اوبل استرا 2001

[hazem_salem]

السلام عليكم
يا شباب انا عايز اشتري عربية اول استرا 2001 ايه رايكم فيها انا حاسس ان الماتور بتاعها خفيف عليها اوي علما اني انا مشاويري بعيدة ياريت لو حد يعرف هي كام حصان.

[Ahmad Allawy]

شوف يا باشا..
في رأيي المتواضع..
الموتور مش ضعيف عليها طالما انت مش بتحرق علي العربية..
و برضه الموتور ده الماني.. يعني هيستحمل معاك جدا حتي لما تقرص عليه..
بس هي ثباتها حلو قوي علي كلام الناس اللي امتلكوها..و برضه بتجري و كده عادي جدا..
بس مش بتجمع بسرعة زي الكورسا السيدان مثلا..
وبرضه التكييف بيأثر علي سحب الموتور شوية..

في احتيار تاني متاح بسعر قريب قوي من الاسترا اللي انت عايزها..
وهي الكورسا السيدان..
1600.. و كاملة.. و بتجري جدا.. و قليلة الاعطال بنسبة كبيرة..
و ثباتها معقول جدا.. و موديل هيكون احدث بكتير.. يعني 3 سنين عل الاقل..
فكر كده و برضه اسأل حد امتلكا هيفيدك اكتر من كلامي انا..
واكيد اللي يعرف حاجة فينا هنا هيقولك و يفيدك ان شاء الله,,

[Ruin Scud]

عزيزي الفاضل بالنسبة للأوبل استرا موديل ال 2001 ال 1200 Cc هي كعربية تأفيل ممتاز جدا والعربية ماشاء الله على ثباتها ماحدش يقدر يختلف عليه وكل حاجه متأفله زي مالكتاب بيقول ,يعنى انسى عيوب التأفيل المصري اللي ممكن تلاقيها في اي عربية تانية .
انا كنت هشتري العربية دي بس فعلا لما جربت العربية بالمناسبة العربية كانت فابريكة بره وجوه وحاله الموتور ممتازه , حسيت ان العربيه سحبها ضعيف جدا وخصوصا لو شغلت التكييف بياخد وقت طويل على ما يسقع العربيه وخالي بالك الأوبل عموما ماشاء الله صاجه تقيل و جامد .
انا عن نفسي مفكرتش فيها كثير لأن معظم مشاويري طويله وبأحتاج التكييف علطول في الصيف .
لو انت عايز عربيه للسفر الكثير والمشاوير الطوالي وانت مشغل التكييف بلاش ال 1200 سي سي خليك في حاجه 1600 اكيد حتسد في السفر الطويل احسن من 1200 سي سي وخصوصا ان الماتور صغير على حجم العربيه .
ولو هتفكر في الكورسا انا اقدر افيدك لأني معايا وحده .

[ashour]

عزيزي الفاضل بالنسبة للأوبل استرا موديل ال 2001 ال 1200 Cc هي كعربية تأفيل ممتاز جدا والعربية ماشاء الله على ثباتها ماحدش يقدر يختلف عليه وكل حاجه متأفله زي مالكتاب بيقول ,يعنى انسى عيوب التأفيل المصري اللي ممكن تلاقيها في اي عربية تانية .
انا كنت هشتري العربية دي بس فعلا لما جربت العربية بالمناسبة العربية كانت فابريكة بره وجوه وحاله الموتور ممتازه , حسيت ان العربيه سحبها ضعيف جدا وخصوصا لو شغلت التكييف بياخد وقت طويل على ما يسقع العربيه وخالي بالك الأوبل عموما ماشاء الله صاجه تقيل و جامد .
انا عن نفسي مفكرتش فيها كثير لأن معظم مشاويري طويله وبأحتاج التكييف علطول في الصيف .
لو انت عايز عربيه للسفر الكثير والمشاوير الطوالي وانت مشغل التكييف بلاش ال 1200 سي سي خليك في حاجه 1600 اكيد حتسد في السفر الطويل احسن من 1200 سي سي وخصوصا ان الماتور صغير على حجم العربيه .
ولو هتفكر في الكورسا انا اقدر افيدك لأني معايا وحده .

