أنا تعبت من الزوايا بجد

[KhaledMoawad]

شباب .. أنا رحت لمركز اليسر اللي في صقر قريش بتاع مهندس حسام .. وحصل الأتى.. شاف العربية من تحت .. لقينا قواعد موتور تحت عايزة تتغير بس قاللي دي متعملش موضوع الدركسيون ده .. ولقينا الفتيس جايب زيت وقاللي ده من جوان وبرده ميعملش كده .. وملقاش أي حاجة في العفشة .. ام مخلي حد دخَل العربية وقعد يجب الدركسيون يمين وشمال .. سمعنا صوت طاقة صغيرة .. وكانت العربية مش دايرة .. سألني هي بتعوم معاك .. قلت آه .. دخَل جوه العربية وشال الدواسة .. بس على وصلة الدركسيون اللي بتبان دي لما تشيل الدواسة .. وشدها .. اللي عايزة تتغير وخلاني اشدها بـنفسي .. بتلوء جامد جدا .. وراني نفس الموضوع ده في كذا عربية عنده تانية ماسكة نفسها جدا
حد سمع حاجة عن الحوار ده؟ أنا حاسس إني مقتنع بالموضوع ده لإن لسة مغير كل حاجة في العفشة وهو برده وبتاع الزوايا قالوا العفشة تمام .. والوصلة فعلا عندي مختلفة .. برده بيقوللي دي تيجي استيراد وتعمل بتاع 250 جنيه

ارجوكم فيدوني عشان هولع في نفسي

شكرا يا رجالة