برجاء المساعدة فى تكيف اوبل فيكترا 1995

[pop2002mady642]

اصدقائى الاعزاء

برجاء افداتى بخصوص تكيف السيارة اوبل فيكترا 1995 حيث ان التكيف توقف كليا وروحت لناس كتير قالوا لى ان المشكلة فى الكباس و هيكلف حوالى 4000 + الشجرة 1000 بس فى واحد بتاع تكيف عرض عليا نصيحة ان تكيف الاوبل فى مشاكل كتير فا قال لى ان يشل التكيف كلة و يركب لى تكيف يابنى اصلى هيكلف 3000 و معاة ضمان سنتين و درجة السقعية بتاعتة اشد من التكيف بتاع الاوبل فكنت عاوز اعرف اية رايكوا فى موضوع التكيف اليابنى دة

وشكرا على النصيحة

[Amrgamal1]

التكييف الياباني في ناس بتركبه في ال bmw القديم عشان تكييفها بردو مش حلو
وشغال زي الفل وبيسقع جامد
والسعر 3000 جنيه زي مانت كاتب فعلا
لو ينفع يركب في الاوبل ركبه

بس قولي ازاي الكباس ب 4000 جنيه ؟؟؟

[alnmr79]

الكباس فى حدود 600 جنيه

[HISHAM80]

التكييف الياباني في ناس بتركبه في ال bmw القديم عشان تكييفها بردو مش حلو
وشغال زي الفل وبيسقع جامد
والسعر 3000 جنيه زي مانت كاتب فعلا
لو ينفع يركب في الاوبل ركبه

بس قولي ازاي الكباس ب 4000 جنيه ؟؟؟

طيب ممكن تفصيل أكتر وهل هو تمنه كامل جديد

[pop2002mady642]

شكرا على المساعدة انا قصدى الكمبريسور هو الى 4000

[Moabany]

شكرا على المساعدة انا قصدى الكمبريسور هو الى 4000

اعتقد السعر ده عالي قوي
الكمبروسر تقريبا يعمل 1800جم
ممكن تسأل في التوكيل

علي فكرة تكييف الفيكترا اية لو مظبوط ممتاز ينافس الياباني
وده رأي ناس من ملاك التويوتا

[SimplyM]

شكرا على المساعدة انا قصدى الكمبريسور هو الى 4000

الكباس هو الكمبريسور

[mido_Gandor]

يا جماعة انا عندي نفس المشكلة و رحت ساندن ف المعادي قالي 3500 جنية و هنغير كل حاجة تحت الكبود كباس و سربنتينة و وصلات و خراطيم و قاعدة و لازم اسيب العربية يوم و كدة المهم سالت كذا واحد غيرة محدش اداني عقاد نافع و واحد قريبي بيقولي انه صرف على تكيفها في التوكيل و معجبوش ف باع العربية و ناس كتير عن تجارب كتير قالولي متصرفش على تكيف الفيكترا احسنلك غيره . في ناس لقيتها بتشتكي من ساندن و انه نصاب و كدة لا مؤاخذة يعني هنا في المنتدي انا محتار اعمل ايه و الاخ اللي بيقول برضة عالتعديل ده يا ترى الكلام ده عند مين ؟؟

[mifs]

انا انصحك ماتعدلش تكيفها
ركب كباس جديد اصلي او كباس نوبيرا 2 جديد برضه بلاااااااااش كباس استيراد
ولو في حاجة تانية بايظة غيرها
وسيب تكيفها الاصلي كما هو
دي نصيحة لوجه الله عن تجربة تغير تكييف فيكترا بي 1 من الاصلي للياباني

[mido_Gandor]

طب جديد اصلي دي هيعدي شوية و بعدين صناعته هتكون ايه لان معروف ان تكيف الالماني ضعيف فانا ممكن اجيب بتاع النوبيراجديد برضه بس هيكون محتاج ايه عشان التركيب و كدة و بعدين في واحد اسمه محمد عز واحد من الاعضاء هنا كان راحلة و بيقول عليه كويس انا رحتله امبارح قالي تعلالي يوم الصبح و نكشف ، انا عندي الهواء شديد من الجنبين بس ضعيف اوي في الهوايات اللي في النص قالي بس تعالى و هنشوف الدنيا فيها ايه و بعدي السربنتينة كانت مخرومة قالي تتلحم عادي و بنفس الكفاءة مش هتقل ، اصرف على تكيفها و اركب كباس النوبيرا
ولا اعمل ايه انا محتار. محمد عز ده عند حي عين شمس من ناحية جسر السويس

[mido_Gandor]

عاوز اضيف اني سألت عند المؤسسة المتحدة للتجارة الدولية ف جسر السويس و لقيت الاوبل كوري ب 1950 و لازم يتغير معاه الاكسبنشن و الفلتر يعني كلو 2350 جنيه و النوبيرا كوري برضو ب 1650 جديد و بيقولي مفيش عليه ضمان الا لما تركب عند ديافيا اللي في الحدايق او تركب عند واحد تبعنا يعني معرفة ساعتها نديك ضمان غير كدة لا !!!! اصرف على تكيفها و الحم السربنتينة و انظف التلاجة و اركب ولا ايه , و اعمل الشغل ده عند مين كويس يعرف يفك التابلوه و يرجعه زي الاول ؟

[mido_Gandor]

تم بحمد الله ظبط التكييف بأقل تكلفة و من يرجو معرفة الكيفية , الرجاء الطلب و هرد عليه لإطالة شرح الموضوع و لتعم الفائدة و شكرا لكم جميعا يا أفضل منتدى

[Mamoud salah H]

يارييت الشرح يا باشا

[tananybasha]

1. تكييف ال 95 الهوايات الجانبية اقوى من النص
2. الكباس جديد 1600
3. تغيير نظام الدورة مش مستحب

[م/علاء الدين]

انا عندي عربيه اوبل من 6 سنوات وطبعا التكييف ضعيف لكنه شغال فيه واحد في فيصل اسمه حنا خلف حي الهرم في شارع المساكن دا كويس بالمقارنه بالاخرين بس غالي جدا