عايز اعرف سعر الصالون لفيكترا بي جلد بكام؟؟؟

[mora1stromio]

السلام عليكم
اسف يا جدعان تاعبكوا معايا
كنت عايز اعرف سعر صالون الفيكترا بي يعمل كام
اللي هو الكنبة اللي ورا والكرسيين الاماميين بس يكونوا جلد فبريكه اسود والجناب لوحدها تعمل كام هيا كمان
وهو في فعلا صالون بينزل جلد طبيعي فبريكة للعربية دي ويعمل كام
مشكورين الف شكر

[Amrgamal1]

الصالون الجلد دا بتاع ال cdx
بس مش عارف يعمل كام وبيتباع لواحده ولا لأ
عشان متهيقلي الصالون كله بيتباع الكراسي بالجلد مش الفرش لواحده
بس اصلي اوي زي بتاع المرسيدس والبي ام .. جلد طبيعي

[tananybasha]

بيتباع على بعضه و ياريت تجيب معاه فرش الأبواب
كام
مش عارف
بس اكيد هيبقى غالى
ده جلد طبيعى
يا اما تفصله عند حد نضيف

[mora1stromio]

الصالون الجلد دا بتاع ال cdx
بس مش عارف يعمل كام وبيتباع لواحده ولا لأ
عشان متهيقلي الصالون كله بيتباع الكراسي بالجلد مش الفرش لواحده
بس اصلي اوي زي بتاع المرسيدس والبي ام .. جلد طبيعي

الف شكر على الرد يا باشا والله
هو انا قصدي زي ما انت بتقول فعلا على بعضه كراسي بالجلد بتاعها الفبريكه
بس هو في رايك لو الفبريكة بيبقى نضيف فعلا ويستحق
اصل انا قدامي واحد بـــــ2000 جنيه

[mora1stromio]

بيتباع على بعضه و ياريت تجيب معاه فرش الأبواب
كام
مش عارف
بس اكيد هيبقى غالى
ده جلد طبيعى
يا اما تفصله عند حد نضيف

ازيك يا استاذ طناني
انا يا باشا زي ما قولت لعمرو
انا لقيت واحد بــ2000 جنيه صالون كامل ما عدا فروشات الابواب جلد فبريكة اسود
وبعدين انا كده كده عايز اغير الصالون عشان بتاعي بايظ خالص فانت شايف ان ده تمام ولا ايه رايك
ومتشكر جدا على الاهتمام

[Amrgamal1]

ب 2000 لو حالته نضيفه مافهوش قطع و كدا يبقي تمام اوي
لو فصلته جلد وظبط الكراسي والكنبه عشان اكيد مهبطين يخش معاك في حوالي 1400 جنيه
ومش هيبقي جلد طبيعي ... هيبقي جلد امريكي نضيف بس مش طبيعي زي اللي انت هتجيبه

بس حاول تجيب فرش الابواب

[sunsonson]

كنت سآلت قبل كده علي فرش الابواب واتقالي علي الباب الواحد 100 جنيه اول كلام وكان الفرش كامل بالفبره وكلو ...يعني سكت 350 الي 400 في الحدود ده

[mora1stromio]

ب 2000 لو حالته نضيفه مافهوش قطع و كدا يبقي تمام اوي
لو فصلته جلد وظبط الكراسي والكنبه عشان اكيد مهبطين يخش معاك في حوالي 1400 جنيه
ومش هيبقي جلد طبيعي ... هيبقي جلد امريكي نضيف بس مش طبيعي زي اللي انت هتجيبه

بس حاول تجيب فرش الابواب

هو للاسف انا لما بصيت عليه تاني النهارده لقيت فيه كام قطع كده "فك خياطه"
والمشكلة عندي يا عمور ان الكراسي بتاعتي الاساس بتاعها مش تمام عشان كده عايز اجيب الصالون كامل من بابه واريح دماغي
بس المشكلة اني لقيته برده ان السفنج بتاعه ناشف شويه
فهل ده طبيعي انه يبقى ناشف كده ولا ايه رايك؟؟
وهو الراجل قالي على فكره انه ممكن ينزل فيه 200 جنيه

[mora1stromio]

