خدوش في عربيه جديده

[melagouze]

السلام عليكم و رحمه الله انا معايا دلوقت اوبل استرا فيراني 2012 و العربيه واحد ربنا لا يسامحه خيش في جنب العربيه من ناحيه السواق و ساب خرابيش رفيعه و طويله في جنب العربيه

انا مأمن علي العربيه ....هل اروح اعملها في التوكيل ....و لا اي حد بوهيجي يعملها بكومباوند و بولش ..... و هل حد عالج الخدوش قبل كده في التوكيل؟؟؟؟؟؟؟؟؟

لو مكاني تعملوا ايه؟؟؟؟

[MohammedAladel]

هو بصراحة العربية دى غالية ومش عايز أنصحك بحاجة وخلاص ومعتقدش ان مشكلة زى دى التأمين هيعالجها معلش يعنى دا العيال الصغيرة اللى فى الشارع عربيات الناس بالنسبة لهم فن تشكيلى بسن قلمه وينحت فيها وبس مسمار لو عاجباه العربية وانا جبت القلم السحرى اللى بيقولوا عليه فى التى فى هو حل عملى ولو الخدش صغير تقريبا مش هيبان لكن مش ممتاز وعمره ما هيبقى زى اللون الأصلى بتاع العربية لكنه أحسن بكتير من شكل الخدش ولو الخدش كبير عليك بالتوكيل وربنا يباركلك فى العربية الجميلة دى ويكفيك شرها يا جميل

[tananybasha]

ممكن برنامج ازاله الخدوش فى كار كير محترم يشيلها
التوكيل هيقلك رش
الصنايعية مش هيظبطوها زى ما انت متخيل

[dede_dodo88]

يااااااه... أخيراً لاقيت حد غيري هنا معاه أسترا j!!..
أنا لو منك هجرب الأول اشوف في التوكيل ممكن يعمل فيها أيه, لو لاقيتهم هيعكوا و مش هيعرفوا يرجعوها زي الأول هبتدي أدور على حد بره شاطر, و أعتقد في ناس بره شاطرة في الحاجات دي, ده على حسب ناس أعرفهم عربياتهم كان فيها خبطات جامدة و محتاجوش يرشوا العربية بالكامل هي مكان الخبطة بس و مكنش في أي فرق في اللون..

بس بعيداً عن الخرابيش أيه أخبار العربية معاك ؟ :)

[tananybasha]

انا جربتها مع توكيل تويوتا
قالوا هتترش
خدتها عملتها فى كار كير
و رجعتها التوكيل
قالوا مرشوشه فابريكا
الله ينور

[dede_dodo88]

انا جربتها مع توكيل تويوتا
قالوا هتترش
خدتها عملتها فى كار كير
و رجعتها التوكيل
قالوا مرشوشه فابريكا
الله ينور

بس ده هيبوظ دهان الفابريكا أو حاجة ؟!
و فين كار كير يكون كويس ؟..

[melagouze]

اربيه جميله ...سحبها في التليين كان ضعيف بس دلوقت بقي كويس.بعد الفين و نص كيلو .. ممتازه في السفر........عاليه و ما بتحكش .......مريحه جدا في الشوارع المكلسره...تكييفها كويس...و تقفيلها ممتاز........الامان فيها رائع ......عربيه جميله.....مشكلتها في توكيلها ...بس هيه لو قارنتها باي عربيه في سعرها هيه تكسب و بجداره في رايي

[tananybasha]

يبوظ دهان الفابريكا لو اللى شغال مش فاهم الشغل
و بيرجع العربية زيرو

[dede_dodo88]

عربيه جميله ...سحبها في التليين كان ضعيف بس دلوقت بقي كويس.بعد الفين و نص كيلو .. ممتازه في السفر........عاليه و ما بتحكش .......مريحه جدا في الشوارع المكسره...تكييفها كويس...و تقفيلها ممتاز........الامان فيها رائع ......عربيه جميله.....مشكلتها في توكيلها ...بس هيه لو قارنتها باي عربيه في سعرها هيه تكسب و بجداره في رايي

100 100
و ده كان رأيي برضه :)
أنا الصراحة بتبسط أوي لما بشوف العربية دي في الشارع, و مؤخراً حسيت أنها أبتدت تنتشر شوية.. يعني قبل كده مثلاً مكنتش شفتها غير 3 أو 4 مرات بالكتير. دلوقتي بقيت أشوفها كل مرة بنزل. و لسة شايف واحد سودة جديدة بالأستيكر الأبيض لسة عليها :)
بس النهاردة زعلت أوي شفت واحدة تربو قريب مني الأكصدام ورا مخبوط و داخل جوا من الجنب و الفانوس متدشدش :((
ربنا يحفظنا..

