إعـــــــلان

Collapse

.

,
See more
See less

عامود الكامة اتكسر تاني (أوبل كورسا سيدان)

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    عامود الكامة اتكسر تاني (أوبل كورسا سيدان)

    السلام عليكم يا شباب

    بما اني خلصت موضوع تقييم العربية .. جاي لكم بمصيبة المره دي.

    يوم الخميس بالليل .. جاي من ميدان لبنان و ماشي على المحور و كنت ناوي أطلع الدائري عشان أروح الزقازيق .. و مره واحده حسيت ان العربية متلته .. أنا قلت يمكن البوجيهات مش كويسه .. مع اني مغيرها من فترة قريبة .. المهم ركنت على جنب .. قبل طلعة الدائري على طول .. الحمد لله ان الحته كانت واسعه شوية .. و فضلت أحاول في سلوك البوجيهات .. و مفيش فايدة برضه العربية بتدور و الموتور يتهز و تبطل .. طلعت العده و فكيت البوجيهات و نضفتها .. بس للأسف في بوجيه اتكسر مني.

    طبعا اكتئبت .. و كلمت واحد صاحبي في أكتوبر قلت له يجيب لي طقم بوجيهات و ييجي لي .. قال لي أجيب ميكانيكي معايا .. قلت له مش مستاهله .. هي تقريبا بوجيهات .. و فضلت مستنيه على المحور بتاع ساعه كده لحد ما جه هو و ميكانيكي شاب صغير من الشيخ زايد.

    و للحديث بقية ...


    [CENTER][B]القران الكريم بجودة صوت عاليه جدا[/B]
    http://www.nilemotors.net/Nile/230790-a.html[/CENTER]
    الكلمات الدلالية (Tags): أوبل, اتكسر, الكامة, تاني, سيدان, عامود, كورسا
  • #2
    ربنا يجيرك في مشكلتك ويخلفك خير منها
    اخوكم /فادي محمد عيد ..من مواضيعي المصوره للفيكترا بي ....

    [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
    [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
    [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
    [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
    [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

    hellboy سابقا

    Comment

    • #3
      يا تكلمل الموضوع يا مش هعلق
      عامود الكامه بيتكسر من الاهمال فى الزيت-يا طلمبه الزيت عندك ضعيفه يا بتحط زيت تقيل مش بيوصل الى اعلى المحرك-يا بتمشى بزيت ناقص

      Comment

      • #4
        ايه اللى حصل تانى
        [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
        [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
        [CENTER][SIZE=3][COLOR=black]محمد الطنانى[/COLOR][/SIZE][/CENTER]

        Comment

        • #5
          الميكانيكي قعد يعمل الحاجات المعروفة .. ركب البوجيهات الجديدة .. نفس المشكلة .. العربية زي ما تكون متلتة .. مسك السلوك و قربها من البوجيهات سلك سلك .. عشان يعرف الموبينة شغالة ولا لأ .. الموبينة كانت شغالة تمام .. بس اللي حصل ان الشرر ده زي ما تقولوا كده ادا اشارة لكمبيوتر العربية خلى السنتر يقفل .. و المفتاح جوه .. و الازاز مقفول.

          و طبعا المفتاح التاني في الزقازيق .. وأنا على المحور.

          مش هقدر أوصف لكم شعوري في الوقت ده كان عامل ازاي .. قمة الاحباط .. ولا هعرف أسيب العربية ولا هعرف أروح أجيب المفتاح .. و العربية فيها ديد لوك .. حتى لو رفعت المسوجر مش هتفتح.

          طبعا فصلنا البطارية و ركبناها .. و برضه مفيش فايدة .. الميكانيكي راح جاب سيخ حديد من الأرض و كان عاوز يدخله من الباب من فوق .. و بعد محاولتين .. قلت له لأ .. انت كده هتخربش العربية و في الاخر الباب مش هيفتح برضه .. اكسر الازاز و خلاص .. قال لي انت متأكد .. قلت له اه هعمل ايه يعني .. المهم كسره و طلعت المفتاح و فتحنا العربية .. و كملنا شغل.

