يا رجالة الأوبلاوية انا عايز مساعدة بجد !!

[Ruin Scud]

أنا كان ليا موضوع قديم عن صوت طقة في عربيتي الكورسا 2007 وهي دلوقتي تقريبا عامله 30000 كم وده لنك الموضوع

http://www.nilemotors.net/Nile/showthread.php?t=10207

المهم اليومين دول انا سمعت صوت الطقه ده تاني والظاهر ان الصوت بيزيد
المهم انا اخر مرة كنت في مقار قالولي هانغير البلي الأمامي يمكن العيب منه وبالفعل تم التغيير بس ده كان زي مسكن بس للصوت الصوت منع فترة بس رجع تاني دلوقتي
أنا بصراحة اتعقدت من التوكيلات وسنينها المهم روحت لواحد دكتور في العفشة نزل وكشف على كلا من
البيض
المقصات
بلي العجل من تاني
عمود صليبة الدركسيون
المساعدين واليايات وقلي يابيه ده العربية زي الفل ده حتى مفيش مسمار مريح او عايز تربيط !!! وطبعا ده بعد ماهرسنا العربية في المطبات وخلافه واكسر يمين على الاخر وفوق وتحت وهوب وطب !!!!!!!!!!!!!!!
المهم قولتله اركب ياعم الدكتور ونجرب !! الصوت كان لسه موجود صوت زي طقه مكتومه بتظهر من ادام تحت طبعا البيه العفشجي كوفتجي الي يابيه الألماني كوله كده وخصوصا الأوبل عموما انا وصلته الورشه واديته الي في النصيب وحتا معبرتوش باي كلمة
انا دلوقتي بجد احتارت جدا موش عارف ايه الحل في الموضوع ده !! هل ممكن يكزن الصوت ده ايه لو مكانش عفشه ايه موتور ولا فتيس ولا ايه بالظبط انا محتار جدا في الصوت ده
هو الصوت بيظهر اكثر عند اول كسره للدركسيون على خفيف لما تكون بتحود او بتلف براحة من وانت عدل .
ياريت ياجماعة لو حد عنده الحل يقولي ربنا يباركله انا مش مهم عندي اي حاجة من تكلفة وخلافه المهم ان الصوت يمنع ويمنع من المرض مش من العرض
وطبعا انا مش حقول اتوماستر باشا التوكيل عمل ايه وقال ايه لمل معرفوش يحلو المشكلة واخوان مقار روحتلهم يجي 3 مرات وبرضه مفيش فايده !!
هو الصوت صوت طقه احادية يعني طق مرة وحده مش مثلا تخبيط او تهبي او تخبيط مستمر لأ ده هو بيجي مرة واحدة بس وبعدين لازم تمشي فترة وترجع تكسر تاني عشان يجي مرة تانية وخصوصا في الطرق الوعرة
ياريت ياجماعة يكون في حل للعربية دي لأني بحبها موت ومقدرش اشوفها عيانة كده !
ولو في اي حل توكيل مش توكيا المهم اي حل وشكرا
واسف على الإطاله عليكم وشكرا

وتقبلو وافر تحياتي,

[ENG\AHMED]

الصوت لما بتلف الدريكسيون وانت واقف ولا وانت مماشى ؟؟
فى صوت طقة او تخبيط فى العفشة وانت ماشى عدل وللا مع لف الدريكسيون بس؟؟

[Ruin Scud]

الصوت وأنا ماشي واجي الف الدركسيون بيجي في اول اللفة او مثلا ودي اكتر لما اجي اركن فبأرجع لورة وان راجع بلف الدركسيون والعربية طبعا بتتحلاك بالراحة بيجي في اول اللفة انما والعربية واقفة لو لفيت كثير من غير العربية ماتتحرك الصوت مابيظهرش
والصوت مش صوت تخبيط متتالي او حاجهزي كده لأ ده صوت طقة واحدة بس وطبعا مع لف الدركسيون
حاجه كمان لو راكن العربية فترة وجيت اطلع بيها من مكان الركن لأدام اول لما العربية بتتحرك واجي الف الدركسيون بتحصل اول لما الف

[ENG\AHMED]

هو كدة مش بطاحات لأن لو كدة كانت هتعمل صوت على طول وبالذات وانت واقف
فى صوت خربطة فى علبة الدريكسيون او اعربية بتعوم على سرعة او حاسس فيها اى حاجة غريبة

[Ruin Scud]

بالنسبة للعربية العربية مابتعومش مني حتى لو كنت ماشي بسرعه والزوايا بتاعتها والحمدلله على الشعرة مفيش لاحدفة يمين او شمال وده اللي مخليني مستغرب !!
هو فيه يمكن حاجتين بساط مش عارف ليهم لازمة ولا لأ
اجنط الأمامي يمين في عوجة بسيطة كده خالص وعامله زي ماتقول رفة في العجلو الأمامية بس بالرغم من كده مابحسش بان العجلة عايزة ترصيص او بحس بحاجة في الدركسيون
الحاجة التانية اني لما الف ملف او اجى اكسر الدركسيون العربية متمشيش ستريت عدل الا لما اخلي الدركسيون في وضعه الزيرو بوينت بايدي ياعني باحس اني لازم اجيبه سنه كده او كده بحيث يبقا في النص وبعديها لما اسيبه بلاقي العربية مظبوطة مبتحدفش

[ENG\AHMED]

نتيجة اية العوجة دى؟؟

[Ruin Scud]

انا والله مش فاكر بس ممكن اكون حكيت في الرصيف وانا بركن ومأخدتش بالي بس كانت الطاسه اتكسرت اصل الكلام ده من مده يبقي اكيد ممكن تكون من المطب الي انا اخدته جامد من فتره بالعربيه بس انا فاكر ان الطقة كانت موجودة من اقبل ماخد المطب ده بس ماكنتش حاطتها في دماغي اوي الا اليومين دوله لما ذادت ورجعت تاني !!

