكيد هقول علي حصل بالتفصيل

      Comment

      • #4
        فى الاسكندرية مفيش رشاوى كتير كدة بتاع رقم الشاسية بس خموسة والموظفين اخرهم ازازة مياة معدنية حجم صغير ههههههههههههههههه
        ابو حمزه

        Comment

        • #5
          فى القاهره ميكفيش نهر النيل
          [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
          [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
          [CENTER][SIZE=3][COLOR=black]محمد الطنانى[/COLOR][/SIZE][/CENTER]

          Comment

          • #6
            المشاركة الأصلية كتبت بواسطة tananybasha مشاهدة المشاركة
            فى القاهره ميكفيش نهر النيل

            ولا أنهار الدنيا كلها

            فكرتنى بشهر 6 /2011
            ده موظف شباك نقل الملكية ابن الــــ........... بعد ماالملف كان كامل فى ايده وفكيت النمر وخلاص جاهز والمفروض إنه يدينى الورق عشان ادفع الضريبة وبس !!! قالى ايه ده هو مفيش شهادة بيانات يا سلاااااام أصله مشفهاش إلا بعد ما فحصت وعملت التأمين والطفاية وكل حاجة...بس أنا قلت وأنا مش فى دماغى إن موظف الشباك ليه فى كده كنت فاكر ان مهندس الفحص والبصمجية والشلة الحلوة دى هم بس اللى بياخدوا اتاينى كنت غلطان

            طبعاً أنا بتكلم على مرور مدينة نصر
            [shfaf2]http://www.4shared.com/photo/OSMnkP0-/531192_371113606267302_1245433.html[/shfaf2]
            Eng Sherief Thabet

            Comment

            • #7
              طيب
              انا ملقاش تجديد كامل عن سنة 98/2000 و كان عايزينى ادفعم
              قلتله ما هى اتجددت باقى السنين
              قاللى و انا اشيل غلطه غيرى ليه
              و لاقهم ب 20 جنيه
              [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
              [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
              [CENTER][SIZE=3][COLOR=black]محمد الطنانى[/COLOR][/SIZE][/CENTER]