          فك خرطوم البنزين اللي داخل للرشاشات .. و قال لي افتح الكونتاكت .. لقى طلمبة البنزين شغالة كويس .. حسيت انه خلاص مش عارف سبب .. قلت له بص كده يمكن عامود الكامه مكسور .. قال لي مش معايا الانكية .. قلت له انا معايا .. المهم فك .. و بص قال لي لأ سليم .. و لسه بيقفل .. قلت له استنى كده أبص أنا .. لقيت العامود مكسور من نفس المكان اللي كان اتكسر منه قبل كده .. مكملش 3 شهور.

          الساعة كانت تقريبا 12 بالليل .. وطبعا كنت في قمة الاحباط .. حاسبت الميكانيكي .. كان عاوز 100 جنية أو 50 جنية و صاحبي يوصله.. اديته 70 جنية .. و صاحبي اداني رقم ونش .. كلمته .. و اتفقت معاه انه يوديني الشيخ زايد .. كان عاوز 170 جنية .. في حته كلها 15 كيلو تقريبا .. المهم اتفقت معاه على 130 .. و رحت حطيتها في جراج عشان الازاز مكسور .. مع اني عارف اني مش هصلحها في الشيخ زايد .. و اني هضطر أنقلها تاني .. بس كنت خلاص هلكان من التعب .. قلت أرميها في أي حته لحد الصبح.

          كلمتهم في البيت و قلت لهم اني مش راجع النهاردة .. و نمت ..
          بكرة بأه ان شاء الله أقول لكم عملت ايه في الحرفيين
          [CENTER][B]القران الكريم بجودة صوت عاليه جدا[/B]
          http://www.nilemotors.net/Nile/230790-a.html[/CENTER]

          Comment

          • #6
            قدر الله و ماشاء فعل

            Comment

            • #7
              لا حول و لا قوة الا بالله
              [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
              [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
              [CENTER][SIZE=3][COLOR=black]محمد الطنانى[/COLOR][/SIZE][/CENTER]

              Comment

              • #8
                معلش قدر الله وما شاء فعل .نصيحة لو العربية مش جاية سكة معاك بيعها وهات واحدة تانية علشان العربيات دى قرف .
                ابو حمزه

                Comment

                • #9
                  قدر اللة وما شاء فعل :(((

                  Comment

                  • #10
                    انا هختصر بأه عشان الموضوع ميطّولش.

                    يوم الجمعة الصبح كنت محتار أودي العربية فين .. و ليه المشكلة دي بتتكرر معايا كتير .. يعنى ان عامود الكامه يتكسر مرتين في 3 شهور حاجه مش طبيعية .. المهم قلت أوديها الحرفيين عند الشيخ هيثم .. انا متعاملتش معاه قبل كده .. بس أسمع انه كويس.

                    كلمت ونش تاني .. و جه خدني من الشيخ زايد للحرفيين ب 300 جنية (اه ياني يا فلوسي)

                    وصلنا على صلاة الجمعة بالضبط .. ركنت العربية و غطيتها (عشان الازاز مكسور) .. و بعد الصلاة لقيت عربيات كتير جت .. و بتدخل قبليه .. و انا مش عارف أدخل عشان عاوز حد يزق العربية معايا .. المهم دخلت الساعة 3 .. كان في ييجي 10 عربيات أوبل جوه .. معظمهم فيكترا بي .. و 2 أسترا 1600 .. وواحده أسترا 1200 .. وواحده استرا هاتش باك .. و فيكترا سي.

                    المهم اشتغل في عربيتي ولد اسمه حلمي .. ولد مؤدب جدا .. و صبور .. و شغله نضيف و مبيكروتش مع اننا مشينا الساعه واحده صباحا.

                    المهم فك الهيد و العامود ووش السلندر و وراهم للشيخ هيثم .. قال لي روح شوف هيد و عامود استيراد .. و متجيبش عامود بس عشان لازم يكون مطبع على الهيد .. و راح قاس وش السلندر عشان كان مخروط قبل كده و قال لي هنحط جوانين (هي أصلا كان فيها جوانين) .. و قال لي العربية دي بتاكل كامات هي واللانوس .. يعني العيب ده متكرر فيها.

                    المهم ألّف على هيد و عامود كورسا .. مفيش تماما .. الشاطر كان عنده موتور برازيلي نضيف أوي .. بس بيبيعه على بعضه ب 6000 الاف جنية من غير الفتيس و ب 7000 جنية بالفتيس .. و بصراحة نادرا جدا لما تلاقي موتور للعربية دي و يكون أوبل عشان بتنزل بره شيفرولية و كده .. و عنده موتور تاني الماني .. بيقول لي أديلك شورت بلوك .. يعني وش السلندر بالصبابات و الهيد بالعامود ب 2000 جنية .. قلت له ده 1600 سي سي قال لي اه .. و الله أعلم.