[ENG\AHMED]

الحاجة التانية اني لما الف ملف او اجى اكسر الدركسيون العربية متمشيش ستريت عدل الا لما اخلي الدركسيون في وضعه الزيرو بوينت بايدي ياعني باحس اني لازم اجيبه سنه كده او كده بحيث يبقا في النص وبعديها لما اسيبه بلاقي العربية مظبوطة مبتحدفش

اكشف زوايا , مش شرط العربية تحدف علشان تيقى الزوايا مش مظبوطة , ممكن تيقى الناحيتين مش مظبوطين بس مع المشى يخلوا العربية ماشية عدل

مشكلة الطقة
-الاول اغسلها كويس من تحت
-اكشف على بارات علبة الدريكسيون
-لو الطقة من ناحية الخبطة اكشف على الجنب دة كلة المقص والجلب والشمعدان ..... لأن ممكن تكون الخبطة قصرت على حاجة "الزوايا هتبين اذا كان فى حاجة معوجة ولا لأ"

[Ruin Scud]

طيب تنصحني اني اروح التوكيل تاني ولا احاول بره لو في حد بيفهم في عفشة الأوبل انا كلها 300 كم وحاروح اعمل صيانة ال 30000 ؟؟
هي بصراحة كانت بتحدف يمين قبل صيانة 25000 بس لما عملت صيانة 25 في التوكيل ظبطو زوايا والفني انا سالته على الزوايا قاللي بقت تمام وهي بصراحة مبقتش بتحدف تاني
هو ممكن تكون دي عيوب علبة دركسيون ؟ لأني بصراحة مسبتش حاجه من حاجات العفشه الى لما بصيت عليها وده الي مقلقني اكتر وهي مكانها فين بالظبط في العربية مع العلم ان الطقة دي مش شرط انها تيجي في نفس الموقف يعني مع نفس مكان حركة للدركسيون

[ENG\AHMED]

طيب تنصحني اني اروح التوكيل تاني ولا احاول بره لو في حد بيفهم في عفشة الأوبل انا كلها 300 كم وحاروح اعمل صيانة ال 30000 ؟؟
هي بصراحة كانت بتحدف يمين قبل صيانة 25000 بس لما عملت صيانة 25 في التوكيل ظبطو زوايا والفني انا سالته على الزوايا قاللي بقت تمام وهي بصراحة مبقتش بتحدف تاني
هو ممكن تكون دي عيوب علبة دركسيون ؟ لأني بصراحة مسبتش حاجه من حاجات العفشه الى لما بصيت عليها وده الي مقلقني اكتر وهي مكانها فين بالظبط في العربية مع العلم ان الطقة دي مش شرط انها تيجي في نفس الموقف يعني مع نفس مكان حركة للدركسيون

موضوع ان الدريكسيون مش بيرجع غير لما تعدلة انت يازوايا يا ضغط هوا مش مظبوط
العربية لسة فى الضمان يعنى ماتروحش برة التوكيل , علبة الدريكسيون والدبرياج فيهم مشاكل محتاجين محافظة شوية فى الموديل دة , لما تروح التوكيل عرفهم كل اللى حصل وانك جيت كذا مرة قبل كدة ومتمشيش غير لما يقولك على العيب فين ويصلحة
علبة الدريكسيون راكبة فى الصدر الداخلى من تحت ورا الموتور

مع العلم ان الطقة دي مش شرط انها تيجي في نفس الموقف يعني مع نفس مكان حركة للدركسيون

يعنى اية؟؟

[Ruin Scud]

يعني صوت الطقة مش بيتكرر عند نفس مكان كسره الدركسيون , لأ ده ممكن يجي والدركسيون مش في نفس الوضع او الكسرة الي كان فيها لما الطقه حصلت
و هل تنصحني اروح اخوان مقار تاني لأنهم معايا من الأول لما الصوت ابتدى يجي ولا اروح التوكيل الرئيسي في الهرم على اساس انهم عندهم خبرة زيادة
وشكرا جزيلا اخي الفاضل على سرعة الإستجابة والرد وجزاك الله خيرا . :)

[ENG\AHMED]

روح منصور الهرم احسن , انا مجربتش مقار بس مادام فى الضمان خليك ورا منصور

[telatfy]

انا اظن ان قاعد الجير بوكس عايزة تتغير و الخبطة تأتى من تحرك الجير بوكس و اصطدامة بالتصفيح جرب حل التصفيح و امش بالعربية ستختفى الخبطة

[Ruin Scud]

الحمد لله ياجماعه العيب الخبيث الي كان في العربية اتحل انا لسا جاي الناهرده من التوكيل الرئيسي
وطبعا زي مالأخ الفاضل العزيز NoNaME اتفضل ونصحني اني اروح التوكيل الرئيسي
انا روحت واول لما قولتله على المشكلة عرف العيب فين علطول والحمد لله انو كله اتعمل في الضمان
المشكلة كانت في حاجتين علبة الدركسيون وعمود الدركسيون والتوكيل غيرلي الأثنين وكمان غيرو الإستابليزر في الضمان
ألف وحمد وشكر ليك يارب والف شكر للرجالة الحلوة اللي نصحتني في حل المشكلة
هوا صحيح كان صوت خفيف جدا بس الحمدلله
المشكلة ان السستم الخاص بالتوجيه كان فيه بوش خفيف جدا وهو ده كان السبب

[Ahmad Allawy]

الحمد لله يا باشا..
الف مبروك و ربنا يباركلك فيها..
الحمد لله انها طلعهت حاجة بسيطة و اتحتل علي خير من غير فلوس.. :) :) :)