هغير موتور العربيه

[enghanyomar]

معلش يا جماعه انا عايز اعرف قطع غيار الموتور ده متوفره ولا لأ واسعار الاستيراد والجديد وايه اغلى قطعه غيار فيه وحساساته اسعارها ايه واداء الموتور والفتيس وقوته ؟
وبياخد كام كيلو زيت للموتور الميكانيكى بيقوللى 5 كيلو بالفلتر وبدون؟
والفتيس الاوتوماتيك بياخد كام لتر زيت؟
وايه اهم حاجه أعملها عشان احافظ على الموتور والفتيس؟
معلش يا جماعه انا اول مره فى حياتى اسوق عربيه 2000 سى سى واوتوماتيك
ومقلق من الحاجات دى كلها!!

[mifs]

انا رأيي المتواضع
بيع عربيتك واشتري واحدة تكون 2000 من الاول والفرق بينهم مش هيزيد كتير عن اللي هتدفعه غير المغامرة ووجع الدماغ
وبعدين الاخوة هنا قالوا ان العربية نصين كلها تقريبا بالملغ اللي هتدفعه في قطع الغيار دي
والله اعلم

[فادى محمد]

يا جماعه بجد انا مش عارف اقول ايه انتو بجد اكتر من الاخوات انتوبتساعدوا بعض بجد مع ان معظم الاعضاء مشافش التانى وده اكتر حاجه مخليانى بعتبر المنتدى ده اكتر حاجه الواحد يثق فيها المهم انا خلاص اتكلت على الله واستخرت ربنا ان انا اجيب الاتى من الميكانيكى اللى عندى وهو على فكره نازل بكره رايح يجيب الحاجه من بورسعيد انا عارف انه حيبقى اغلى من لو انا جبتها بس يريحنى من وجع دماغ السفر ولو فيه مشكله مش حقدر ارجعها تانى والحوارات ديه .
المهم انا اتفقت معاه من الاخر 9500 جنيه وحياخد الحاجه اللى عندى والمصنعيه كمان داخله فى 9500 ال حجات اللى حجيبها هى
1- موتور 2000 سى سى ايكوتيك كامل (2 سربنتينه+2 مروحه+كمبرسور تكييف كامل اللى عندى مكانش شغال+طلمبه باور+دينامو + مارش )
2- فتيس اوتوماتيك
3- عفشه كامله امامى وخلفى 5 خرم سكاكين
4- 4 جنوط 15 5 خرم اللى عندى كان 4 خرم 14 بوصه
5- طابلوه كامل تاتش بالايرباج والكونصول واول مره اشوف عنده الطابلوه تاتش بس بجد شكله جامد مفيهوش بكر للتكييف بدالها زراير تتش و3شاشات صغيره بتبين درجه الحراره
6- طلمبه بنزين + تنك
7- جنط حديد 15 5 خرم لزوم الاستبن
8- كبالن + علبه دركسيون +ضفيره كامله + كمبيوتر واهم حاجه ال ايه بى اس
الى عند كان عايز يتغير

المهم اللى انا حدفعه فوق ال9500 جنيه
تمن شحن التكييف الجديد
سير الدينامو بكام واجيبه منين؟
سير الكاتينه بكام واجيبه منين؟
فلتر زيت وهل هو هو بتاع ال1600 ولو مش هو بكام؟
فلتر هواء بكام برضه

واسف على الاطاله

-كده معقول جدا..وفي شيء انا عارفه كويس قوي وهو ان راحه البال لا تقدر بتمن,ربنا يوفقك ان شاء الله.
- سير الدينامو والتكييف مش غاليين وكل حاجه هتعرفها مع الاستخدام ..
-قطع غيار الموتور ده متوفره جدا جديد واستيراد وهي هي بالضبط نفس قطع غيار الدايو الليجانزا مع فارق السعر طبعا الدايو ارخص زي بليه الكاتينه المتحركه وجوان التاكيهات والكوستبانات...
طبعا هتغير كل الزيوت والفلاتر والبوجيهات اللي في العربيه الموتور بياخد 5 لتر الا ربع بالفلتر ..
-ياريت تعمل لاخواتك هنا موضوع بالصور عن خطوات تركيب الموتور الجديد شامل كل حاجه لغايه ماتجربه علي خير ان شاء الله علشان يبقي مرجع للي عاوز يعدل موتوره ,وكل واحد هيطلع عليه ويستفيد منه هتاخد ثواب علطول..ربنا يوفقك,تحياتي

[فادى محمد]

انا رأيي المتواضع
بيع عربيتك واشتري واحدة تكون 2000 من الاول والفرق بينهم مش هيزيد كتير عن اللي هتدفعه غير المغامرة ووجع الدماغ
وبعدين الاخوة هنا قالوا ان العربية نصين كلها تقريبا بالملغ اللي هتدفعه في قطع الغيار دي
والله اعلم

كل واحد قال اللي عنده وهو قال انه استخار ربنا وتوكل علي الله فربنا يوفقه لعله خير له ...

