حد جرب يركب كاسيت في الاسترا البرازيلي

[amirrk]

حد جرب يركب كاسيت في الاسترا البرازيلي
انا ركبت سماعات و طلع عيني فيها بصراحه فا مش عايز اكرر المأساه و اركب كاسيت يكون في مشكله في تركيبه
لو حد غير الكاسيت الاصلي بتاع العربيه و ركب واحد تاني ياريت يقولي الموضوع سهل و لا صعب و ايه التعديل الي حيتعمل
و برضه حكايه ان الكاسيت يقفل لما تبطل العربيه دي حتبقي موجوده ولا لأ؟

[Astra Lover]

انا عربيتى الكاسيت الى فيها مش الاصلى متغير بس انا مشتريها مستعملة كده مش انا الى مغيره بس انا فكيته عادى هو راكب بفيش القديم من غير اى حوار ولما تفصل البطارية بيشتغل عادى مش محتاج تدخل كود زى الاصلى الى كان فيها.

[mahamedaraby]

انا عندى الكاسيت الاصلى فى الكورسا و غيرته بدون اى مشاكل اهم حاجه اهم حاجه تختار حد بيفهم

[medo111]

انا عربيتى الكاسيت الى فيها مش الاصلى متغير بس انا مشتريها مستعملة كده مش انا الى مغيره بس انا فكيته عادى هو راكب بفيش القديم من غير اى حوار ولما تفصل البطارية بيشتغل عادى مش محتاج تدخل كود زى الاصلى الى كان فيها.

انا مش عارف ليه عندي مش بحتاج ادخل الكود لو فصلت البطاريه مش بيقولي عايز الكود بيشتغل عادي

[KOKOABDALLAH]

لا الكاسيت عادى على فكرة انا مغير الكاسيت مافيش فية مشاكل بس السماعات عشان الصاج عندنا محمل فاصعب تتركب بسهولة
توكل على الله وركب كاسيت وربنا يوفقك انشاء الله
هى عموما عربية معقدة فى كل حاجة عشان انا بحتار معاها اخر لما ازهق هبيعها بصراحة عشان كل الالمانى متعب اوى

[abonagham]

بصراحة لازم يكون حد بيفهم فعلا علشان الدنيا تظبط معاه ، وعن نفسي انا مشتري العربية مستعملة ومش عارف الأصلي عامل ازاي او ماركته ايه ، بس اللي راكب فيها حاليا ألماني ماركته بلاوبونكت وبيقفل مع قفل الكونتاك ، وربنا يوفقك ان شاء الله

[medo111]

بصراحة لازم يكون حد بيفهم فعلا علشان الدنيا تظبط معاه ، وعن نفسي انا مشتري العربية مستعملة ومش عارف الأصلي عامل ازاي او ماركته ايه ، بس اللي راكب فيها حاليا ألماني ماركته بلاوبونكت وبيقفل مع قفل الكونتاك ، وربنا يوفقك ان شاء الله

الاصلي ماركته فيليبس