Tweet
فعلا زى ما قلت كده .. بووووم وراحت مبطله :)
كل الحكايه انى كنت مسافر العين السخنه من يومين بعربيتى - اوبل تيجرا 97 1400cc ايكوتيك مانيوال - طالع من المعادى على الدائرى ولقيت عداد الحراره بيسابق عداد السرعه عشان يعدى الـ 100 .. على ما وقفت على جنب وفتحت الكبوت والقربه درجة الحراره وصلت عند الاحمر .. فتحت القربه واستنيت لما العربيه هديت شويه وبعدين دورت وفكيت خراطيم القربه اللى راجعه عشان افضى دورة الميه من الهوا وحطيت ميه تانى راحت المروحه اشتغلت والعربيه بردت ورجعت لدرجة الحراره الطبيعية - 97 درجة - وكلو بئا تمام.
طلعت على طريق السخنه ولانى كنت عاوز الحق اليوم اللى ضاع منى كبست على العربيه وكنت ماشى بسرعة من 150 الى 180 طول الطريق لحد قبل بوابات السخنه بحوالى 5 كيلو سمعت صوت فرقعه تحت الكبوت والعربيه بطلت .. طبعا حاولت ادور واكمل بس مادارتش .. اديتها الرابع ورميت وهى لسه ماشية بسرعة الدفع الذاتى دارت لمدة حوالى ربع دقيقة مع صوت زى سير مقطوع وبطلت تانى.
قلت خلاص كده واضح انو سير كاتينه وسيبتها ماشيه ولحسن الحظ ان اهوا كان فى اتجاهى والحمدلله وصلتنى لحد بوابات السخنه .. نزلت فتحت الكبوت ولاحظت الاتى:
- سير الكاتينه سليم
- دورة الميه سليمه
- القربه سليمه ومحكمة الغلق
- سير الخدمات فى مكانه
- زيت الموتور سليم ومش طحينه
- الزيوت فى مختلف العلب سليمه
شلت كل الفيش والحساسات والكتاوت اللى انا شايفها من مكانها ونضفتها ورجعتها تانى حتى فيشة طرمبة البنزين والنتيجه لما بدور العربيه بسمع صوت المارش بس ومش بتدور حتى لو زقيتها ورميتلها .. بس لاحظت الاتى بعد شوية:
- نقط زيت خفيفه بتنزل من تحت كارتيرة الزيت مع العلم انها مش من الصاموله
- نقط ميه خفيفه بتنزل من الجانب اللى تحت القربه على جسم الموتور
المهم كلمت ونش ورجعتها القاهرة بس انا هاتجنن واعرف العيب ايه لانى نزلت تحت العربيه واتأكدت بالنظر ان كل الخراطيم متوصله فى مكانها وسليمه ومفيش خرطوم مرشح حتى ومعتقدش انى هوديها للميكانيكى غير لما يبئا معايا فلوس بس قولت اسألكو تساعدونى يمكن تطلع المشكله حاجه سهله واخلص بئا
معلش طولت عليكو بس بجد محتاج مساعدتكو جدااا
كل الحكايه انى كنت مسافر العين السخنه من يومين بعربيتى - اوبل تيجرا 97 1400cc ايكوتيك مانيوال - طالع من المعادى على الدائرى ولقيت عداد الحراره بيسابق عداد السرعه عشان يعدى الـ 100 .. على ما وقفت على جنب وفتحت الكبوت والقربه درجة الحراره وصلت عند الاحمر .. فتحت القربه واستنيت لما العربيه هديت شويه وبعدين دورت وفكيت خراطيم القربه اللى راجعه عشان افضى دورة الميه من الهوا وحطيت ميه تانى راحت المروحه اشتغلت والعربيه بردت ورجعت لدرجة الحراره الطبيعية - 97 درجة - وكلو بئا تمام.
طلعت على طريق السخنه ولانى كنت عاوز الحق اليوم اللى ضاع منى كبست على العربيه وكنت ماشى بسرعة من 150 الى 180 طول الطريق لحد قبل بوابات السخنه بحوالى 5 كيلو سمعت صوت فرقعه تحت الكبوت والعربيه بطلت .. طبعا حاولت ادور واكمل بس مادارتش .. اديتها الرابع ورميت وهى لسه ماشية بسرعة الدفع الذاتى دارت لمدة حوالى ربع دقيقة مع صوت زى سير مقطوع وبطلت تانى.
قلت خلاص كده واضح انو سير كاتينه وسيبتها ماشيه ولحسن الحظ ان اهوا كان فى اتجاهى والحمدلله وصلتنى لحد بوابات السخنه .. نزلت فتحت الكبوت ولاحظت الاتى:
- سير الكاتينه سليم
- دورة الميه سليمه
- القربه سليمه ومحكمة الغلق
- سير الخدمات فى مكانه
- زيت الموتور سليم ومش طحينه
- الزيوت فى مختلف العلب سليمه
شلت كل الفيش والحساسات والكتاوت اللى انا شايفها من مكانها ونضفتها ورجعتها تانى حتى فيشة طرمبة البنزين والنتيجه لما بدور العربيه بسمع صوت المارش بس ومش بتدور حتى لو زقيتها ورميتلها .. بس لاحظت الاتى بعد شوية:
- نقط زيت خفيفه بتنزل من تحت كارتيرة الزيت مع العلم انها مش من الصاموله
- نقط ميه خفيفه بتنزل من الجانب اللى تحت القربه على جسم الموتور
المهم كلمت ونش ورجعتها القاهرة بس انا هاتجنن واعرف العيب ايه لانى نزلت تحت العربيه واتأكدت بالنظر ان كل الخراطيم متوصله فى مكانها وسليمه ومفيش خرطوم مرشح حتى ومعتقدش انى هوديها للميكانيكى غير لما يبئا معايا فلوس بس قولت اسألكو تساعدونى يمكن تطلع المشكله حاجه سهله واخلص بئا
معلش طولت عليكو بس بجد محتاج مساعدتكو جدااا
Comment