عايز انضف التابلووووووووووووه

[adelhamed]

السلام عليكم ورحمة الله وبركاته

انا التابلوه تاعبني معاه جدا لمعته اتطفت وفي التشقيقات الصغيرة اللي بين الخلايا اسودت فبئا شكله كئيب جدا وقولت هنزل عليه بحملة وجبت فوطه وجركن جاز وبقيت امسح التابلوه بالجاز

كان بيتنضف بس المشكلة اني خدت حوالي دقيقتين تلاته او اكتر في حته صغيره جدا غير انه محتاج يتدعك جامد وكتير في الاخر تعبت وزهقت وقولت اكيد في حاجه اسهل وانضف من الجاز

افيدوني الله يكرمكوا

[adelhamed]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[haitham2011]

الجاز هيبهدل الدنيا من شكل للريحه

اما اشتريت العربيه كان مستوي النضافه فيها عاااااااااالي اوي
جبت سفنجه نضيفه و فرشه بلاط وفوطين صفر (وااحده بصبن بيها و التانيه للتنشيف ) و كيس بيريل علي شويه ميه بتاع 2-3 لتر
بالنسبه للتابلوه هتشتغل بالسفنجه و لو فيه حته صعبه هتستعمل الفرشه بس بحذر علشان متسلخش التابلوه و تنشف بالفوطه النضيفه
فرش الابواب و الجريد اللي حوالين الابواب هتستعمل الفرشه
السقف عندي جلد فعملته بالفوطه مع ميه و صابون
و في الاخر مشيت عالدنيا كلها بالديتول علشان معايا اطفال صغيرين و اخيرا غرقت الدنيا بالبرافين
بس خد بالك من الحاجات الكهرباء زي الكاسيت و مفاتيح التابلوه و خلافه

ده الحل البلدي و اكيد فيه حاجات جاهزه و اسبيريهات لازاله الاتساخ و البقع

[adelhamed]

والله يا استاذ هيثم هي فكرتك حلوه وشكلي كدا هجربها

هي شكلها هتبئا صعبة شويه وهتاخد وقت بس هتجيب نتيجه انا كدا كدا هنزل عليها بحمله تانيه يوم الجمعه ان شاء الله من هنا ليوم الجمعه يمكن يكون في حلول اسرع شويه

شكرا جدااااااااا يا استاذي ومستنيين باقي الاقتراحات ان شاء الله :)

[adelhamed]

مفيش حد عنده اي اقتراح ؟؟؟

[cool_man]

غسيل كيماوي وريح نفسك فأي مغسله محترمة

[ahmedamr]

الطابلوة نضفة كويس من التراب بحتة مبلولة بعدين هات حتة سفنجة صغيرة وخلى معاك جركن الزيت بتاع الموتور بل السفنجة بزيت العربية وادعك فى الطابلوة ما تسبس حتة الا وما تعملها مجرد ما تقف فى الشمس تانى يوم هتحس ان لسة شاري العربية جديد بس ما تتقلش فى الزيت يعنى الحتة اللى تلمعها كويس ما تعملش عليها تانى
ومتنساش تدعيلي

[me_medoo]

حبيب قلبي خش على مواضيعي. او خش قسم تويوتا ودور على موضوع اسمو تنظيف الفرش البيج هتلاقيه في كل طرق تنظيف الفرش والجلد والتابلوة والسقف وفرش البيبان كمان

[Amrgamal1]

الطابلوة نضفة كويس من التراب بحتة مبلولة بعدين هات حتة سفنجة صغيرة وخلى معاك جركن الزيت بتاع الموتور بل السفنجة بزيت العربية وادعك فى الطابلوة ما تسبس حتة الا وما تعملها مجرد ما تقف فى الشمس تانى يوم هتحس ان لسة شاري العربية جديد بس ما تتقلش فى الزيت يعنى الحتة اللى تلمعها كويس ما تعملش عليها تانى
ومتنساش تدعيلي

زيت موتور ؟؟؟؟؟؟؟؟؟؟
حرام عليك
طيب قول زيت برافين ولا فازلين طبي

[kar!m]

ممكن تريح دماغك و تروح لحد بتاع كار كير محترم يعملهالك و خلاص.

[adelhamed]

شكرا يا جماعه ليكو كلكوا وفعلا شكلي في الاخر هوديها عند اي حد كار كير واخلص :d