المرايا الجانبية للفيكترا سي

[moh3377]

السلام عليكم


النهاردة كسرت المرايا الجانبية- الي جنب السائق- العربية فيكترا سي 2008

الحمد لله علي كل شئ


حد يعرف الاقيها فين و بكام


شكرا

[the_bird5]

سعرها ب 850 انا كنت مغيرها من 7 شهور بس دلوفتى مش عارف بكام

[moh3377]

أنا جبتها النهاردة من عند سرور في وسط البلد ب 650 جنيه تايواني (نسخة من الأصلية)

رشيتها دوكو فرن ب 50 جنيه


بكره بأذن الله هروح اركبها في التوكيل (بحوالي 90 جنيه) وده طبعا علشان نضافة الفك والتركيب في الوكيل.

[moh3377]

و نسيت اقول ان الأصلي كان في التوكيل عند منصور ب 2200 جنيه


يعني صباح الفرق



شكرا

[moody_687]

طيب والتايوانى دى بتقفل مع الريموت بالضم ولا مفهاش الخاصية دى

[engineercomm3]

يا جماعة يا ريت حد يرد ضرورى عشان انا عندى نفس المشكلة دى هل التايوانى دى بتقفل مع الريموت بالضم ولا مفهاش الخاصية دى؟

ويا ريت عنوان سرور اللى فى وسط البلد

[the_bird5]

ايوه بتقفل مع الريموت

[احمد فهمى]

بتقفل مع الريموت عادى بس مفيهاش سخان واللى زيها من جانب السائق مفيهاش تعتيم ولا سخان برضو بس عمتاً فرق السعر يغنى عن كل ده السخان مش بنشغلو اصلاً بس التعتيم مهم جداً للى اتعود عليه

[engineercomm3]

لا مبتافلش مع الريموت انا اتصلت بسرور واتاكدت المراية نفسها تحركها فوق تحت يمين شمال كهربا لكن عشان تطوى المرايا كلها لازم بايدك مينفعش بالريموت ...وكمان نزلت الحرفيين وسالت ولاقيت نفس الكلام دى المرايا اللى ب 600 جنيه تايوانى

[احمد فهمى]

طيب كنت قلتلى انا عندى واحده كهربا جى ام اصلى بس من خير الكفر الكبير ولا الزجاج تتقفل مانيوال بس جى ام

[moody_687]

ياجماعة انا المرايا لجانبية ليها دوسة زرار عشان تتحكم فيها فوق وتحت وهناك زرار اخر عشان تتحكم ف المرايا اللي ع ايدك الشمال برده فوق وتحت
الغريب بقى انى ادوس ع زرار واحد عشان اتحكم ف مرايتى الاقيه الاتجاهات بتحرك المريتين مش مرايا واحدة فاهمين قصدى ولا لا ؟ ولو حد فاهم يقولي هي عملت كده ليه وايه الحل

[ahmedmaklad]

ده عادي لما تيحي تحرك المرايه اليمين جنب السواق بتحرك المرايتين مع بعض و تضغط على الشمال لو عايز تحرك المراية الشمال بس ده لغرض معين كان مكتوب في المانيوال بس انا نسيته بصراحة
انت فكرتني كنت رايح اوتو ماستر و الاخ اللي بيستلم العربية لقيته فجأة كده قالي في مشكلة بص المرايتين بيتحركوا مع بعض و لازم نبص على المشكلة دي قلت يا راجل طب كويس انك خدت بالك و سبته بس طبعا ما عملش حاجة

[moody_687]

لا انا عندى العكس انا المرايا بتاعة السائق مش اللي جنب السائق هي اللي بتحرك المريتين والزرار بتاع المرايا اللي جنب السائق بيحرك فقط المرايا اليمين وملهوش دعوة بمرايا السائق

[احمد فهمى]

ده عادى عشان لمى تظبت مرايتك التانيه تنظبت لوحدها وبتاع اوتو ماستر شكلو كان شغال فى محل كوشرى الفيكترا سى كده واودى وفولكس كده من سنين

[ahmedmaklad]

لا انا عندى العكس انا المرايا بتاعة السائق مش اللي جنب السائق هي اللي بتحرك المريتين والزرار بتاع المرايا اللي جنب السائق بيحرك فقط المرايا اليمين وملهوش دعوة بمرايا السائق

طب ما انا قلت كده هو انا قلت العكس
بص هو كده عادي