[alnmr79]

انا رأيي المتواضع
بيع عربيتك واشتري واحدة تكون 2000 من الاول والفرق بينهم مش هيزيد كتير عن اللي هتدفعه غير المغامرة ووجع الدماغ
وبعدين الاخوة هنا قالوا ان العربية نصين كلها تقريبا بالملغ اللي هتدفعه في قطع الغيار دي
والله اعلم

+11111111111111111111111111111111
كلام حضرتك 100\100 ليه حضرتك تدفع 11 الف على تمن عربيتك علشان تركب اوتماتيك فى حين انك لما تشتريها مستعمله هتكون بتمن عربيتك او اغلى شوية حسب الحالة.
بالاضافة اللى المشكلات اللى اكيد هتكون موجودة بعد التعديل خاصة الكهرباء والحساسات .متوجعش دماغك الاوبل مبتحبش اللعب يا تجيب العربية على ابوها يا بلاش خاصة انك ملكش فى وجع الدماغ.لم عربيتك بشوية مصاريف وبيعها على كدة وحط عليهم 5000 جم واشترى واحدة على مزاجك .نصيحة لوجه الله وشوف راى بقية الاخوة.

[enghanyomar]

الف شكر على المشاركه انا على رأى طنانى قال هات عربيه على ابوها بس عربيتى معاشرها كويس وعارف اصلها وفصلها وكل مسمار انا غيرته كاتب ميعاد تغييره بالتاريخ والكيلو متر

[enghanyomar]

-كده معقول جدا..وفي شيء انا عارفه كويس قوي وهو ان راحه البال لا تقدر بتمن,ربنا يوفقك ان شاء الله.
- سير الدينامو والتكييف مش غاليين وكل حاجه هتعرفها مع الاستخدام ..
-قطع غيار الموتور ده متوفره جدا جديد واستيراد وهي هي بالضبط نفس قطع غيار الدايو الليجانزا مع فارق السعر طبعا الدايو ارخص زي بليه الكاتينه المتحركه وجوان التاكيهات والكوستبانات...
طبعا هتغير كل الزيوت والفلاتر والبوجيهات اللي في العربيه الموتور بياخد 5 لتر الا ربع بالفلتر ..
-ياريت تعمل لاخواتك هنا موضوع بالصور عن خطوات تركيب الموتور الجديد شامل كل حاجه لغايه ماتجربه علي خير ان شاء الله علشان يبقي مرجع للي عاوز يعدل موتوره ,وكل واحد هيطلع عليه ويستفيد منه هتاخد ثواب علطول.:f_eyeb1[1]:.ربنا يوفقك,تحياتي

فادى باشا شكلك كده انت اكتر واحد فاهمنى انا مبحبش اغير العربيه هى بتبقى زى فرد من اسره الواحد بعد طول التعود عليها

[enghanyomar]

+11111111111111111111111111111111
كلام حضرتك 100\100 ليه حضرتك تدفع 11 الف على تمن عربيتك علشان تركب اوتماتيك فى حين انك لما تشتريها مستعمله هتكون بتمن عربيتك او اغلى شوية حسب الحالة.
بالاضافة اللى المشكلات اللى اكيد هتكون موجودة بعد التعديل خاصة الكهرباء والحساسات .متوجعش دماغك الاوبل مبتحبش اللعب يا تجيب العربية على ابوها يا بلاش خاصة انك ملكش فى وجع الدماغ.لم عربيتك بشوية مصاريف وبيعها على كدة وحط عليهم 5000 جم واشترى واحدة على مزاجك .نصيحة لوجه الله وشوف راى بقية الاخوة.

الف شكر على النصيحه الغاليه بس بالنسبالى فى شويه حجات متخلنيش اقدر استغنى عن العربيه اولا انا شغلى فى اكتوبر وساكن فى مدينه نصر فلازم تكون فيه عربيه تحت رجلى انا بشتغل مدير صيانه من الساعه 8.30 الصبح بروح الساعه 8 باليل فمفيش وقت ادور على عربيات وبهدله وورق مضروب والكلام ده كله .الميكانيكى والكهربائى اللى حيشتغلوا فيها اساسا شغالين فى جينيرال موتورز عندنا فى اكتوبر وفاهمين الاوبل زى الكتاب ما قال وده عن تجربه. وبفتحوا المركز بتاعهم الساعه 4 بعد شغلهم فبالتالى الوقت مناسب ليا بعد شغلى

[alnmr79]

ربنا يوفقك وتطلع ان شاء الله 100\100

[enghanyomar]

وبعدين ياجماعه انا لما احب ابيع العربيه حبعها مثلا ب45000 احط عليهم 10000 يعنى 55000 + مصاريف تسجيل شهر عقارى + مصاريف المرور حوالى 56000 +5000 صيانه وتظبيط عفشه واكيد 4 فرد كوتش وبطاريه جديده والله اعلم حدفع اد ايه بعد كده ده مع الاعتبار ان الورق سليم بعد الكلام اللى الواحد بيسمعه اليومين دول انا عربيتى بأسمى ورخصتى بأسمى وكل حاجه مطمنانى من ناحيه الورق
يعنى حدخل فى 60000-62000 جنيه
انا رايى المتواضع اصرف على عربيتى احسن وبعدين التعديلات اللى انا حعملها مش حتعيب العربيه فى حاجه ده بألعكس ممكن تزود فى سعر اعاده البيع.

[فادى محمد]

طالما مطمن للي هيشتغل فيها توكل علي الله..
ماتنساش التقرير المصور علشان اخواتك في القسم يستفيدوا.