محتاجة رايكم فى اوبل كورسا الجديد

[gha]

السلام عليكم اعضاء الجروب ...عايزة اشترى عربية جديدة وسألت فى قسم المقارانات عن الاوبل كورسا والايفو والتيدا وطبعا كل عربية لها مميزات وعيوب...فا فكرت اسأل عن كل عربية منهم فى القسم الخاص بها.........

من فضل حضراتكم تساعدونى شوية فى الاختيار وياريت رجاء تكون آراؤكم عن خبرة وتجربة....
رأيكم ايه فى الكورسامن حيث 1-الاداء 2-وتوفر قطع الغيار واسعارها و 3-التوكيل و 4-إعادة البيع
و 5-هل الاوتوماتيك افضل ام المانيول او بمعنى اخر هل له مشاكل؟؟انا بسوق من 17سنة ومعنديش مشكلة فى المانيول خالص لكن الكل بيقولى هاتى اوتو عشان الزحمة وخايفة من مشاكل الاوتو فى المستقبل إن شاء الله ..مع الوضع فى الاعتبار انى مش بسافر واستخدامى فى قلب القاهرة فقط تقريبا.واخيرا انا طبعا بتكلم على كورسا 2012 فا ياريت خبرتكم فى الموديلات الاخيرة منها...وشكرا جزيلا لكم جميعا حفظكم الله .

[bayantt]

وأنا كمان

[moody_687]

تيدا تكسب من حيث التوكيل محترم وقطع الغيار رخيصة وثابتة واعادة بيع ممتازة وواسعة من جوة وسريعة زي اي عربية ياباني ( التيدا عملية وشبابية )
الكورسا عربية الماني تعيش ف قطع غيارها بالرغم انها غالية توكيل سيء وثابتة وماسكة سعرها ف اعادة البيع بس معتقدش ان اللى هيجيبها هيبيعها ومش جراية قوي ( الكورسا عملية )
الايفو التربو تكسب من حيث السرعة وتوكيلها سيء ومش منتشرة واعادة بيع ف الحضيض ( الايفو شبابية فقط )
انا ف رأي التيدا الاول ثم الكورسا ثم الايفو
وطبعا ف ناس اكتر مني خبرة يفيدوك وتقبل تحياتي

[احمد فهمى]

السلام عليكم احنا كنا فى نفس المشكله من سنتين قريب كان عايز يشترى عربيه من التلاته وكانت ارخصهم الايفو وروحنا اتفرجنا عليهم والايفو خرجت فى اول مقارنه الخامات الداخليه بلاستيك شكلو رخيص والفتيس بتاعها مش اوتوماتيك عادى لا ايزى ترونيك وده نظىام محتاج تعود وقريبى كبير فى السن وطول عمرو سايق اوتو فمعجبوش الكلام + الخامات مش مشجعه وفيات توكيلها تعبان وبعد كده كانت الكورسا ودى كانت اعلى فئه بانوراما وفيها كل حاجه وانا قلتلو هى دى مثبت سرعه وبانوراما وكل ما تتوقع واوتوماتيك عادى وجنوط واي بى اس بس مشكلتها ان عندنا تجربه هباب مع منصور وبعد كده اتفرجنا على التيدا وبجد نسيت الكورسا :) التيدا عربيه حققت المعادله الصعبه واسعه جداً من جوه وفيها كل الكمليات واكثر اعتماديه طبعاً وتوكيلها فى كل مكان ومحصلش مشاكل منو وللاسف فى النهايه التيدا كانت اعرض واحده وده غير متناسب مع الجراج عندنا واشترينا الكورسا وعامله معانا 10000 كيلو متر حالياً والملاحظات منصور مازال توكيل ضايع وقطع الغيار غير متوفره لكن بالنسبه للعربيه مفيهاش مشاكل بس لو كان الجراج اكبر كنا جبنا التيدا ولو ركبت الثلاثه هتفهم قصدى وبالتوفيق واوعى تجيب عربيه مانيوال

[bayantt]

يعني قطع الغيار مش متوفرة في التوكيل؟ حاجة تانية انت بتقول ماشية ١٠٠٠٠ كم يعني المفروض مش اكتر من زيت وفلتر
علي فكرة ردك مهم لان انا ممكن اشتريها كمان يومين

[احمد فهمى]

يعني قطع الغيار مش متوفرة في التوكيل؟ حاجة تانية انت بتقول ماشية ١٠٠٠٠ كم يعني المفروض مش اكتر من زيت وفلتر
علي فكرة ردك مهم لان انا ممكن اشتريها كمان يومين

ايوا زيت وفلتر بس انا بتكلم على قطع غيار خارجيه يعنى مثلاً فى كساحه بتركب تحت الاكصدام اتكسرت لم نجدها فى اى مكان ومنصور جابها بعد 4 شهور والفيكترا سى اللى هى اقدم واكتر منها الى الان فى قطع غيار مش موجوده ولا داخل ولا خارج الوكيل المهم انت لو بتعمل كيلو متر عالى خليك فى التيدا ولو مش هتجيب اعلى فئه فى الكورسا البانوراما ومثبت السرعه يبقى خليك فى التيدا

[gha]

ايوا زيت وفلتر بس انا بتكلم على قطع غيار خارجيه يعنى مثلاً فى كساحه بتركب تحت الاكصدام اتكسرت لم نجدها فى اى مكان ومنصور جابها بعد 4 شهور والفيكترا سى اللى هى اقدم واكتر منها الى الان فى قطع غيار مش موجوده ولا داخل ولا خارج الوكيل المهم انت لو بتعمل كيلو متر عالى خليك فى التيدا ولو مش هتجيب اعلى فئه فى الكورسا البانوراما ومثبت السرعه يبقى خليك فى التيدا

شكرا لحضرتك على رأيك وشكرا لكل الاعضاء الافاضل على مشاركتهم وكدة بصراحة موضوع قطع الغيار يخلينى استبعد الكورسا ...ياريت التوكيل يكون حريص على توفير قطع الغيار ...تمنياتى للجميع بالخير والسلامة والامان.

