مشكلة فى الفرامل

[zendo]

عندى مشكلة فى الفرامل ان هى ضعيفة قوى لازم اجيب اخر الدواسة علشان يا دوب تمسك وبتضعف اكتر لما بكون شايل اوزان فى العربية وفرامل اليد ضعيفة ولا كانها موجوده
رحت للميكانيكى كذا مرة يعمل ريجلاش وياخد هوا تبقى حلوة شويه بس مش للدرجة بحس ان هى مش بتمسك اوى العربية بتجرى شوية وشوية ترجع زفت زى الاول والدواسة تنزل وانا عملت ريجلاش ليها كذا مره وخدت هوا
الميكانيكى وهو بيعمل ريجلاش لقى طنبور من الطنابير الخلفية متاكلة بس هو قالى متاثرش على الفرامل وقالى التيل كويس بس هو مشافش الامامى
وفى الاخر قالى يبقى الماستر عاوز يتغير بس انا مش مقتنع حاسس ان فية مشكلة فى حاجة تانية ومش عاوز اغيرة على الفاضى والفرامل عندى بتاخد هوا عادى يبقى ماستر ازاى
معلش طولت يا ريت تفيدونى

[A.Saad]

روح للبلبيسى اللى عند سنترال النزهة
متخصص فرامل
الميكانيكى اللى عندك شكله كهربائى اصلا
ازاى طنبورة متاكله مش هتاثر فى الفرامل

[wama00]

كلام مش مقنع بصراحة,, شوف حد متخصص او حد على الاقل يكون فاهم

[zendo]

ماهو المشكلة عندنا فى بورسعيد مافيش حد فاهم ده انا يا اخى تعبت

[tananybasha]

تهريب او ماستر عمومى
طيب لو دست كذا مره ورا بعض تجمع
ولا زى ما هى
قصدى تعلى يعنى تحس ان البدال بقى فيه عافية

[zendo]

تهريب او ماستر عمومى
طيب لو دست كذا مره ورا بعض تجمع
ولا زى ما هى
قصدى تعلى يعنى تحس ان البدال بقى فيه عافية

بص يا طنانى لو قصدك والعربية دايرة عادى لو دست كذا مرة ولا كان البدال يفضل واطى لكن والعربية مش دايرة لو دست كذا مرة البدال بيعلى وبيحجر معايا يبتدى يهبط لما اشغل العربية وامشى بيها
تانى ومنتظر ردك

[zendo]

ها فين الردود يا جماعة ومستنى ردك يا طنانى

[tananybasha]

تهريب فى الماستر العمومى او ماستر فرعى
او طنبوره فى الضياع

[zendo]

تهريب فى الماستر العمومى او ماستر فرعى
او طنبوره فى الضياع

معلش يا طنانى اعرف منين واتاكد ان هو ماستر فية حاجة اعملها تعرفنى
ومتشكر لردك