وش السيليندر فى التوكيل

[IronHead]

رجاله الاوبل,

هو لو انا اتجننت وعملت وش السيليندر عند مقار ممكن يتكلف كام؟
المشكله انى اتعقدت من الميكانيكى, لسه عامله من اسبوع والجوان ضرب تانى, فعايز اشترى دماغى واطلع على مقار عشان استلم العربية وابقى ماشى وانا مطمن
عربية كورسا 2005

ومعلش سؤال تانى, انا ممكن امشى بتاع 20 كيلو والجوان ضارب ولا انا كده بستهبل ولازم اقطرها

[wama00]

متابع

[alzelafy]

عادى انا مشيت 7 شهور و الجوان ضارب بس كانت المشاوير بسيطه يعنى تات ساعه دوارة و تبطل لحد ما تبرد لحد ما بقيت ازود ميه و تنزل من الشكمان على طول .... دا مش شكمان دا خرطوم مياة هاهاها ........ موضوع ان الجوان ضرب تانى يبقى الميكانيكة مركبوش كويس و انا عارف مشاكله مؤرفه و الله انا بعت عربيتى عشان الحوار دة ..... الصح فى الحوار دة انك تجيب وش استيراد و تركبو عند واحد متخصص فى العربيه دى عشان تاخد شغل صح غير كدة انسى ......... المشكله فى المواتير الحديثه انها ما بتتخرطش بترمى و تجيب جديد او استيراد ...... و الله الموفق

[abdelaziz-waleed]

يا ريت ما تتحركشي بالعربية كدة علشان غلط على الموتور
الموضوع ده حصل في العربية عندي من 4 سنين بس العربية كانت مع اخويا فا مش عارف ايه اللي حصل بالظبط بس هية اكيد سخنت لأن في خرطوم مياه ضرب ومياه الردياتير اتسربت
ماذا حدث داخل كواليس التوكيل (مقار الدقي)
قطع الغيار السعر
زيت موبيل 1------------ 195
مياه تبريد ردياتير---------- 37
2 كوليه ---------------- 2.25
جوان فرن شكمان ---------- 53
جوان غطاء تاكيهات ------- 104.5
8 اويل سيل صبابات ------- 44
اويل سيل كوعة ---------- 15
جوان مانيفولد ------------ 34
جوان وش سلندر ---------- 268
فلتر زيت --------------- 13
4 بوجيه 2 شمعة --------- 131

المصنعية السعر
قشط واستعدال وش السلندر ------- 50
تغيير زيت وفلتر --------------- 7
غسيل دورة الموتور ------------ 25
عمرة وش سلندر -------------- 350

العربية قعدت في التوكيل 5 ايام
الاسعار ديه من 4 سنين يعني ممكن تكون زادت شوية
طبعا زي مانت شوفت ان جيبي كان محتاج جوان من كتر الفلوس اللي دفعتها
بس بيني وبينك العربية حسيت انها بقت احسن من الاول بكتيييييير
ربنا معاك يا باشا ويقوملك اوبلتك بألف سلامة

[tananybasha]

مش غالية زى ما كنت متووقع

[IronHead]

يا ريت ما تتحركشي بالعربية كدة علشان غلط على الموتور
الموضوع ده حصل في العربية عندي من 4 سنين بس العربية كانت مع اخويا فا مش عارف ايه اللي حصل بالظبط بس هية اكيد سخنت لأن في خرطوم مياه ضرب ومياه الردياتير اتسربت
ماذا حدث داخل كواليس التوكيل (مقار الدقي)
قطع الغيار السعر
زيت موبيل 1------------ 195
مياه تبريد ردياتير---------- 37
2 كوليه ---------------- 2.25
جوان فرن شكمان ---------- 53
جوان غطاء تاكيهات ------- 104.5
8 اويل سيل صبابات ------- 44
اويل سيل كوعة ---------- 15
جوان مانيفولد ------------ 34
جوان وش سلندر ---------- 268
فلتر زيت --------------- 13
4 بوجيه 2 شمعة --------- 131

المصنعية السعر
قشط واستعدال وش السلندر ------- 50
تغيير زيت وفلتر --------------- 7
غسيل دورة الموتور ------------ 25
عمرة وش سلندر -------------- 350

العربية قعدت في التوكيل 5 ايام
الاسعار ديه من 4 سنين يعني ممكن تكون زادت شوية
طبعا زي مانت شوفت ان جيبي كان محتاج جوان من كتر الفلوس اللي دفعتها
بس بيني وبينك العربية حسيت انها بقت احسن من الاول بكتيييييير
ربنا معاك يا باشا ويقوملك اوبلتك بألف سلامة