[Ahmed_Ezz]

على فكرة قطع غيار الكورسا متوفرة فى التوكيل عادى جداا العربية مع صاحبى 2012 و بيشكر فيها جداا و فى الصيانة و اى حاجة بيعوزها منصور بيجبها حتى لو كماليات اضافية العربية انا جربتها اداء اكتر من ممتاز و سحب الاوتو رائع و و اسعة و شيك و الخامات ممتازة و ده راى

[bayantt]

على فكرة قطع غيار الكورسا متوفرة فى التوكيل عادى جداا العربية مع صاحبى 2012 و بيشكر فيها جداا و فى الصيانة و اى حاجة بيعوزها منصور بيجبها حتى لو كماليات اضافية العربية انا جربتها اداء اكتر من ممتاز و سحب الاوتو رائع و و اسعة و شيك و الخامات ممتازة و ده راى

قارنت ادائها بايه؟

[melagouze]

يعني قطع الغيار مش متوفرة في التوكيل؟ حاجة تانية انت بتقول ماشية ١٠٠٠٠ كم يعني المفروض مش اكتر من زيت وفلتر
علي فكرة ردك مهم لان انا ممكن اشتريها كمان يومين

توكلي علي الله و هاتي الكورسا...التيدا جميله من جوه ايوه....من بره شكلها عجيب شويه و اعتقد ان الشكل الجديد نازل قريب


التوكيل مش ضايع للدرجه دي ... انا توكلت علي الله و حجزت الاسترا ....و كنت في تردد جامد من ناحيه التوكيل....بس انا شايفهم بيشدوا حيلهم الايام دي

[Ahmed_Ezz]

قارنت ادائها بايه؟

بالاوبترا و الهيونداى جيتز و البونتو ايفو دول اللى كانو فى المقارنة معاها لكن التيدا لأ الصراحة لكن من ناحية الجودة و الخامات فى راى الكورسا تكسب التيدا

[احمد فهمى]

توكلي علي الله و هاتي الكورسا...التيدا جميله من جوه ايوه....من بره شكلها عجيب شويه و اعتقد ان الشكل الجديد نازل قريب


التوكيل مش ضايع للدرجه دي ... انا توكلت علي الله و حجزت الاسترا ....و كنت في تردد جامد من ناحيه التوكيل....بس انا شايفهم بيشدوا حيلهم الايام دي

مش ضايع؟؟ عمتاً بالتوفيق انا من 14 سنه مستنى يشدو حيلهم من ايام الفيكترا 1998 جبت كل موديلاتها الي الفيكترا سى ومستنى يشدو حيلهم احتمال تكون اكثر حظاً منى

[melagouze]

ههههههههههههههههههههههه........

[احمد فهمى]

على فكرة قطع غيار الكورسا متوفرة فى التوكيل عادى جداا العربية مع صاحبى 2012 و بيشكر فيها جداا و فى الصيانة و اى حاجة بيعوزها منصور بيجبها حتى لو كماليات اضافية العربية انا جربتها اداء اكتر من ممتاز و سحب الاوتو رائع و و اسعة و شيك و الخامات ممتازة و ده راى

ايوا منصور بيجبهالو بعد كام شهر انا استنيت باكتة السقف 4 شهور منصور بيجبهالى وجت غلط واستنيت شهر تانى فى الفيكترا سى اللى عددها اضعاف الكورسا وموجوده من 2006 وحتلى الكورسا استنيننا كساحة الاكصدام شهرين والى الان جارى البحث من منصور على علامة اوبل اللى فى الشبكه لفيكترا سى ومرحة الريداتير مش موجوده وفعلاً اى حاجه منصور بيجبها بس انت خلى عندك صبر شوف فى كام عربيه فيكترا واسترا وكورسا واقفه عندو من شهور عامله حوادث ومستنيين قطع الغيار تيجى من بره من الاخر اوبل شركه محترمه ومنصور ضيع سمعتها فى مصر وبصراحه مش هعرف اشرحلك الشعور وانت رايح الوكيل تسأل على قطعة غيار لعربيتك وتسمع فى المركب اللى جايه وعليك خير واحجز وهنكلمك

[melagouze]

يا احمد اللي انت بتقوله ده اكيد حصل و بيدل علي توكيل خايب....لكن صدقني انا قارنت بين حاجات عنده مع حاجات مع عربيات تانيه في نفس الكاتيجوري .....كان هو الارخص.....هو اللي انا شفته بيتغير انهم بقوا بيردوا عليه....كان قبل كده و لا حد بيعبرني ....و انهم بقي لهم جروب ع الفيس بووك بيردوا فيه علي الناس بسرعه ....و ان ممكن تحجز معاد صيانتك عن طريق خدمه العملاء......و لما اتصلت بيهم كانوا مهتمين علي غير العاده.....قلت يمكن ربنا يكرم....