علبه البيئه

[amirrk]

انا فضيت علبه البيئه في عربيتي من زمان ة كانت ماشيه حلو اوي
دلوقتي الشكمان ابيتدي يعمل صوت كده و انا ماشي و العربيه مبقاش فيها عزم خالص
سمعت ان المفروض بيركب مكان العلبه ماسوره او حاجه زي كده لو حد عنده معلومه عن الموضوع ده بياريت يقولي علي واحد بتاع شكمانات في المعادي او الحرفيين
و غير كده انا عربيتي استرا 1600 مكان الاوكسيجن سينسور بيبقي بعد و لا قبل علبه البيئه؟

[caboo_1]

السنسور قبل علبة البيئة
معرفش حوار الماسورة ديه بس انصحك روح لوحد فاهم يتأكد من علبة البيئة لانها غالية اوى

[fady2003]

[justify]علي فكرا انا معايا نفس الماتور وكنت فضيت علبه البيئه منحوالي سنتين والعربيه ماشياا تماام اوي بس صوتهاا علي شويا بس جت من اسبوعين كدااا صوتهاا علا اوي قلت اكيد جواان الفرن وفعلا جبت الجوان ورحت علي شان اركبه لكني اتفجئت با ن الفرن فيه شرخ ودا نتيجه تفريغ علبه البيئه . فانا دلوقتي عوز اجيب فرن بالعلبه بتاعت البيئه لانهم حتا وحدا مش منفصلين .. ياا ريت لو حد يدلني علي حد بتاع استراد كويس ويكون اسعاره كويسه وهي سعهاا في حدود كاام ..[/justify]

[tananybasha]

اسال عليها استيراد
اللى اعرفه
اسلام عبد الشافى
ممكن تتصلوا بيه
01003016660
و ممكن تجيبها جديده من ابو اليزيد

[caboo_1]

ابو الليزيد لالالالالالالالالا غالية اوى
اما سألت من شهر عليها يوزد كانت عاملة 1500 فى الجيزة
على فكرها اسمها فرن الشكمان لان فعلا علبة البيئة وفرن الشكمان واحد

[amirrk]

انا مش عايز اركبها تاني اصلا حتي لو حجيبها ببلاش
انا شوفت علي النت ان الناس بره بيشيلوا العلبه دي عشان بتزود العزم و بيركبوا مكانها ماسوره مخرمه جوه العلبه نفسها بس انا مش عارف فين بتاع شكمانات كويس بيفهم في الحوار ده

[haitham2011]

انا مش عايز اركبها تاني اصلا حتي لو حجيبها ببلاش
انا شوفت علي النت ان الناس بره بيشيلوا العلبه دي عشان بتزود العزم و بيركبوا مكانها ماسوره مخرمه جوه العلبه نفسها بس انا مش عارف فين بتاع شكمانات كويس بيفهم في الحوار ده

بعد اذنك ممكن شرح اكتر و لو فيه لينكات للحوار ده علشان عندي مشكله بعلبه البيئه
مع الشكر

[amirrk]

بعد اذنك ممكن شرح اكتر و لو فيه لينكات للحوار ده علشان عندي مشكله بعلبه البيئه
مع الشكر

لو عندك مشكله في علبه البيئه حتلاقي العربيه مكتومه اوي و بتزيد لغايه ما الموتور يبطل لوحده و العربيه مش حتمشي اصلا و ده نتيجه ان الموتور مش بيعرف يطلع العادم بره فا بيفضل مكتوم جوه الموتور لغايه ما الموتور يقف
لسوء حظي حصل معايا الحوار ده في القاهره الجديده في حته صحراء جرداء
و كانت الساعه 9 بليل و العربيه مش بتتحرك و كان يوم ما يعلم بيه الا ربنا فعشان كده متعقد منها و لو جبت فيراري برده حشيل منها علبه البيئه ههههههههههههههههههه

