هزة ورجرجة غريبة

[ashrafmkenawy]

صباح الفل
العربية فيكترا 2007 النهارده الصبح لاقيتها عند السلانسيه فيه رجه كده أو هزة تحس انك عايز تديها أمبليهات علشان تفوق، حد يعرف ده إية؟

[HASSAN SERRY]

الار بى ام واقف على كام و لا عمال يتحرك ؟ و العربية سخنة ولا وهيا بارده بس ؟

[ashrafmkenawy]

الار بي ام شغال كويس، لا ده وهي واقفة الرجه بتبان بس وانا ماشي العربية زي الفل، كلمت الميكانيكي فى التليفون فقاللى دى كده يبقي وساخة بنزين. بس فيه لمبة صفره على يمين العدادات تحت كده بتنور وتتطفي وانا ماشي، هي كانت منوره قبل كده على طول بس لما باسرع بالعربية شوية تقعد تنور وتطفي.

[TheUnknown]

المبة لو دى:

تبقى Check Engine

[mero100]

الار بي ام شغال كويس، لا ده وهي واقفة الرجه بتبان بس وانا ماشي العربية زي الفل، كلمت الميكانيكي فى التليفون فقاللى دى كده يبقي وساخة بنزين. بس فيه لمبة صفره على يمين العدادات تحت كده بتنور وتتطفي وانا ماشي، هي كانت منوره قبل كده على طول بس لما باسرع بالعربية شوية تقعد تنور وتطفي.

دي لمبه check engine .....المفروض لما بتنور بتفحص العربيه بال scanner .....عشان يوضح انهي حساس اللي عامل مشكله ......يعني تروح لميكانيكي عنده جهاز سكانر .......بس المهم متسوقش العربيه كتير و اللمبه دي منوره ....لانه غلط . ( زي ما الكتالوج بيقول )

[ashrafmkenawy]

هي دي فعلا اللمبة االى منوره، مين اللى عنده جهاز الاسكانر ده؟

[KHALED AYMAN]

العربيه على السرعات بتقطع ؟
احساسى بيقول موبينه ..لان ده عيب مشهور جدا فى الفيكترا السى

[ashrafmkenawy]

لا خالص يا خالد هي لما بتمشي بتبقي زي الفل، ثم عيب الموبينه يخلي العربية كأنها ماشية تلاتة، عارف احساس ان فيه وساخة بنزين وتبقي عايز تدي العربية أمب
ليهات علشان تفوق، هو ده بالظبط اللى فيها. الرجرجة دي بس وانتى على السلانسيه ولو زودت بنزين شوية بتيقى زي الفل

[KHALED AYMAN]

انا عندى الى بتتكلم فيه ده ..بس مش و انا واقف
لا
وانا ماشى بس مش دايس و اكون على الاولانى
بحس برجرجه و الار بى ام بيكون على نص ..اول ما المس الدواسه ينط ل 2
بس انا اصلا محتاج طقم دبرياج
الى عندك ده معرفوش بصراحه

[ashrafmkenawy]

كلامك صح يا خالد المشكلة طلعت في الموبينه وركبت واحدة جديدة جبتها من عند سرور فى معروف بالقاهرة ب 900 جنيه وجبت معاها طقم بوجيهات بوش ب 120 وربكتهم ب 40 جنيه والعربية بقت زي الفل والحمد لله.
أنا حبيت أكتب الأسعار علشان يمكن تفيد حد تاني ويبقي عارف سعر الحاجت بكام.

[KHALED AYMAN]

هههههه احساسي صح هههه
الموبينه كلنا غيرناها مش انت لوحدك ..بس انا غيرتها ب 1100 اليومين دول سعرها نزل ...اصلا كانت ب 1500تقريبا زمان...

انت عربيتك كام كم ؟؟

[ashrafmkenawy]

150000

[KHALED AYMAN]

ما شاء الله ..
انت كده الوحيد الى معدينى فى ال كم ..انا 125 الف