Abs العربية باظ !!

[halimo]

حد عندة فكرة مين بيفهم فى ال abs وممكن يصلحة؟؟
الميكانيكى كشف علية على الجهاز من خلال الفيشة ال جمب عصاية الفتيش لكن الجهاز مئراش فقالى دة بايظ ومابيتصلحش اجيبلك واحد من الحرفيين استعمال يعمل 1300ج ونغيرة .
فياريت لو حد يعرف مين يشتغل فى ال abs ويصلحة او اشترى استعمال بس يبقى ارخص شوية يبقى مشكور.

[ashouhdy]

هو انت محتاجة اوي كدة

[afouad]

كان abs فى العجلة اليمين الامامية فيه سلك مقطوع , رحت عند محمد عبد الراضى فى صقر قريش لحمه , و اخد مصنعية 100 جنية .

[medo111]

هو انت محتاجة اوي كدة

مهم جدا الي بياخد عليه ميعرفش يستغني عنه

[ahmedmaklad]

خلي جد كويس يبصلك عليه الاول ممكن يكون حساس في اي عجلة
ممكن تغير زيت الفرامل ساعات بيعمل مشاكل
سعر الـ abs مش الرقم ده هو ارخص من كده انا كنت جايبه بـ 700 جنيه و تركيبه كان حاجة هبله

[Amrgamal1]

انا نفسي اعرف ايه هو ال abs
انا ركبت عربيات كتييييييير وعادي كلها فرامل يعني
ايه الفرق بقي ؟؟؟ انا عربيتي فيها abs بس عادي يعني فرامل عاديه زي اي عربيه ركبتها قبل كدا

[medo111]

انا نفسي اعرف ايه هو ال abs
انا ركبت عربيات كتييييييير وعادي كلها فرامل يعني
ايه الفرق بقي ؟؟؟ انا عربيتي فيها abs بس عادي يعني فرامل عاديه زي اي عربيه ركبتها قبل كدا

الفرق كبير اركب عربيه تكون واثق ان مفيهاش ابي اس وفرمل للاخر مره واحده علي رمل او علي اسفلت وحاول تتحكم في العربيه بالدركسيون وجرب نفس الموضوع بعربيتك وحاول بردو تتحكم بالدركسيون هتعرف الفرق

[احمد فهمى]

مبيتصلحش واكشف الاول عند واحد بيفهم ممكن يكون سنسور من اللى عند العجل ولو مكنتش بتغير زيت فرامل يبقى باظ طبعاً وهو بحوالى 800 جنيه مش 1300 على ما افتكر

[AhmedBahgat]

حسام أوبل صلحهولي قبل كده
بيطلع الجهاز وبيفك الفيبر إللي مغطي الكونترول بتاعه وبيعمل كوبري علي البورده وانا كنت اول جهاز تقريبا عمله بعد ما اكتشف الموضوع ده
بس مش كل الحالات ساعات بيبقي الجهاز ميت خالص

[AhmedBahgat]

Abs
الفيكترا التسعينات مختلف عن بتاع ما بعد ٢٠٠٠
بتاع التسعينات ارخص بس انا عن تجربه
بتاع التسعينات احسن في الفرامل بس الهبده فيه جامده في الالفينات الهبده خفيفه بس الاداء اقل
علي اي حال ممكن تركب اي واحد فيهم مكان التاني بس هتستعدل المواسير الأول

[halimo]

مشكورين يا جماعة على الاهتمام والردود ربنا يعمل مافية الخير لنا جميعا.