                    قلت أدور على عامود و هيد لانوس .. برضه مفيش خالص .. كله عاوز يبيع الموتور على بعضه .. لقيت عامود جديد فيبي ب 600 جنية .. و هيد بتاع لانوس جديد ب 450 .. كلمت الشيخ هيثم .. قال لي لأ متجيبش جديد .. أنا هشوف كده.

                    المهم رجعت له .. لقيت حلمي بينضف في هيد بالعامود بتاعه .. مكتوب عليه GM .. و بصراحه استنضفته أوي .. قلت لهيثم احنا هنركب ده؟ .. قال لي لسه اما يتنضف هشوفه .. لو العامود مش متاكل .. نركبه .. المهم بعد ما اتغسل هيثم شافه قال تمام .. و كان في واحد صاحبي جالي .. بص عليه و قال لي كويس .. الهيد بالعامود ب 600 جنية .. و بدأ حلمي يقفل الهيد على وش السلندر.

                    من الحاجات الكويسة عند الشيخ هيثم ان قطع الغيار اللي بيجيبها نضيفة .. غير عبد الله أوبل .. يعني الجوانات ajusa .. و كان في ولد معاه فيكترا سي .. كان بيغير له سيور .. السيور اللي جابها له gates .. و بيستخدم سيليكون نوع نضيف و عنده أجهزة كشف و الورشة عموما نضيفة وواسعة.

                    المهم بعد ما حلمي ركب الهيد على وش السلندر .. و لسه هيربط .. كانت الساعة 8 بالليل تقريبا .. قلت له شوف غطا الموبينة كده هيركب على الهيد ده (الجزء المعدن اللي الموبينة بتبات عليه) .. لقاه مش هيركب .. قام حالل الهيد تاني و راح لهيثم يسأله هنعمل ايه .. و المحلات بدأت تقفل .. و غالبا مش هنلاقي هيد تاني .. و الدنيا اسوّدت في وشي ...


                    [CENTER][B]القران الكريم بجودة صوت عاليه جدا[/B]
                    http://www.nilemotors.net/Nile/230790-a.html[/CENTER]

                    Comment

                    • #11
                      و بعدييين
                      الواحد حاسس انه بيتفرج على بريزون بريك
                      [CENTER][RIGHT][SIZE=4][COLOR=Black]لا تكن أحادي الرأي فمن الجميل أن تؤثر وتتاثر
                      [/COLOR][/SIZE]
                      [/RIGHT]
                      [/CENTER]

                      Comment

                      • #12
                        الاعلانات طولت انا كده بدات انسي الحلقتين اللي فاتو

                        Comment

                        • #13
                          يا جماعة أنا خلصت الموضوع امبارح .. و المشاركة كانت موجودة .. مش عارف راحت فين

                          مش معقول هكتب ده كله تاني
                          [CENTER][B]القران الكريم بجودة صوت عاليه جدا[/B]
                          http://www.nilemotors.net/Nile/230790-a.html[/CENTER]

                          Comment

                          • #14
                            المشاركة الأصلية كتبت بواسطة haitham2011 مشاهدة المشاركة
                            الاعلانات طولت انا كده بدات انسي الحلقتين اللي فاتو
                            هههههههه هو بصراحه طريقه كلامه تشد وتخليك عايز تكمل باقي الاحداث :)

                            @kar!m
                            معلش يا كيمو قدر الله وماشاء فعل
                            انا بردو حصلي حاجات كتيييير وكنت لسه جايب العربيه بس الحمدلله
                            المشاركات فعلا كلها رجعت ل يومين فاتو مش عارف ازاي !
                            [SIGPIC][/SIGPIC]
                            Amr Gamal
                            [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                            Comment

                            • #15
                              انت جيت فى وقت مشكله السيرفر
                              ربنا يعوض عليك يا كيمو
                              اديها اختصار
                              و اختبها تانى معلشى
                              [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                              [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                              [CENTER][SIZE=3][COLOR=black]محمد الطنانى[/COLOR][/SIZE][/CENTER]

                              Comment

                              السابق 1 2 template التالي
                              Working...
                              X