ها..؟؟ ايه رأيكم في الشعار ده يا رجالة العيلة..؟؟

[nabil246]

الشعار جميل

الشعار جميل . فقط البراويز السوداء تحتاج ان يكون سمكها مرة ونصف قدر السمك الحالى .

[Ahmad Allawy]

تقريباَ كدة يعني حضرتك دلوقتي الحارس الوحيد لقسم الأوبل .. يعني لو حصل غزو للقسم دلوقتي مش هتبقى غلطان ..
و بعدين أنا أوبلاوي برضه لأن أنا بعشق أي حاجة ألماني يعني تلاقيني شغال في الأوبل و الفولكس و مشتقاته و البورشه و البي ام و المرسيدس ..
علشان كدة أنا بعتبر نفسي عضو من أعضاء الأقسام دي ..

حارس وحيد اعزل.. :)
اهلا بيك يا ابو جميد..
انت تعتبر اوبلاوي انتساب..
عضو شرفي يعني..
اهلا بيك في اي وقت..

[Ahmad Allawy]

الشعار جميل . فقط البراويز السوداء تحتاج ان يكون سمكها مرة ونصف قدر السمك الحالى .

شكرا علي رأيك..
بس انا ليا تصور تاني خاااالص عن الموضوع.. (تهريج.. جزء من مسرحية لعبة الست.)
لأ رأيك يحترم طبعا. و مستني رأي باقي الناس و ننفذ في الاخر ان شاء الله..

[nabil246]

ممكن اضيف كمان

ممكن كمان الكتابة تكون بعيدة عن البرواز شوية ، يعنى جزء الكتابة يصغر إلى 80% من حجمة الحالى .
وعلشان الشعار يبقى اكتر وضوحا تخللى اللون إللى جوه كلمة نايل ( العربى والإنجليزى ) ، تخليه بلون مختلف شوية عن لون الخلفية الأزرق ، يعنى ممكن تخليه برتقالى او اصفر مثلا .ومبروك الشعار

[amir_ezzat]

يا باشا اتشرف انى اكون اول واحد من الاوبلاوية اللى اعلق على اللوجو
هو حلو وجميل وزىالعسل علشان منك بس انا متاكد انك تعرف تعمل اجمل من ده
متنساش ان كل الاوبولاية It يعنى عايز حاجة تشرف بدل ما يدخل واحد جرافيك ولا حاجة يخلي منظرنا مش حلو
بس تسلم ايدك يا جميل

[Ahmad Allawy]

ممكن كمان الكتابة تكون بعيدة عن البرواز شوية ، يعنى جزء الكتابة يصغر إلى 80% من حجمة الحالى .
وعلشان الشعار يبقى اكتر وضوحا تخللى اللون إللى جوه كلمة نايل ( العربى والإنجليزى ) ، تخليه بلون مختلف شوية عن لون الخلفية الأزرق ، يعنى ممكن تخليه برتقالى او اصفر مثلا .ومبروك الشعار

كلام جميل.. بس زي ما قولت لحضراتكم محتاجد شوية وقت..
بس هو رأيك جامد جدا.. وخاصة اللون البرتقالي دي هتبقي شديدة قوي..
الله يبارك في سعاتك و الف شكر علي التعليق..

[Ahmad Allawy]

يا باشا اتشرف انى اكون اول واحد من الاوبلاوية اللى اعلق على اللوجو
هو حلو وجميل وزىالعسل علشان منك بس انا متاكد انك تعرف تعمل اجمل من ده
متنساش ان كل الاوبولاية It يعنى عايز حاجة تشرف بدل ما يدخل واحد جرافيك ولا حاجة يخلي منظرنا مش حلو
بس تسلم ايدك يا جميل

واخيرا..
ظهر احد الاوبلاوية.. :) الحمد لله علي السلامة..

انا عارف ان في احسن من كده .. بس الوقت بقي يا باشا.. و الدماغ كمان علي فكرة..
معادتش فاضية و رايقة كده زي زمان..
بس عموما.. لو جه حد اوبلاوي جامد في الجرافيكس.. يبقي قشطة قوي.. اكيد هتبقي في مصلحتنا.. ولا ايه..؟؟!! :)
بس انا كنت فكرت في فكرة تانية للوجو ده..
اني اخلي شعار اوبل العادي.. وا كتب جواه علي الشرطتين اللي طالعين دول نايل موتورز.. بالعربي و الانجليزي.. بس كده عايز الصورة تبقي كبيرة قوي عشان الكتابة تبان..
وفكرت تاني اني اعملها بالانجليزي بس.. هاجربها كده و اشوف التجربة هتنجح ولا..
والف شكر علي اقتراحك يا استاذي..

[FLYINGPEUGEOT]

الله الله ....انتو كمان بتتقابلو ياحمد باشا فى مفابلات سريه منظمه لاعضاء الاوبل بس...ربنا يستر...ومتخلعوش زى بتوع الاسبرانزا...وتعملو سايت لوحدكو
(بهزر طبعا)

مجهود رائع ياباشا...ولوجو اروع

[Ahmad Allawy]

الله الله ....انتو كمان بتتقابلو ياحمد باشا فى مفابلات سريه منظمه لاعضاء الاوبل بس...ربنا يستر...ومتخلعوش زى بتوع الاسبرانزا...وتعملو سايت لوحدكو
(بهزر طبعا)

مجهود رائع ياباشا...ولوجو اروع

لا مش كده يافندم طبعا..
بس عشان احنا مشوفناش بعض قبل كده معظمنا يعني.. فقولنا نعمل مقابلة ما قبل الشهرية بتاعت المنتدي كله..
نشوف و نعرف بعض..
وبعدين احنا نقدر برضه نبعد عن نايز موتورز..
ده ببقي بيت العيلة يا باشا.. انا علي الموقع هنا اكتر ما باقعد مع اصحابي.. :)
وببعدين كنا 3 بس..
مش القانون بيقول تجمهر اكتر من 3 افراد يبقي شغب باين..؟؟ :)
لأ احنا كنا لسة قانوني.. :) :)

[ENG\AHMED]

شوفو كدة الصورتين دول لو حد يعرف يلعب فيهم , بتاعت الشمس دى عاجبانى

[Nader]

here is your logo with full size

[Ahmad Allawy]

شوفو كدة الصورتين دول لو حد يعرف يلعب فيهم , بتاعت الشمس دى عاجبانى

طيب تصدق بقي موضوع الشمس ده اول مرة خد بالي منها..
مع انك حاططها من اول ما دخلت المنتدي هنا تقريبا..
بس فعلا.. تحفة..في منتهي الروعة..
بس انا مش عندي افكار للتظبيط..
شوف كده لو حد عنده اقتراح يقول..

[Ahmad Allawy]

here is your logo with full size

انا شايف اللينك موجوده فعلا في الرسالة و انا باعمل رد..
و بافتحها لوحدها بتفتح..
لكن مش باينة في الر بتاعك..
هل في حد تاني عنده نفس المشكلة ولا انا عندي المشكلة لوحدي..؟؟
الف شكر ليك يا نادر باشا.. تعابينك معانا والله.. معلش استحملنا بقي..

[sa3dawy]

ممكن لو سمحت يعنى اجرب اعملكوو واحد ولا انا عميل تويوتاوى ؟؟؟؟

[Ahmad Allawy]

ممكن لو سمحت يعنى اجرب اعملكوو واحد ولا انا عميل تويوتاوى ؟؟؟؟

انت اخ نايل موتورزاوي قبل ما تكون تويوتاوي يا باشا..
واهلا بيك في اي وقت..