تحذير إلى سكان مدينة نصر

[forget]

إذا كنت من سكان مدينة نصر وتريد استخدام زيت كاسترول فلا تذهب إلى مركز خدمة ويلبرو الموجود بالقرب من السراج مول فى الشارع اللى أدام عمر أفندى بالذات لأنهم وأنا آسف فى الكلمة حرامية

كل الزيوت بيبيعوها بزيادة تقارب 30 جنيه ودى طبعا مش طبيعية أنا دايما لما كنت أغير الزيت ألاقى واحد مثلا مزود 3 أو جنيه هنقول ماشى (بالرغم إنها مش حقه) مش 30 وكمان بقى مصنعية تغيير الزيت جميلة 25 جنيه مش عارف بصراحة على إيه

يعنى أنا غيرت الماجناتيك10آلاف كم اللى المفروض ب 195 هو حسبه ب 220 ولما سألته قالى ده سعره غلى قلت جايز عشان أنا متابعتش سعره من فتره لكنى كلمت كذا فرع واتأكدت من إن السعر ذى ماهو...أنا بس قولت أحذركم عشان محدش يقع فى نفس الخطأ


مش عارف أنتوا ايه رأيكم فى كده

وياريت نخليها هنا قائمة سوداء لتجار الزيوت اللى بيغاالوا فى الأسعار عندهم

[tananybasha]

لو كده فعلاً
يبقوا نصابين مش حرامية
الحرامى اللى يغش السلعه
النصاب يوهمك بجوده او سعر غلط
و شكراً للنصيحه
و ليه غيار الزيت ب 25 جنيه
انا باغير زيت و فلتر فى شل
و طبه مش مكنه شفط
ب 4 جنيه او 5 جنيه

[original]

لو مش عاجبهم يكسبوا بالمعقول يبأا يقفلوا أحسن

[forget]

لو كده فعلاً
يبقوا نصابين مش حرامية
الحرامى اللى يغش السلعه
النصاب يوهمك بجوده او سعر غلط
و شكراً للنصيحه
و ليه غيار الزيت ب 25 جنيه
انا باغير زيت و فلتر فى شل
و طبه مش مكنه شفط
ب 4 جنيه او 5 جنيه

عندك حق فعلاً..... وعلى فكرة أنا بعت ايميل للشركة فى دبى شكوى من الموضوع ده ومش هسيبه... لما اتصلت بفرع تانى بسأل على السعر أتأكد، قالى الادارة هنا فى مصر مش هيعملوا معاه حاجة رحت باعت للشركة فى دبى علطوووول

[loda80]

يا باشا لا دبى ولا قطر دول ناس متعرفش ربنا انا هجبلك من الاخر و ادعيلى وعن تجربه اصحابى غليك وعلى حقوق حمايه المستهلك والله هيبوسوا القدم وياريت فعلا تشتيكيهم لان حرااااام اوى اللى بيحصل ده وهتاخد حقك كمان

[forget]

يا باشا لا دبى ولا قطر دول ناس متعرفش ربنا انا هجبلك من الاخر و ادعيلى وعن تجربه اصحابى غليك وعلى حقوق حمايه المستهلك والله هيبوسوا القدم وياريت فعلا تشتيكيهم لان حرااااام اوى اللى بيحصل ده وهتاخد حقك كمان

طبعاً أشتكيهم ..دى مسألة مبدأ الالتزام بالأسعار المعلنة..للأسف كل واحد هنا فى البلد دى بيبيع على مزاجه فى كل حاجة..ممكن تلاقى محلين جنب بعض بيبيعوا نفس المنتج وكل واحد بسعر حاجة مقرفة بجد ولازم يوضع ليها حد....

قولى هم عملوا ايه بالظبط...؟

[loda80]

بص اللى اعرفه انهم بيترعبوا بمجرد حد يقول حمايه المستهلك بس اهم حاجه تكون معاك فاتوره لذا ان مكنش معاك حاول تاخد منهم باى حجه زى الضمان مثلا وربنا معاك وتبقى تقولنا تجربتك بعد الشكوى علشان الكل يستفاد من تجربتك

[samirsaid1]

هو فرق كبير

وشكرا على التنبية

[CryptonX]

على فكرة باي حال من الاحوال متروحش البنزينة دي خالص ..
انا غيرت طرمبة بنزين قبل كدة بسبب بنزين "نصه" كان مياه من عندهم ... و كذا حد اعرفه برده بوظتله طرمبة او عملت مشكلة في البنزين و خلاص ..

انا بروح اخري اغسل العربية بس علشان البنزينة واسعة مش اكتر

[romar]

أنا فعلا رحت من حوالي 3 شهور ودفعت المبالغ اللي حضرتك بتقول عليها.... أنا كنت فاكر إنهم معليين بس في تمن المصنعية... ماكنتش أعرف كمان إنهم سارقين في تمن الزيت

[atala]

يا ريت تشتكي في حماية المستهلك وتقولنا عملت ايه

[lad]

لازم تشتكى

[forget]

بص اللى اعرفه انهم بيترعبوا بمجرد حد يقول حمايه المستهلك بس اهم حاجه تكون معاك فاتوره لذا ان مكنش معاك حاول تاخد منهم باى حجه زى الضمان مثلا وربنا معاك وتبقى تقولنا تجربتك بعد الشكوى علشان الكل يستفاد من تجربتك

طبعاً معايا فاتورة وبيدوا كمان ضمان شهر على صيانة الزيت والفلتر بصراحة أول مرة فى حياتى أشوف صيانة زيت مش عارف بيصينه ازاى

[forget]

أنا فعلا رحت من حوالي 3 شهور ودفعت المبالغ اللي حضرتك بتقول عليها.... أنا كنت فاكر إنهم معليين بس في تمن المصنعية... ماكنتش أعرف كمان إنهم سارقين في تمن الزيت

دول نصابين فعلا أنا على آخرى من ساعة ماتأكدت ان السعر متغيرش ،انا عامل موضوع قبل كده عن الزيوت وموديلاتها وأسعارها وجايبهم من المصدر يعنى أنا عرفت عشان أنا كنت عارف السعر مسبقاً بس شكى انه يكون غلى سكتنى وخصوصاً إن كل البى إم والمرسيدس والمينى الجديد بيوصوا باستخدام كاسترول فالمفروض إنه عليه الطلب وفى نفس الوقت قليل فاعتقدت انه غلى للسبب ده
الجى تى اكس هاى مايلز بــ65 والجى تى إكس بـ115 والماجناتيك بـ195 والإيدج بــ270

[forget]

أنا فعلا رحت من حوالي 3 شهور ودفعت المبالغ اللي حضرتك بتقول عليها.... أنا كنت فاكر إنهم معليين بس في تمن المصنعية... ماكنتش أعرف كمان إنهم سارقين في تمن الزيت

على فكرة أنا قلت قبل ما أروح أشتكيهم أروحلهم أول....اتكلمت معاهم وأخدت فرق تمن الزيت منهم بعد ما الموظف الموجود قالى بعتذر عن الخطأ..بس بالنسبة للمصنعية بقى مفيش تغيير زى ماهى وهم معلقين 300 ورقة فى المركز بأسعارهم ،وأنا بقى اللى استاهل انى مسألتش أو مأخدتش بالى ...بس المهم إنى قدرت أخد منهم فرق تمن الزيت وده انتصار عليهم!!!!!