عملت سيرفيس للعربية, الثرموستات باظت

[wama00]

النهاردة كان يوم عجيب ما يتوصفش بجد,,, روحت اعمل سيرفيس للعربية وغيرت سير الكاتينة وسير الدينامو وبلية شداد الدينامو وكل الفلاتر وزيت الموتور والفيتيس,, دور ياعم مش عايزة تدور وبعدين الميكانيكى لاقى نافورة بنزين ضربت عند مسطرة الرشاشات, خير ياعم , لا ده بلف صغير غيره ياعم دور تمام التمام , العربية سخنت والمراوح اشتغلت وفصلت عادى جدا , يدوب مشيت 4 كيلو بس لاقيت الحرارة 80 - 90 - 100 لالالالالالالالا خط احمر ولمبة التشك نورت (ياستار يارب) نزلت لاقيت المروحة ما مش شغالة, المهم فضلت اعافر لحد ما وصلت للميكانيكى الزفت ده تانى وبعدين راح عاملى كوبرى على المروحة واشتلغت وبعتنى لواحد كهربائى علشان يشوف ايه المشكلة

الكهربائى شاف الفيوزات كلها سليمة قالى ديه ثرموستات واللى راكب عندك بتاع الفيات,, فيات ايه ياعم قالى هى ديه اللى راكبة وعموما هى شغالة عادى,, المهم قالى تعالى بكرة وهاتلى ثرموستات فيات ب 15 جنية واركبهالك
فهل الكلام ده صح؟؟ وايه علاقة الثرموستات بالسيرفيس اللى اتعمل للعربية؟؟؟

[Amrgamal1]

هو فعلا كله بيجيب ثرموستات الفيات عشان رخيص
انا جايب ثرموستات الاوبل الاصلي ب 140 جنيه تقريبا

[lad]

ممكن صدفة

[tananybasha]

مش اكتر من صدفه