محتاج النصيحة ضروري ربنا يخليكم

[uirap]

أنا معايا أوبل أسترا 1200 سي سي موديل 2000. العربية معايا بقالها سنة ونص. أول ما جبت العربية كانت بتجيب 160 مستريح عادي خالص. من 4 شهور غيرت الآتي:
1- طقم دبرياج كامل ماركة ساكس (اسطوانة وديسك وبلية فيها ماستر)
2- بوجيهات gm اصلي
3- فلاتر وزيوت
4- طنابير وتيل فرامل خلفي وأمامي
طبعا كله ألماني وفقا للمكتوب طبعا وانتم عارفين طبعا ان الموضوع متروك للضمير
المهم دلوقتي عندي المشاكل التالية:
1- الفتيس بيعض على النقلة التانية والرابعة
2- الموتور بقه سحبه ضعيف لدرجة انه لما بيجيب ال 120 الار بي ام بيوصل لحد 4 والسحب بعد كده بيقل خالص
3- في قاعدة موتور اعتقد عايزة تتغير (طرية) اللي هي الفوقية يمين
روحت للميكانيكي قالي الآتي:
1- تغيير قاعدة الموتور
2- الفتيس حيعمل فيه حاجة كده برة الجيربوكس بس مفهمتش منه حيعمل ايه بالظبط!!!
3- الموتور حيعمله سيرفس كامل علشان يفوق وينطلق!!!

ياريت المساعدة في الرأي والأسعار والماركات بالنسبة للقاعدة واهم حاجة علشان خاطر ربنا النصيحة لأني متفق بكرة معاه على ميعاد الصبح بس خايف يبوظ الدنيا
وربنا يخليكم للأوبلاية

[wama00]

والله عايز افيدك بس ما عنديش فكرة ايه المشكلة بالظبط,,, بس خلى بالك افهم الاول من الميكانيكى هيعمل ايه بالظبط علشان كلهم بيغنوا ويعملوا افلام وانا الواد التوت فروت وهعمل واسوى والاخر يفك مسمار ويربطة تانى ويقولك كله تمام يا باشا , انا مجرب قبل كدة ههههههههههه
والله المستعان

[SimplyM]

رايى الشخصى: خدها التوكيل كشف يقولولك ايه اللى فيها و اعمل اللى هيقولولك عليه عند واحد تضمنه