الفتيس اخيرا افتكرنى

[callsdiab]

السلام عليكم ورحمة الله وبركاته
الاخوة الاعضاء
الفتيس مؤخرا عند النقل من ال n الى d بلاقى العربيه بتتأخر فى بداية الحركة وسعات لازم ادوس بنزين كده مرتين لحد ما يلقط، الكلام ده مش بيحصل مع الحركة للخلف (r)
كنت بفكر انزل زيت الفتيس واغير الفلتر وانضف الدنيا، الميكانيكى قاللى ممكن لو نزل ما يشتغلش تانى.

[caboo_1]

حصل مع عمى فى النوبيرا ....زيت الفتيس باظ والفتيس جاب كلاتشات وطبعا غيرنا الفتيس كله
انت اخبار الزيت عندك ايه ؟؟؟ لمبة الفتيس منورة ةلا وياريت تروح لواحجد فاهم عشان الحاجات ديه مش محتاجة افتاء

وربنا معاك

[alnmr79]

الطلعة بس والا النقلات كلها مخنوقة؟

[cayman69300]

بص يا باشا
هنبدا بالترتيب
غير زيت الفتيس و نضف الفلتر بتاعه لو ينفع
تاكد من كل الوصلات للفتيس
لو الحكاية ما زالت و بعد التنضيف و التاكيد على الوصلات نفس الحكاية
فللاسف يبقى الفتيس بيبعت رسالة الوداع

[Astra Lover]

حصل معايا حاجة شبه كده ادوس فرامل وانا على d والعربية تقف تماما اشيل رجلى القيها ثابتة لازم ازود سنة بنزين تقوم نتشة (نطة خفيفه) وتتحرك الحوار ده حصل معايا مرة فى مشوار كامل لما ركزت معاه لاقيت الاختلاف كان فى rpm كان اقل من الطبيعى الى هوا تقريبا 900 كان حوالى 750 الكلام ده طبعا فى حالات الثبات, مع العلم الزيت الفتيس مغيرة وبقاله حوالى 18الف وكان الميكانيكى قلى اغيره على 35الف هو موبيل باور 320, ياترى ايه السبب ؟؟؟