              Comment

              • #8
                صباح الورد
                معلش يا جماعه اتاخرت كتير بس غصب عني لاني اصلا خلصت الموضوع بتاع الرخصه ده علي تلت اسابيع عشان الشغل يوم السبت بس هو الي اجازه ومحبتش اتوهكم معايا وقلت اكتب الموضوع كلو علي بعضو لما اخلص عشان الافاده تعم وطبعا طناني باشا تفضل وقال كل حاجه تقؤلش شغال في المرور اصلا اه الروعه ده برنس ياطناني المهم
                مرور مدينه نصر من افضل مرور العلم كله . عملت شهاده بيانات للشهر العقاري وواحده تانيه للمرور الي انتا رايحهه وشهاده مخالفات ودفعت الضريبه لسنه جايه طبعا انتا بتدفع الضريبه لسنوات الترخيص وكان يفضل اني ادفع ضريبه السنوات الي انا هرخصه هناك في مدينه نصر احسن من الزفت فيصل وطبعا بيشوف الملف بتاع العربيه واهم حاجه انك تصور كل حاجه معاك قبل ماتروح زي البطاقه والرخصه والتوكيل الضريبه ٣٧٥ جنيه اوبل ٢٠٠٠ سي سي ٩٨ للسنه الواحده وكل ما تكون العربيه احدث بتزيد الضريبه خت الشهادات وتطلعت علي الشهر العقاري
                متروحش اي شهر عقاري روح علي شهر العقاري الي في مرور بين السريات لان اي شهر عقاري بيقولك معندناش الاستمارات وبتاعه السيارات يبقي ليه الارف اطلع علي المرور عدل وهما هيخلصوك علي طول وهناك بقي سجلت ونقلت ملكيه ومضوني مشتري وليس بائع طبعا كان طناني قايل امضي بايع فسالتهم هناك قالولي لا امضي مشتري عشان تاخد الشهر السماح بتاع الرخصه او لو حتي فيها لسه ممكن تمشي بيها وانما لو بايع يبقي خلاص لانك بتشتري من النفس حاجه زي كده المهم انا قالتلهم الاصح اه وخلاص وخت العقد وطلعت علي مرور فيصل تحت الكوبري
                فيصل المرعب :
                تخش منغير ما تكلم حد ولا بتاع علي الخزنه عدل وتشتري ورق فحص وتجديد علي حسب سنين الترخيص الي انتا عايز تعملو يعني سنه اتنين تقلو عشان استمارات الترخيص كل استماره بسنه بتاع ٣٥ حند كده تاخدهم وتشتري دوسيه تحطهم فيه وماتملاش حاجه وتجري علي الفحص واعمل حسابك في طفايه ١٢١ وشنطه اسعافات ٤٥ ومثلث ٢٠ جنيه وتخش علي الفحص وتعمل الي هما هيقلولك عليه خطوه خطوه يرفع ارقام المتور والشاسيه ويختم الطفايه ويكتب علي شنطه الاسعافات (((((الحقو اعملو الفحص دلوقتي عشان بقو يتكسفو يطلبو فلوس زي زمان انا مدفعتش ولا شلن في الفحص واي حد يلمح بس ازغرلو وقالو تقصد اه ))))))))
                هتاخد الملف الي اتملو بلاوي وتدخل علي المرور اصل انتا مكنتش في المرور كنت بره اصلها الناحيه التانيه هتقول الفحص فين هيشورولك عليه المهم تدخل ومتكلمش حد بردو هتلاقي اكشاك التامين الاجباري نقي اي شركه فيه واديلو الرخصه وقالو عايز تعمل تامين لكااااااام سنه حسب الترخيص الي انتا عايزو سنه اتنين يعني كلو مربوط ببعضوفي (الضريبه والتامين والخزنه ) وتحطه في الملف وتدخل علي اول شباك الي بعد البرجيله الي معموله في النص لما تدخل المرور علي شمالك وتاخد تاشيره هيختم علي الملف بعد مايرجعوا ويكتب رقم الشباك الي انتا تخش عليه تروح علي الشباك وتدي الموظف الملف وطبعا انتا عامل حسابك في صور لكل الورق الي معاك
                انشاء الله ورق يكون تمام هياخد منك الدوسيه ويديك وصل تدفع بيه فلوس النمر الجديده يا معلم هتروح تصور الوصل قبل ماتدفه وتجبلو اربع حافظات واربه مش عارف اه كده ب ٨ جنيه وترجعلو تاني يملا الحافظات ده وهيديك منهم واحده للنمر وياخد الملف بتاعك يابرنس وفي المرحله ده احمد ربنا واشكره وزقطط وهيص يامعلم هتستني بتاع ساعه كده وهتلاقي هاتف بينده عليك في الميكرفون ويديك الرخصه تصورها صورتين والبطاقه صوره وتطلع علي النمر بتاعتك الي في عربيتك تفكهم تدخل بيهم ومعاك الورقه بتاعت النمر والصور علي مبني اللوحات قبل الخزنه علي طول . وتديلو الورقه الي معاك والصور بتاعت الرخصه والبطاقه والنمر وهيديك النمر الجديده بوسهم زي احمد حلمي واحمد ربنا هتدفع ١٠ جند للواد الي هيفكهم ويركب الجديده والسايس هيقولك الحلاوه تديلو ٢ جند هيقولك لا البارك ٣جند ادفع وخد عربيتك وفك يا معلم ومبروووووووووك عليك وعليا النمر الجديده
                سامحوني لو نسيت حاجه اخوكم حسين

                Comment

                • #9
                  الف مبروك
                  و لسه واخد بالى من غلطة بائع و مشترى دى
                  اعذرنى
                  [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                  [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                  [CENTER][SIZE=3][COLOR=black]محمد الطنانى[/COLOR][/SIZE][/CENTER]

                  Comment

                  السابق template التالي
                  Working...
                  X