[MohammedAladel]

الأسترا الجديدة الهاتش باك هى اللى تحفة انما الأسترا القديم تحس انها صغيرة شوية وشكلها مش حلو زى الفيكترا لكن هى سعرها غالى برضه مش رخيص مقارنة بأى عربية تانية بس موتورها جباااااااااااااااار

[MohammedAladel]

هى عربيتك تربو ولا عادية بصراحة التربو منها هى اللى جامدة 180 حصان وهل العربية دى نازل منها فتحة سقف بانوراما ولا لا ؟ أنا شايف أن أوبشنها مش عالى قوى مفيهاش ولا سخانات كراسى ولا كراسى كهربا ولا حساسات ركن ولا كاميرا خلفية

[melagouze]

اللي حضرتك بتقوله مظبوط ...هيه فيها اوبشنز مش موجوده بس فيه حاجات مهمه زي esp و فرامل يد كهربه و حساس لقياس لزوجه الزيت و تحديد العمر المتبقي له ...بص اهم حاجه بالنسبه ليه كانت الامان و الراحه ....و هيه فعلا فيها الحاجتين دول بشكل هايل.......لما تيجي تقارن العربيه اجمالا باي عربيه في سعرها اجمالا ...انا شايف انها تكسب .......الهاي لاين بتاعتها هيه اللي فيها فتحه سقف و يو اس بي و 180 تربو

[MohammedAladel]

اللي حضرتك بتقوله مظبوط ...هيه فيها اوبشنز مش موجوده بس فيه حاجات مهمه زي esp و فرامل يد كهربه و حساس لقياس لزوجه الزيت و تحديد العمر المتبقي له ...بص اهم حاجه بالنسبه ليه كانت الامان و الراحه ....و هيه فعلا فيها الحاجتين دول بشكل هايل.......لما تيجي تقارن العربيه اجمالا باي عربيه في سعرها اجمالا ...انا شايف انها تكسب .......الهاي لاين بتاعتها هيه اللي فيها فتحه سقف و يو اس بي و 180 تربو

ع العموم ربنا يديك خيرها ويكفيك شرها العربية عبارة عن ماسة ماشية ع الأرض وتقريبا كل عربيات أوبل تحس فيها كدا

[dede_dodo88]

هى عربيتك تربو ولا عادية بصراحة التربو منها هى اللى جامدة 180 حصان وهل العربية دى نازل منها فتحة سقف بانوراما ولا لا ؟ أنا شايف أن أوبشنها مش عالى قوى مفيهاش ولا سخانات كراسى ولا كراسى كهربا ولا حساسات ركن ولا كاميرا خلفية

فتحة السقف بتنزل في التربو بس لكن مش سقف بانوراما حتى..
هي صحيح العربية ينقصها شوية كماليات كده لكن متقدرش تقول أن أوبشانها مش عالي أوي لأن الحاجات اللي ناقصة فيها مش ضرورية أوي..

[dede_dodo88]

اللي حضرتك بتقوله مظبوط ...هيه فيها اوبشنز مش موجوده بس فيه حاجات مهمه زي esp و فرامل يد كهربه و حساس لقياس لزوجه الزيت و تحديد العمر المتبقي له ...بص اهم حاجه بالنسبه ليه كانت الامان و الراحه ....و هيه فعلا فيها الحاجتين دول بشكل هايل.......لما تيجي تقارن العربيه اجمالا باي عربيه في سعرها اجمالا ...انا شايف انها تكسب .......الهاي لاين بتاعتها هيه اللي فيها فتحه سقف و يو اس بي و 180 تربو

ده حقيقي فعلاً, أهم حاجة تكون سايق و أنت حاسس بالأمان و الأحساس ده موجود في العربية دي..
و أنا شايف أنها تتفوق على الجولف بكتير شكلاً و مضموناً حتى مع وجود شوية الكماليات الناقصة..
بس الصراحة اللي كنت هموت عليه و يبقى موجود في العربية الفوانيس الزينون بالـafl بس التوكيل مبينزلش الفوانيس دي أصلاً و لو جبتها من بره سعر الفانوس الواحد هيعمل في حدود 7000 :s