يا اهل الخبرة فى الاوبل ارجو الافادة

[michw]

ارجو الافادة انا هاشترى استرا 1994 هاتش باك السعر 30.000 ما راي اهل الخبرة الحالة ممتازة جدااارجو الافادة انا هاشترى استرا 1994 هاتش باك السعر 30.000 ما راي اهل الخبرة الحالة ممتازة جداا
الموتور 1400 انجكشن الدواخل ممتازة يوجد تكييف عاوز شحن الميكانيكى بيقولى العربية عفشتها كلها زى الدايو لانوس يعنى قع غيارها متوفرة ورخيصة بس دة فى العفشة ارجو الافادة من اهل الخبرة وشكرااااا

[mifs]

مبروك مقدما
لكن اكشف عليها في مقار

[haitham2011]

الف مبروك اولا

العربيه ده ممتازه و لسه واحد صاحبي جايبها من اقل من اسبوع
هي اصغر شويه من الفيكترا موتور 1400 سي سي 4 رشاش و موجوده في بورسعيد الي حد ما بس قليله قوي في باقي المحافظات و اغلب قطع غيار الدايو بيركب عالاوبل باعتبار ان الاتنين gm
اكشف كويس قوي عليها و اتاكد ان التكييف عايز شحن بس و شغال مفيهوش اعطال
بس العيب اللي فيها ان فيشه الاوكتان 95-98 يعني لازم تمشي ببنزين علي الاقل 92

و يا رب تتم لو ليك خير فيها

[haitham2011]

و علي فكره نفس التابلوه بتاع الكورسا و التيجرا

[michw]

انا متشكر جداا للرد بس احب اعرف السعر بالنسبة للموديل كويس ولالا وهى احسن ولا هيونداى اكسيل 94 هاتش باك

[michw]

وكمان متشكر للعضو بس اية فيشىة الاوكتانhaitham2011 وشكرا علما انى اوبلاوى جديد

[haitham2011]

تحت امرك
اغلب مواتير الاوبل الاسبراتير بتاعها ثابت لبيقدم و لا ياخر فبيبقي موجود فيشه حجم صابع اليد خلف قربه الميه هتلاقي عليها رقمين من الجنبين و ده بيتحكم في توقيت الشراره حسب نوع البنزين
و المكنه ده كامه واحده

[michw]

haitham2011 انا شاكر افضالك بس ممكن تقولى السعر كويس ولا غالى ولو سمحت اقدر اعرف تقييمك لعيوب النوع دة مثل ( سخونة /عومان/ الخ ) وشكرا واسف للاطالة

[michw]

اسف بس ممكن تقولى دى ولا هيونداى اكسيل هاتش باك وشكرا

[haitham2011]

haitham2011 انا شاكر افضالك بس ممكن تقولى السعر كويس ولا غالى ولو سمحت اقدر اعرف تقييمك لعيوب النوع دة مثل ( سخونة /عومان/ الخ ) وشكرا واسف للاطالة

مفيش افضال و لا حاجه احنا هنا كلنا اخوات و اللي يعرف معلومه مبيبخلش علي حد بيها و كلنا بنفيد بعض
بالنسبه للسعر الحاله هي اللي تحكم يعني العربيه لو مفهاش مصروف كبير او نهائى يبقي السعر ممتاز

السخونه زيها زي اي اوبل لو دوره التبريد مظبوطه عمرك مهتفكر في حراره
الثبات حدث و لا حرج بس اقل من الفيكترا ايه بحاجه بسيطه و ده مش عيب
اقتصاديه في الاستهلاك و قوتها 59 حصان صافي و ممكن تجيب معاك 160-170 كم/س
و لو في اي حاجه تاني تحت امرك

[haitham2011]

اسف بس ممكن تقولى دى ولا هيونداى اكسيل هاتش باك وشكرا

مع احترامي الكامل لهيونداي بس مفيش وجه مقارنه من ثبات لسحب لفخامه صالون لخامات
الحسنه الوحيده للاكسيل توفر قطع الغيار عندك اما الاسترا لو مش عندك هتجيبها من بورسعيد

[michw]

شكراااااا للرجالة

[tananybasha]

زى ما قلتلك فى التليفون
الهيونداى قطع غيار و صيانه رخيصه
بس كده