مشكلة عندى ومافيش حد بيفهم ويريحنى

[zendo]

الوقتى انا قبل ما اسمكر العربية كان فية مشكلة فى العفشة انى بسمع اصوات فى الجنب اليمين زى ما يكون حديد بيضرب فى بعضة بس بسمعة فى المطبات والطرق المتبهدلة وغير كل ده بسمع تكتكة على الطلعة وتبان قوى لما دوس بنزين واسيب رجلى مرة واحد من على البنزين وادوس تانى وكمان بسمع زى مايكون ماشى على فرده نايمة رحت لعفشجى غيرت المساعدين الامامى بقت احسن شوية بس لسة الاصوات دى زى ماهى والعفشة كانها سايبة والسمكرى قالى لما جرب العربية انت عندك رجة على التانى والتالت لما يجيب اخرة الوقتى العربية عند السمكرى وهتخش بعدها بوهية عاوزكم تلحقونى وتفيدونى الحق اعمل المشاكل دى قبل ما ادخلها الدهان بس هاتولى الخلاصة علشان عندنا هنا ناس بطاطس ولا بيفهمو حاجة وانا تعبت من قرف الصنايعية

[caboo_1]

انا كنت بحسن ان شاكوش بيضرب ف الصاج بس فين وفين لغاية لما طلعت قاعدة ماتور كانت سايبة من مكانها

[zendo]

انا والله ما عارف انا رحت لعفشجى المفروض ان هو كويس وقولتلة العفشة فيها كذا وكذا ومريحنيش غيرت اتنين مساعدين على الفاضى بمصنعية وصلت 750 جنية وعندى الا سكترا مبوشة وهو ربطها وقالى تمشيك شوية بس جايبة زيت اخيرا العربية بتلق معايا وانا ماشى على السرعات ومش حاسس ان حاجة اتعملت طب اعمل ايه

[haitham2011]

الوقتى انا قبل ما اسمكر العربية كان فية مشكلة فى العفشة انى بسمع اصوات فى الجنب اليمين زى ما يكون حديد بيضرب فى بعضة بس بسمعة فى المطبات والطرق المتبهدلة وغير كل ده بسمع تكتكة على الطلعة وتبان قوى لما دوس بنزين واسيب رجلى مرة واحد من على البنزين وادوس تانى وكمان بسمع زى مايكون ماشى على فرده نايمة رحت لعفشجى غيرت المساعدين الامامى بقت احسن شوية بس لسة الاصوات دى زى ماهى والعفشة كانها سايبة والسمكرى قالى لما جرب العربية انت عندك رجة على التانى والتالت لما يجيب اخرة الوقتى العربية عند السمكرى وهتخش بعدها بوهية عاوزكم تلحقونى وتفيدونى الحق اعمل المشاكل دى قبل ما ادخلها الدهان بس هاتولى الخلاصة علشان عندنا هنا ناس بطاطس ولا بيفهمو حاجة وانا تعبت من قرف الصنايعية

بص يا سيدي
بالنسبه لموضوع الطقه اللي في المطبات بتبقي الكاوتشه اللي بيقعد عليها الياي فوق المساعد يا مقطوعه يا مش موجوده و البديل بتاعها خرطوم ميه نص بوصه يتلبس في قاعده الياي زي فادي زميلنا مقال و كان عامل موضوع كامل عن الصوت ده
و في الغالب زي ما كابو قالك ( اللقه ) اللي في المكنه لما تدوس بنزين و تشيل رجلك قاعده موتور

[alnmr79]

اولا هنستبعد العفشة لانك عملتها واكيد المقصات وبيض الطرف تمام
مشكلة اللقة دى اكيد من الاسكترا ومش اى حد بيعرف يظبطها فالاحسن تتغير بواحدة استيراد
مشكلة الرجة فى النقلات طبعا دى قواعد ماتور او فتيس لازم الميكانيكى يكشف عليهم بس العفشجى اللى اشتغلت عندة على قدة او ملوش فى الاوبل خد باللك واستعين بالاعضاء لمعرفة الصنايعية الكويسين

[zendo]

الطقطقة اللى على الطلعة غير لقة العربية وهى ماشية غير صوت زى ما يكون كوتش نايم وماشى علية كل دى اصوات مختلفة بس هل كل الاصوات دى من حاجة واحده ولا من كذا حاجة

[tananybasha]

حاسس ان فيه دربكه فى الجنب يعنى
مش فاهم

[Amrgamal1]

بص يا سيدي
بالنسبه لموضوع الطقه اللي في المطبات بتبقي الكاوتشه اللي بيقعد عليها الياي فوق المساعد يا مقطوعه يا مش موجوده و البديل بتاعها خرطوم ميه نص بوصه يتلبس في قاعده الياي زي فادي زميلنا مقال و كان عامل موضوع كامل عن الصوت ده
و في الغالب زي ما كابو قالك ( اللقه ) اللي في المكنه لما تدوس بنزين و تشيل رجلك قاعده موتور

تمام كدا بس انت قصدك علي السوسته مش المساعد
فادي كان قايل موضوع الخرطوم دا قبل كدا فعلا وممكن يكون هو السبب في الصوت دا

[ahmed_mido1889]

ممكن تكون البارات مبوشه نفس القصه كانت عندي في اللانوس وطبعا اتقالي اسكترا بس روحت لواحد فاهم قالي هات بارات

وكان شاكك في بيض المقصات برضه بس لقاه سليم

وممكن يكون صوابع الكاليبر مبوشه بتخليه يروح ويجي وده بيبقي سبب اختلاف صوت الطقه

اكشف علي ال3 دول وقولنا ايه النتيجه

[zendo]

حاسس ان فيه دربكه فى الجنب يعنى
مش فاهم

ايوه يا طنانى اصوات اللى بقولك عليها فى الجنب اليمين

[haitham2011]

تمام كدا بس انت قصدك علي السوسته مش المساعد
فادي كان قايل موضوع الخرطوم دا قبل كدا فعلا وممكن يكون هو السبب في الصوت دا

تمام سيادتك
بتلبس الخرطوم في السوسته عالجزء اللي بيقعد عالمساعد