اوبل فيكترا 1600 2001

[Eng_AmrAllam]

السلام عليكم ورحمه الله وبركاته

قدامي اوبل فيكترا 1600 سي سي موديل 2001

حالتها لقطه عامله 88 الف كيلو الاستبن لسه ملمسش الارض فابريكه برة وجوة مفهاش ولا حاجة رشه

التكيف شغال زي الفل تمام وقوي جدااا والشاشه الديجيتل اللي في التابلوة شغاله

والكاسيت الاصلي بتاعها بحالته والفرش بتاعها الاصلي بحالته برده

وصيانتها من الزيرو في التوكيل ومعاها كل الفواتير

السياره كانت بتاعه سيدة وكانت محافظة عليها جداااا

انا عايز اعرف العربية دي تعمل لها في حدود كام عشان طالب مني سعر انا شايفه عالي

وسؤال كمان وانا ببص علي المتور لقيت رزاز زيت تحت جوان وش الصلندر فقولتله دي ضاربه جوان قالي لاء دي حاجة بسيطة فعايز اعرف دة طبيعي ولا اية ؟؟

معلش طولت عليكم وشكرا مقدما

[جوكر المصرى]

سعر السياره من 55 57 لو بالحاله اللى انت قلتها

[alnmr79]

طبعا العربية بالوصف دة لقطة الزيت دة ممكن يكون جوان غطاء التكيهات ودى حاجة بسيطة جدا ممكن الغطاء يتربط عليه شويه وخلاص-العربية مانوال والا اوتماتيك ولونها ايه وحالة الدهان اخبارو ايه علشان نحددلك السعر التقريبى ليها

[Eng_AmrAllam]

العربية مانيول 2 زجاج كهربا ولونها كحلي

الدهان كله تمام
فيها بس طوبة كدة في السقف عمله حفرتين مش باينين

[alnmr79]

لحد 55 تبقى كويسة
بس لو اللون مميز زى الفضى والرمادى والزهبى بالاضافة الى بقية الكماليات كانت تعدى ال60 الف مستريح

[kar!m]

بسم الله ما شاء الله.

بالحالة دي .. تعمل لها 63 ألف جنية.

[Eng_AmrAllam]

لحد 55 تبقى كويسة
بس لو اللون مميز زى الفضى والرمادى والزهبى بالاضافة الى بقية الكماليات كانت تعدى ال60 الف مستريح

فعلا السعر دة يبقي الطبيعي بتاعها بس صاحبها طالب 65 !!!!!!!!!!!!!!!!!!!!!

[zizo50001]

على فكرة لو با الحالة اللى انت بقول عليها دى و فبريكة برة و جوة ومش عايزة حاجة يبقى تجيب 65 ولو تعرف تنزل لحد 63 يبقى مية مية
على فكرة استحالة تلاقى حاجة راشة برة و نظيفة ب 55 استحالة الحالة النظيفة بتوصل لحد 60 و الفبريكة برة و جة بتوصل لحد 65

[alnmr79]

على فكرة لو با الحالة اللى انت بقول عليها دى و فبريكة برة و جوة ومش عايزة حاجة يبقى تجيب 65 ولو تعرف تنزل لحد 63 يبقى مية مية
على فكرة استحالة تلاقى حاجة راشة برة و نظيفة ب 55 استحالة الحالة النظيفة بتوصل لحد 60 و الفبريكة برة و جة بتوصل لحد 65

فى الحقيقة الاسعار متفوته بين العربيات وكماليتها 2001 مانوال غير ال1600 اوتو غير ال2000 الاوتو
انا فى قدامى نفس العربيةلونها اسود فابريكة جوه وبره بس اللون مجرب شويه من الشمس يعنى عايزة وش نضافة وماشية 110000 كم والمطلوب 50000 وممكن تنزل ل48000 الف وفى واحدة تانية 2000 سى سى ايكو تك 2002 لون رمادى(اللون دة بيعلى السعر شويه حلوين) وماسكك فى ال65000الف.
يعنى فى فرق 15000 الف فى سعر العربيتين بالرغم من الموديل والحالة تقريبا زى بعض.بس خلينا نتفق ان العربية دى تسوى تمانها واكتر .بس السعر بتاعها عايم زيها زى الفورد والالمانى عامة غير اليابانى والكورى

[zizo50001]

فى الحقيقة الاسعار متفوته بين العربيات وكماليتها 2001 مانوال غير ال1600 اوتو غير ال2000 الاوتو
انا فى قدامى نفس العربيةلونها اسود فابريكة جوه وبره بس اللون مجرب شويه من الشمس يعنى عايزة وش نضافة وماشية 110000 كم والمطلوب 50000 وممكن تنزل ل48000 الف وفى واحدة تانية 2000 سى سى ايكو تك 2002 لون رمادى(اللون دة بيعلى السعر شويه حلوين) وماسكك فى ال65000الف.
يعنى فى فرق 15000 الف فى سعر العربيتين بالرغم من الموديل والحالة تقريبا زى بعض.بس خلينا نتفق ان العربية دى تسوى تمانها واكتر .بس السعر بتاعها عايم زيها زى الفورد والالمانى عامة غير اليابانى والكورى

لو اللى انت بتقول عليها موديل 2002 اللى ب 50000 دى حالتها حلوة ولسة موجودة و انت مش هتشترى ادينى رقم التلفون

[zizo50001]

علىفكرة انا كنت فى السوق الجمعة اللى قبل اللى فاتت علشان اخويا كان بيشترى عربية فيكترا وكان فى كذا واحدة احسن واحدة فيهم رشة قايم و فيها خبطة كمان من قدام و خبطة فى ارضية الشنطة موديل 97 ودى كانت اكتر واحدة نظيفة والله والله العظيم الراجل مش راضى ينزل جنية عن 48.500 و العربية عاملة 300 الف كم كمان وحالتة مش حلوة الاسعارف فى السوق غالية جدا

[فادى محمد]

تساوي 58 الف علي الحاله دي
انا شاري عربيتي بنفس المواصفات تقريبا من 4 سنين ب62 الف فابريكه بالكامل
الاسعار نزلت فكده هو نفس قيمه المبلغ تقريبا ونفس سعر السوق عدلا ..

[kar!m]

ايه يا باشا خلصت فيها ولا لسه؟ .. ربنا يقدر لك الخير.

[احمد فهمى]

من ٥٥ ل ٥٩ حد اقصي

[kar!m]

من ٥٥ ل ٥٩ حد اقصي

مفيش قدامك حاجه بالسعر ده؟