انا مكان بقايد راى Ruin Scud و أحمد
لان الفرق بين المودلين حوالى 3 سنين و فرق السعر بينهم مش كتير
و فرق المواتير الكورسا هينفعك عشان مشاويرك..
و لو احتاجت اى استفسار عن الموديل ده احنا موجودين و تحت امرك.

[Ahmad Allawy]

طيب كلام جميل قوي..
ممكن بقي تقييم كامل و شامل للعربية دي؟؟
عشان انا باحبها.. و احتمال يبقي في قدامي واحدة كويسة..

[ashour]

هو انا نش عارف اقول رأى على هيئه تقييم....
و يمكن كمان شهادتى فيها تكون مجروحه
ممكن Ruin Scud يبقى حيادى و يقولوكو...

بس انا اكتر حاجه عارفها عن العربيه انها مجرمه..
انت ممكن تستخدمها عادى انما لو سواقتك جرى و حرق
فبلاش العربيه ديه... لان متورها اقوى من حجمها بكتير.

اذا فى شىء معين عايزين تستفسروا عنه اسأل و احنا موجودين.

[Ahmad Allawy]

و يمكن كمان شهادتى فيها تكون مجروحه

مش فاهم..
مجروحة ازاي يعني..؟؟

[ashour]

يعنى اجاملها زياده عن اللزوم

[Ahmad Allawy]

لأ جامل ولا يهمك.. بس احنا هنعرف نميز ايه فيه مجاملة و ايه واقعي..
و بعدين تحري الحياد..
:) :) :) حلوة تحري دي..
الواحد قلبت معاه بفصحي اليومين دول..
الظاهر الواحد ودانه نضفت من الفرجة علي المعلقين بتوع الجزيرة.. :) :)

[Ruin Scud]

يا أحمد بك العربيه دي جريئه جدا وزكيه
فول اوبشن وايموبلايزر ومرايات كهرباء
التكييف جامد بجد يعني ثلاجه
الجري مش هقول عليه كلمه بس فعلا عربيه مجرمه مجرمه زي م Ashour بك قال
الصاج تقيل يعني ثقيييل العربيه وزنها 1200 كج تقريبا
وطبعا من تحت العربيه من قدام في تصفيح ممتاز للموتور من تحت مقفل العربيه كلها متشوفش حاجه من الموتور الصاجه دي متينه جدا يعني لو شلته بأديك هتعرف
وبالنسبه للثبات اللي يقولك ان ثباتها وحش اقوله انت مش من ملاكها
العربيه دي لما بتزود سرعتها بيزيد ثباتها وخصوصا بعد 140 كم انا جربتها مره وحده بس كان الطريق فاضي لأني مش من هوات الجري يعني اخري 120
اسمع ان الأسطوانه والدسك بيبوظو بسرعه ده بالتأكيد عشان الشد والجري لأن العربيه مساعده
الصالون من وره يعني ديق شويه لو ثلاثه رفيعين يقعدو مستريح انما لو احجام خاصه صعب
بالنسبه للعفشه العفشه ناشفه شويه وده عشان الثبات بس اطمن مفيش مطب حيخوفك تعدي من عليه
وعموما العربيه معايا لو عايز تجرب وتعملها Test Drive انا تحت امرك

[Ahmad Allawy]

اهلا بيك يا باشا..
انا عارف انها كاملة ..
يعني ما شاء الله مفيش اوبشن مش فيها غير يمكن مثبت السرعة..
و بيتهيألي عيبها الوحيد في نظري.. ان مفيهاش ايه بي اس.

انا تعليقي بس الوحيد بالنسبة لمموضوع الاسطوانة و الدسك..
الموضوع ده مالهوش علاقة بالشد و الجري خالص..
ده عيب بيبقي موجود في حاجة في طقم الدبرياج..
و اللي عرفته من اسطي ميكانيكي كان شغال في مقار لحد شهر واحد فات بس..
ان في تعديل صغير كده بيتعمل..
تقريبا بتتغير بلية دبرياج او حاجة من هذا القبيل..و انساها علي كده..
وقالي بالنص.. العربية لو في الضمان بتتعمل اول مرة علي حساب التوكيل و خلاص علي كده..
ده بالنص اللي اعرفه عن الموضوع ده..

