يا جماعه حد يعرف ميكانيكي جامد جدا لكربراتير الاوبل 94 1200 سيسي

[dodo8499]

يا جماعه حد يعرف ميكانيكي جامد جدا لكربراتير الاوبل 94 1200 سيسي .. عشان عندي في مشكله انها بطلع دخان اسود بسيط من الشكمان...ولا زم اروح لميكانيكي فورا !!!!

[Ahmad Allawy]

باقولك ايه..؟؟
ما توديها منصور الصحراوي..
معلش ممكن يكون فيها شوية فلوس زيادة..
بس اشتري دماغك.. و ان شاء الله هتبقي زي الفل..

[dodo8499]

مين منصور الصحراوي ده ؟؟ ومكانه فين وهوا بتاع اوبل ولا لآ....وبتاع كربراتير ولا مواتير ولا تخصصه ايه؟

[Ahmad Allawy]

ههههههههههههههههههههه
والله ضحكتني بجد..
ده توكيل اوبل يا حماده..
:) :) :)

في اول الطريق الصحراوي.. الكيلو 4.5 تقريبا حاجة زي كده..
طريق القاهرة اسكدنرية الصحراوي يعني..
ده مركز الصيانة الرئيسي لمنصور

[FLYINGPEUGEOT]

(ملك الكربراتير)
م/رضا

شارع المطبعه-الهرم

مدرسة كربراتيرات

[Ahmad Allawy]

طيب يا عم و ساكت م الصبح..؟؟
ما تقول من الاول..؟؟!!
ولا هو لازم تستني تشوف خد هيعرف يجاوب ولا لأ..؟؟ :) :) :)
لم ينجح احد في اختبار الكربراتيرات.. :) :) :)

الف شكر يابو هاني.. و اخبار العروسة ايه..؟؟ (العربية يعني)

[FLYINGPEUGEOT]

احمد بك علاوى ...سلامات , احترامات, قوبولات :)

لا والله ياباشا انا بس لسه شايفه :)
وعلى فكره الراجل ده ملوووش حل..وناس بتجيلوا من اقاليم ومن آخر الدنيا

وبالنسبه للعروسه....خللصنا مرحلة التأهيل...ودخلنا فى مرحلة التزويق :)
بويه وبودى كيت وشخاليل واللذى منه

هى المفروض كان زمانها خلصانه من 10 ايام ...بس انا اللى مكنتش فاضيلها خالص
واستعد ياباشا عشان هتكون من احد الشهود ليلة كتب الكتاب :)

[Ahmad Allawy]

بقي ده كلام برضه..؟.؟
مش فاضي للعروسة..؟؟
عموما انا باستعد من دلوقتي.. حلقت و باكوي البدلة و القميص علي الحبل خلاص.. :) :) :)

[Mzeid]

و أنا هحضر الفرح :d:d:d:d:d:d