شكرا ياكبير, على فكرة زى ما طنانى بيه قال الاسعار متعتبرش غاليه, انا توقعت الموضوع هكلف 2000 جنيه فى التوكيل, ان شاء الله ععملو عندهم واوافيكم بالجديد فى الاسعار

[abdelaziz-waleed]

شكرا ياكبير, على فكرة زى ما طنانى بيه قال الاسعار متعتبرش غاليه, انا توقعت الموضوع هكلف 2000 جنيه فى التوكيل, ان شاء الله ععملو عندهم واوافيكم بالجديد فى الاسعار

الشكر لله يا باش مهندس
وفعلا زي ما قال طنون الاسعار مش هتلاقيها غالية ولو حتى هتبقى غالية فهي تستاهل. العربية عندي شوف عامل الجوان ده من امتى والماتور ما شاء الله ممتاز الحمد لله. كمان لانهم بيستخدمو جوانات اصلية فا بتعيش كتير
وماتنساش بعد ما تخلص وتقفل الفاتورة قبل ما تدفع الفلوس تروح لاستاذ مصطفى مدير الورشة هناك يعملك خصم 10% على المصنعية.
ولما تروح تقولهم داخل لاستاذ عماد خطاب. هو الوحيد اللي بيفهم في نظري من بين مهندسين الاستقبال.
ولو انا سمعت انهم اليومين دول مش بيدخلو غير العربيات اللي ليها ملف هناك عندهم
لو حصل معاك اي قلق وماعرفتش تدخل قوللي وانا اكلمهم هناك يدخلوك. هبعتلك رقمي

[IronHead]

الشكر لله يا باش مهندس
وفعلا زي ما قال طنون الاسعار مش هتلاقيها غالية ولو حتى هتبقى غالية فهي تستاهل. العربية عندي شوف عامل الجوان ده من امتى والماتور ما شاء الله ممتاز الحمد لله. كمان لانهم بيستخدمو جوانات اصلية فا بتعيش كتير
وماتنساش بعد ما تخلص وتقفل الفاتورة قبل ما تدفع الفلوس تروح لاستاذ مصطفى مدير الورشة هناك يعملك خصم 10% على المصنعية.
ولما تروح تقولهم داخل لاستاذ عماد خطاب. هو الوحيد اللي بيفهم في نظري من بين مهندسين الاستقبال.
ولو انا سمعت انهم اليومين دول مش بيدخلو غير العربيات اللي ليها ملف هناك عندهم
لو حصل معاك اي قلق وماعرفتش تدخل قوللي وانا اكلمهم هناك يدخلوك. هبعتلك رقمي

الف شكرا يا باشا, هو فعلا مابيخدوش اى عربية فيها شغل كبير من غير مايكون ليها ملف عندهم, بس انا كنت عملت كذا حاجه عندهم قبل كده
بس قللى, ازاى اطلب خصم على المصنعيه, يعنى لو رحت لمدير الورشة مقلتله عايز خصم هيدهولى كده من غير اى حاجه

[mkb1312]

عموما ربنا يسترها ..... انا عن نفسي لسة عامل الموضوع دة عند المهندس محسن يعقوب اللي موجود جنب هاني اوبل اللي في شارع حي الهرم بس بصراحة شغلة نضيف و حسيت بفرق في العربية بعد ما اتعملت و الاسعار كانت كما يلي :ـ
- جوان وش السلندر 50 ج
- خراط " في الملك الصالح " 220 ج
- وايلسيل صباب 50 ج
- جوان فرن 30 ج
- جوان مانفولد 40 ج
- بوجيهات gm شمعة واحدة 100 ج\
- مصنعية 200 ج
و الموضوع دة خد يومين في الورشة ... بصراحة انا كنت مقلق علشان العربية باتت برة الجراش بس لقيتة مدخل العربية في الورشة و بيقفل عليها .......

[abdelaziz-waleed]

الف شكرا يا باشا, هو فعلا مابيخدوش اى عربية فيها شغل كبير من غير مايكون ليها ملف عندهم, بس انا كنت عملت كذا حاجه عندهم قبل كده
بس قللى, ازاى اطلب خصم على المصنعيه, يعنى لو رحت لمدير الورشة مقلتله عايز خصم هيدهولى كده من غير اى حاجه

اه عادي يا باش مهندس.
حضرتك هتروح لاستاذ مصطفي في الاستقبال وتقول له اعملي خصم على المصنعيات
هيقوم عامل خصم 10% على المصنعيات
بالتوفيق ان شاء الله وترجع العربية احسن من الاول