انا موضوع التست درايف ده ربنا يهل لما نتقابل بقي ان شاء الله..
والف شكر يا باشا علي التقييم الجامد جدا..

[ashour]

فعلا انا اخر سرعه بجبها و انا مطمئن 140
بس انا برده مش من هواه السرعه الزياده عن 120

بالنسبه للاسطوانه و الديسك انا دلوقتى 70000 و اهو يدوبك بيبتدى يشتكى.

عايز ازود مساحه الشنطه كويسه جدا..
اما عن مقارنتها بفئتها هتلاقى..
اليارس و الكليو و الفيرنا و الريو و الويرا و ....
معظمها بيترواح من 75 الى 80
اعتقد هى احسنهم و اللى بترتقى للمنافسه معاها هى اليارس بس... (عشان الاتوماتك)

[Ahmad Allawy]

والله يا عاشور بك..
بيتهيألي عشان اول مرة بس داخلة في 70 الف بس الاسطوانة..
بس لو غيرت قريب.. ممكن تعكمل معاك الطبيعي بقي بعد كده اللي هو 100 الف و انت طالع ..
ممكن تعدي ال130 الف كمان....
انا لسة مغير علي 130 الف و كانت بتاعت الفابريكة.. و كانت علي استخدام وحش جدا كمان بتاع المالك اللي كان قبلي للعربية..
هو و بنته.. :)

اما بالنسبة للفئة اكيد هي تكسب بمراحل.. وعلي فكرة.. معلومة حلوة بيقي هتعجبك..
العربية دي متوفر ليها في السوق الاستيراد.. فتيس ايزي ترونيك اوتوماتيك يا باشا..
بيتباع بالكنترول بتاعه بكل حاجته و علي حد علمي مش غالي كمان..
لأنه كان بينزل في النسخة الالماني للعربية دي اللي هي الهاتش باك اللي نزلت في اوروبا..

بالمناسبة.. اخر سعر للعربية دي في السوق زيرو كان كام..؟؟ 75 تقريبا ولا اكتر..؟؟

[ashour]

وعلي فكرة.. معلومة حلوة بيقي هتعجبك..
العربية دي متوفر ليها في السوق الاستيراد.. فتيس ايزي ترونيك اوتوماتيك يا باشا..
بيتباع بالكنترول بتاعه بكل حاجته و علي حد علمي مش غالي كمان..
لأنه كان بينزل في النسخة الالماني للعربية دي اللي هي الهاتش باك اللي نزلت في اوروبا..

يـــــــــــــــــــاه متعرفش المعلومه ده مفرحانى قد ايه :embarrassed2::arghh:

هو بالنسبه لمودوع الدبياج... انا شاكك مش اكيد..و انا بظبط فيها هكشف على الطقم إن شاء الله.

اسم الموضوع لازم يتغير و يبقى كورسا سيدان

[ENG\AHMED]

السلام عليكم
يا شباب انا عايز اشتري عربية اول استرا 2001 ايه رايكم فيها انا حاسس ان الماتور بتاعها خفيف عليها اوي علما اني انا مشاويري بعيدة ياريت لو حد يعرف هي كام حصان.

كانت مع واحد قريبى وكانت اوتوماتيك كان عيبها الوحيد موتورها علشان 1.2 والعربية تقيلة وبالذات لو مشغل التكييف ومحمل او طالع مطلع (هو كان استخدامة تقيل شوية وممكنن بيدخل بيها فى حتت مكسرة وفى اماكن فى الجبل حسب طبيعة شغلة) وكان بيسافر كتير ومشتكاش منها فى سفر لأن طريق مفتوح هتجمع براحتك
بعدها جاب صنى مستحملش غيرها باوكتافيا A4 بس على كلامة احسنهم الاسترا بس لو موتور اشد