المهم انا بعد ما فضيتها العربيه اختلفت 180 درجه
سرعه و نعموه و سحب و قله استهلاك للبنزين يعني من الاخر كاني جبت عربيه جديده و بقالها علي كده حوالي سنه بس دلوقتي بقي ابتدت تعمل صوت عالي اوي و سحبها ضعف و في صوت كده زي ما يكون تنفيس هوا كده جاي من العلبه فبعد بحث علي النت لقيت ان المفروض بعد ما تفضيها بتوصل ماسوره جوه العلبه و بكده يبقي انت لغيته بالكامل و ملهاش تاثير علي الموتور في حاجه
و الحمد لله ان الاوكسيجن سينسور قبل العلبه مش بعدها فمش حتفرق معاك لو في علبه بيئه او لا

[haitham2011]

لو عندك مشكله في علبه البيئه حتلاقي العربيه مكتومه اوي و بتزيد لغايه ما الموتور يبطل لوحده و العربيه مش حتمشي اصلا و ده نتيجه ان الموتور مش بيعرف يطلع العادم بره فا بيفضل مكتوم جوه الموتور لغايه ما الموتور يقف
لسوء حظي حصل معايا الحوار ده في القاهره الجديده في حته صحراء جرداء
و كانت الساعه 9 بليل و العربيه مش بتتحرك و كان يوم ما يعلم بيه الا ربنا فعشان كده متعقد منها و لو جبت فيراري برده حشيل منها علبه البيئه ههههههههههههههههههه

المهم انا بعد ما فضيتها العربيه اختلفت 180 درجه
سرعه و نعموه و سحب و قله استهلاك للبنزين يعني من الاخر كاني جبت عربيه جديده و بقالها علي كده حوالي سنه بس دلوقتي بقي ابتدت تعمل صوت عالي اوي و سحبها ضعف و في صوت كده زي ما يكون تنفيس هوا كده جاي من العلبه فبعد بحث علي النت لقيت ان المفروض بعد ما تفضيها بتوصل ماسوره جوه العلبه و بكده يبقي انت لغيته بالكامل و ملهاش تاثير علي الموتور في حاجه
و الحمد لله ان الاوكسيجن سينسور قبل العلبه مش بعدها فمش حتفرق معاك لو في علبه بيئه او لا

شكرا لاهتمامك
انا عندي ممكن تكون مكتومه شويه بس مش للدرجه اللي بتحكي عليها الحمد لله
بس بيطلع منها صوت زنه بين النقلات مضايقني شويه

[caboo_1]

طبعا الصوت وحش منا شيلها برده

[amirrk]

طبعا الصوت وحش منا شيلها برده

انت شايلها ولا مفضي الفحم الي جواها؟

[caboo_1]

مفضي الفحم

[fady2003]

طب والحل يااا رجاله نجيب وحداا تنيااا ولا نلحم الفرن ونعمل الماسوره المخرمه جواا العلبه ..

[haitham2011]

يا ريت اللي عنده اي خلفيه عن الصح ميبخلش علينا بالمعلومه
نفضيها و لا نشيلها خالص و لا نحط فيها ماسوره مخرمه و لو حد غيرها و سعرها كويس ياريت يبلغنا بالسعر و ربنا يكفينا شرها

[amirrk]

انا ايه راجع من الحرفيين و بعد ما سئلت كتير اتقالي ان لو مشيت بيها كده و هي فاضيه ميحصلش اي حاجه للموتور و لا العربيه و لا تأثر علي اي حاجه بس طبعا الصوت حيفضل عالي
الحل بتاعها ان بيركبلها ماسوره مخرمه و بتتلحم فيها و ده بيكتم الصوت شويه بس مش اكتر لكن مالوش اي تاثير علي اداء العربيه
الحل التاني و ده طبعا صعب جدا انك تجيب علبه استيراد و للاسف الشديد جدا العلبه بتيجي مع الفرن حته واحد يعني مينفعش تجيب العلبه لوحدها و تمنها 2200 جنيه
في من الاخر كده متعملش اي حاجه و امشي بالعربيه زي ما هي