كنت سآلت قبل كده علي فرش الابواب واتقالي علي الباب الواحد 100 جنيه اول كلام وكان الفرش كامل بالفبره وكلو ...يعني سكت 350 الي 400 في الحدود ده

كنت سألت فين يا باشا
عشان لو كده اروح اشوف عنده صالون ولا ايه؟؟

[Amrgamal1]

هو للاسف انا لما بصيت عليه تاني النهارده لقيت فيه كام قطع كده "فك خياطه"
والمشكلة عندي يا عمور ان الكراسي بتاعتي الاساس بتاعها مش تمام عشان كده عايز اجيب الصالون كامل من بابه واريح دماغي
بس المشكلة اني لقيته برده ان السفنج بتاعه ناشف شويه
فهل ده طبيعي انه يبقى ناشف كده ولا ايه رايك؟؟
وهو الراجل قالي على فكره انه ممكن ينزل فيه 200 جنيه

متهيقلي عادي
انا بركب مرسيدس c280 2009 السفنج بتاعها ناشف بردو تحس انه ماسك نفسه كدا مش زي كرسي الانتريه :)
اهم حاجه مايكونش مهبط زي ما قولتلك
-لو الخياطه مفكوكه ممكن تتعمل عند اي سروجي نضيف وياسلام لو عملت الصالون كله خياطه ( دابل ) بلون مختلف
يعني تبقي الخياطه مثلا احمر او ازرق علي لون الجلد هتبقي تحفه بس هتكلفك 150 جنيه للصالون كله
- لو الجلد نفسه مقطوع يبقي بلاش تاخده
وحاول تنزل في سعرة تاني عشان الخياطه

[mora1stromio]

الف الف شكر يا عمور على اهتمامك والله
بس هو فعلا زي ما بتقول الجلد نفسه فيه قطعة صغيرة كده وانا بصراحة عايز اجيبه وما اعملش فيه شغل خالص يبقى شغل بلاده افضل
وبعدين هو ما ينفعش اني اجيب كراسي غير كراسي الاوبل واركبها عشان تبقى طرية شوية لان ضهري تعبان؟؟

[Amrgamal1]

الف الف شكر يا عمور على اهتمامك والله
بس هو فعلا زي ما بتقول الجلد نفسه فيه قطعة صغيرة كده وانا بصراحة عايز اجيبه وما اعملش فيه شغل خالص يبقى شغل بلاده افضل
وبعدين هو ما ينفعش اني اجيب كراسي غير كراسي الاوبل واركبها عشان تبقى طرية شوية لان ضهري تعبان؟؟

العفو
خلاص بلاش تجيبه
ممكن تنجد اللي عندك وتظبطهم هيبقي اعدتهم مريحه اوي
لو روحت لسروجي بيفهم ممكن يفصلهملك من جديد ويعملهوملك الشكل اللي انت عايزة
يعني هياخد الشاسيه بتاع الكرسي ويعيد تشكيله وتصنيعه من جديد وشوفت ناس عملتها قبل كدا
بس عايز سروجي صايع

[sunsonson]

كنت سألت فين يا باشا
عشان لو كده اروح اشوف عنده صالون ولا ايه؟؟

الكلام ده من يجي كام شهر كده هو واحد في الوكاله اسمو حاجه حموده متهيئلي كان الباب الواحد عامل ١٠٠ جنيه بس منغير الاكره وتوصيلاتها بس بالمقبض البلاستك ..لو نزلت وشآلت عليه هيدلوك لانهم في الوكاله بتاع اربعه خمسه الي بيشتغلو في الاوبل

[mora1stromio]

والله انت افدتني جدا يا عمور انا هادور بعد ما ارشها ان شاء الله على سروجي نضيف اشوف يقدر هو يعمل فيها ايه

الف شكر لــ sunsonson متشكر جدا يا باشا ان شاء الله انزل الوكاله ولو جبتهم ابقى اقولوكم على سعرهم وحالتهم

[Amrgamal1]

والله انت افدتني جدا يا عمور انا هادور بعد ما ارشها ان شاء الله على سروجي نضيف اشوف يقدر هو يعمل فيها ايه

الف شكر لــ sunsonson متشكر جدا يا باشا ان شاء الله انزل الوكاله ولو جبتهم ابقى اقولوكم على سعرهم وحالتهم

ربنا معاك وابقي قولنا عملت ايه