corsa highline 2012

[bayantt]

بفكر جديا في كورسا 2012 هاي لاين، افيدونا افادكم الله
اخبار قطع الغيار ايه والتوكيل مظبتها ولا لا
وكمان مش عارف ليه حاسس ان العربية مش منتشرة
انا سألت عليها وتنها 128000

[Amrgamal1]

شوفتها مرة ع الطريق وانا سايق وماكنتش عارف دي عربيه ايه كنت اول مرة اشوفها
فضلت اجري لحد ماجيبتها لقيتها opel corsa 1.4
وهمتني بشكلها بصراحه جميله اوي

[melagouze]

عربيه كويسه و بدات تنتشر و تبيع كويس....و الكلام ده من واحد صاحبي في المبيعات هناك....ممكن اديلك رقم تليفونه لو حبيت و هيجيب لك اسعار قطع الغيار

[bayantt]

هو مفيش حد هنا جايبها ولا أيه, طيب أيه نظام منصور فى صيانتها؟ زيها زى الأوبترا والأفيو ولا محترم عنهم؟

[HASSAN SERRY]

تقريبا مشفتش حد هنا معاه العربية ديه فمحدش حابب يخش يفتيلك او يقلك اى كلام عنها
هيا مشكلتها انها منتشرتش لأن منصور كان منزلها بسعر عالى فى الأول بالنسبة لعربيات تانية اللى طبعا كلنا عارفنهم و كمان حجمها صغير و موتورها 1400 ف طبعا اى حد هيقول انا ليه ادفع 120 الف فى عربية صغيرة و موتور 1400 و كمان مش هاى لاين حتى اجيب اى عربية تانية احسن بس فاتحرقت العربية هوه دلوقتى بدأت اشوفها اكتر من زمان عشان اسعار كل العربيات غليت و نزلت عربيات كورى و حاجات تانية فى نفس رنج السعر لا و بقيت كمان ارخص منهم فا بدأت الناس تفكر فيها و بدأت اشوفها فى مقارانات هنا على المنتدى لأول مره من كتير قوى .
بس انا شايف انها عربية كويسة جدا و أدائها كويس و هيا مع واحد صاحبى من سنة و محصلوش معاها اى مشكلة و بيشكر فيها جدا
قطع غيارها مش منتشرة بره التوكيل فا هتكون تحت رحمته
بص هوه التوكيل مش قد كده هيكون كويس معاك لو على قد الصيانات العادية و المشاكل الخفيفة
لو رحتله فى اى حوار تانى انت و نصيبك .
اما اسعار قطع الغيار فتقريبا نفس اسعار العربيات التانية اللى فى نفس الفئة بس اسأل فى التوكيل و اسأل فى توكيل العربية التانية اللى انت بتفكر فيها و قارن مبينهم
طبعا سعر اعادة البيع لو هتفكر فيه هتلاقيه مش حلو خالص زى اى عربية المانى او اوروبى عموما
للاسف اجاباتى كلها سطحية بس على ما اظن هتلاقى كل اللى فى القسم هيقولوا نفس الكلام
+
إبعد عن منصور ( التوكيل ) و غنيله

[bayantt]

تقريبا مشفتش حد هنا معاه العربية ديه فمحدش حابب يخش يفتيلك او يقلك اى كلام عنها
هيا مشكلتها انها منتشرتش لأن منصور كان منزلها بسعر عالى فى الأول بالنسبة لعربيات تانية اللى طبعا كلنا عارفنهم و كمان حجمها صغير و موتورها 1400 ف طبعا اى حد هيقول انا ليه ادفع 120 الف فى عربية صغيرة و موتور 1400 و كمان مش هاى لاين حتى اجيب اى عربية تانية احسن بس فاتحرقت العربية هوه دلوقتى بدأت اشوفها اكتر من زمان عشان اسعار كل العربيات غليت و نزلت عربيات كورى و حاجات تانية فى نفس رنج السعر لا و بقيت كمان ارخص منهم فا بدأت الناس تفكر فيها و بدأت اشوفها فى مقارانات هنا على المنتدى لأول مره من كتير قوى .
بس انا شايف انها عربية كويسة جدا و أدائها كويس و هيا مع واحد صاحبى من سنة و محصلوش معاها اى مشكلة و بيشكر فيها جدا
قطع غيارها مش منتشرة بره التوكيل فا هتكون تحت رحمته
بص هوه التوكيل مش قد كده هيكون كويس معاك لو على قد الصيانات العادية و المشاكل الخفيفة
لو رحتله فى اى حوار تانى انت و نصيبك .
اما اسعار قطع الغيار فتقريبا نفس اسعار العربيات التانية اللى فى نفس الفئة بس اسأل فى التوكيل و اسأل فى توكيل العربية التانية اللى انت بتفكر فيها و قارن مبينهم
طبعا سعر اعادة البيع لو هتفكر فيه هتلاقيه مش حلو خالص زى اى عربية المانى او اوروبى عموما
للاسف اجاباتى كلها سطحية بس على ما اظن هتلاقى كل اللى فى القسم هيقولوا نفس الكلام
+
إبعد عن منصور ( التوكيل ) و غنيله

شكراً